FLE blaðið - 01.07.2010, Blaðsíða 5
hugtakið endurskoðun yfir allt sem endurskoðendur gera
enda var það þannig til að byrja með. Við í stéttinni teljum það
aðeins ná til endurskoðunarinnar sjálfrar en könnunarvinna
fjárhagsupplýsinga og ýmis önnur staðfestingarvinna sé
aðgreind þar frá og hafi oft annan tilgang og markmið en
endurskoðun. Hvert form staðfestingarvinnu hefur svo
mismunandi áritanir sem sýnishorn eru gefin af í viðkomandi
stöðlum. Þar fyrir utan gegna endurskoðendur alls kyns
ráðgjafarvinnu svo sem við rekstur, skattamál o.fl. sem ekki
fellur undir staðfestingarvinnu þá sem getið er hér að framan
og eru þeir þar oft að miðla af þekkingu sinni og reynslu. í
lögum um endurskoðendur er hugtakið „endurskoðun" látið
ná yfir alla staðfestingarvinnu, þ.e. þá vinnu að afla gagna
og meta þau með óháðum og kerfisbundnum hætti í þeim
tilgangi að láta í Ijós rökstutt og faglegt álit endurskoðanda um
áreiðanleika þeirra og framsetningu. Af fyrrgreindu má sjá að
það er nokkur þörf á að huga að hugtökum og hugtakanotkun
fagsins í tengslum við þróun þess undangengin ár til að það
valdi ekki misskilningi.
Þróun og framtíð
Mikil þróun hefur orðið í viðskiptalífi undanfarin misseri með
aukinni tækni. Því samfara er Ijóst að hlutverk endurskoðenda
mun áfram þróast frá því sem nú er eða verið hefur. Við
stofnun FLE fyrir 75 árum var verðbréfamarkaður hérlendis
lítt þróaður og hlutverk endurskoðenda að votta um réttmæti
fjárhagsupplýsinga líkt og enn er, auk þess að halda utan um þá
þekkingu sem laut að reikningsskilum. Með síauknum kröfum
til lífsgæða í nútíma samfélagi ríður á að aðgengi sé stöðugt
að traustum upplýsingum til ákvarðanatöku þegar verið er að
beina aðföngum í þann farveg sem mesta hagsæld skapar. Þörf
fyrir hraða í flæði upplýsinga hefur aldrei verið meiri en nú er
og sýnist fara vaxandi. Traust og trúverðugleiki upplýsinganna
mun þó ávallt byggja á heilindum þeirra persóna sem þær
staðfesta. Það er og verður hlutverk endurskoðenda.
Með tæknivæðingu undanfarinna ára hefur upplýsingaflæði
færst meira yfir á rafrænt form, þ.e. búið er að rafvæða
pappírinn sem áður var notaður til að dreifa upplýsingum.
Ákvarðanataka grundvallast nú á mun víðtækari upplýsingum
en þeim sem eru eingöngu fjárhagslegs eðlis. Má hér nefna
upplýsingar um stjórnhætti, þ.e. hvort og hvernig er tekið
á vandamálum sem upp koma í rekstri, nýtingu aðfanga,
áhættugreiningu, skipulagningu og virkni innra eftirlits, fylgni
við lög og reglur, umhverfismál o.fl. Þessar upplýsingar eru
ekki eingöngu notaðar af fjárfestum í fjárfestingahugleiðingum
heldur einnig fyrirtækjum sem eru að velja sér viðskiptavini
eða samstarfsaðila og fólki á vinnumarkaði sem er að velja sér
farveg fyrir krafta sína og vill tryggja bestan árangur, svo dæmi
séu nefnd. Fyrirsjáanlegt er að þessi þróun mun halda áfram og
þurfa endurskoðendur að forma aðkomu sína að staðfestingum
þessara upplýsinga og birtingarleiða þeirra staðfestinga. Um
það mun framtíðin snúast.
Afmælisverkefni
í tengslum við afmælisár félagsins er nú unnið að útgáfu
félagatals sem nær yfir alla þá aðila sem hlotið hafa löggildingu
til endurskoðunarstarfa auk þess sem í gangi er ritun á sögu
félagsins sem tengist einnig sögu endurskoðunar á íslandi.
Afmælisnefnd félagsins sem skipuð var í tilefni 75 ára
afmælisins hefur haft veg og vanda þessara verka með aðstoð
sérfræðinga á hvoru sviði fyrir sig.
Á þessum tímamótum færi ég öllum þeim sem komið hafa
að starfsemi FLE hinar bestu þakkir fyrir fórnfúst starf í
þágu félagsins. Kynningarnefnd færi ég bestu þakkir fyrir
þeirra framlag til þessarar útgáfu og vona að blað þetta verði
félagsmönnum og öðrum fróðleg og skemmtileg lesning.
Þórir Ólafsson
Fagstétt mótast
Kristján Sveinsson, er sagnfræðingur og vinnur að söguritun FLE
Löggilding, próf og prófleysi löggiltra endurskoðenda
1926-1953
Hinn 15. júní 1926 setti Alþingi í fyrsta sinn lög um löggilta
endurskoðendur. Þremur árum síðar var sett reglugerð um
próf löggiltra endurskoðenda og á næstu árum og áratugum
mótuðust starfshættir um löggildingu og þær kröfur sem
gerðar voru til þeirra sem hana hlutu.
Allt síðan Félag löggiltra endurskoðenda (FLE) var stofnað
í Reykjavík sumarið 1935 hefur félagið haft afskipti af
menntunarmálum endurskoðenda og meiri en gerst hefur um
margar aðrar fagmenntaðar starfsstéttir. Það á sér þá skýringu
helsta að allt síðan endurskoðun varð löggilt starfsgrein á
FLE blaðiðjúlí2010 • 5