FLE blaðið - 01.07.2010, Blaðsíða 16

Frá vinstri: Þorsteinn, Helga Erla, Sighvatur formaður
Kynningarnefndar og Geir
Hvað varð til þess að þið tókuð þetta að ykkur?
Geir: „Það eru yfir 30 ár síðan ég var formaður en ég datt
inn í þetta úr varaformannssætinu. Ég kom þarna inn í
stjórnina þegar Atli Hauksson var formaður og var svo gerður
varaformaður blautur á bak við eyrun. Það lá ekki endilega
Ijóst fyrir í upphafi, að ég myndi verða formaður. Menn töldu
það svo sjálfsagt þannig að hefðin var byrjuð að mótast.
Þorsteinn: „Ég hafði brennandi áhuga og titraði að metnaði.
Ég tók ekki beinlínis að mér formannsembættið heldur tók ég
að mér varaformannsembættið. Það var létt að játast boði um
þá vegtyllu. Af því leiddi, samkvæmt venju, formannsembættið
og þegar á hólminn var komið, kom ekki til greina að hafna
því." Þorvarður: „Auðvitað gerðist þetta með sama hætti
hjá mér að ég tók að mér varaformennsku. Það fylgdi því að
verða svo formaður. Mér fannst það bæði áhugavert verkefni
og áskorun að gerast formaður þessa merkilega félags.
Margret: „Þegar ég tók við sem varaformaður vissi ég að það
yrði formannsembættið tveimur árum seinna. Allt frá því að ég
kom inn í þetta félag og Þorsteinn setti mig í skemmtinefnd
hefur mér alltaf fundist þetta félag svo sérstakt. Menn voru
svo nálægt hver öðrum, var svona þétt félag. Mér fannst
þetta ótrúlega spennandi viðfangsefni. Það er alltaf gaman
að taka að sér öðru vísi verkefni en maður er að sinna alla
daga. Ég pældi svo sem ekkert mikið í því hvort formaður
væri karl eða kona. En ég man eftir því að það var kostur hve
fáar konur voru í félaginu hér áður fyrr, af því að það var aldrei
biðröð á kvennaklósettinu, en það hefur alveg gjörbreyst.
Hvernig hefur reynslan nýst ykkur í daglegu starfi?
Þorsteinn: „ Reynslan nýtist á öllum vettvangi lífsins;
sérstaklega í starfi. Það veitir mikinn styrk að vera inni í
umræðunni og inni í þeim málefnum sem eru til umfjöllunar
hjá NRF og á alþjóðavettvangi. Það að vera í sambandi við
erlenda forystumenn endurskoðenda og funda með þeim,
veitir styrk og öryggi. Kemur inn alhliða, alveg eins og ef
maður púlar í ræktinni, en þá er erfitt að segja hvort styrkurinn
komi frá þessari eða hinni æfingunni.
Þorvarður: „ Kannski þó reynslan nýtist ekki í starfi sem
endurskoðandi þá nýtist hún í persónuleg samskipti og
persónuleg tengsl. Maður lærir ýmislegt eins og að stjórna
fundum og taka þátt í verkefnum og umræðum. Einnig
það að kynnast þessum erlendu kollegum og uppgötva að
vandamálin eru þau sömu í raun. Þetta nýtist vel í samskiptum
við fólk.Margret: „ Og víkkar sjóndeildarhringinn sem er
alltaf til gagns hvar sem maður fer , bæði í vinnunni og alls
staðar. Manni hættir auðvitað til, sérstaklega ef maður vinnur
mjög lengi á sama stað og í sama starfinu, að sjá ekki út
fyrir sinn innsta hring. Það víkkar hann mikið að fara í svona.
Geir: „Ég tek undir þetta allt saman, þetta var góð reynsla.
Hvaða burði þurfa menn að hafa í svona starf og
mynduð þið mæla með þessu við kollega ykkar?
Þorvarður: „Fyrst og fremst að hafa viljann til að gera þetta og
hafa gaman af samskiptum við fólk.
Þorsteinn: „Ég mæli ekki með þessu við aðra, ég skal bara
gera þetta" segir hann og vekur almennan hlátur í hópnum.
„Það er alveg frábært að vera formaður, en auðvitað verða
menn að hafa áhuga og ekki bara metorðagirnd heldur líka
metnað, einhverja sýn á þetta. Mönnum gefst líka tími til að
búa sig undir þetta í varaformannssætinu.
Þorvarður: „Það kerfi virkar mjög vel.
Geir: „Fólk þarf að gera sér grein fyrir því að þetta er krefjandi,
tekur bæði tíma og undirbúning.
Þorvarður: „Menn sjá líka fyrir endann á þessu en þetta eru
fjögur ár, tvö í varaformann og tvö sem formaður svo menn sjá
fyrir endann þá þessu.
Margret: „Mér finnst þetta passlega langt tímabil. Fólk spurði
mig, hvort um eftirsjá eða létti væri að ræða þegar ég hætti en
í mínum huga fann ég fyrir hvorugu. Þetta var verkefni sem ég
tók að mér, tók talsverðan tíma en var skemmtilegt.
Þorvarður: „Það var ákveðinn léttir að hætta en líka eftirsjá.
Mann vantaði samt ekki verkefnin, það leggst alltaf eitthvað til.
Ég fór í að byggja sumarbústað sumarið eftir.
Geir: „ Maður hafði gert sér grein fyrir að þessi tími myndi líða.
Ég held að mér hefði ekki liðið sérstaklega vel með það að vera
lengur í þessu.
Hvað voru helstu málin í endurskoðunarheiminum
þegar þið voruð formenn?
Geir: „Þetta voru fyrstu ár alþjóðareikningsskilanefndarinnar.
Við vorum ekki stofnfélagar þar en ég man að á fundi sem ég
mætti á, kom formaður nefndarinnar með kort sem merkt voru
inn á þau lönd sem höfðu þá gengið til þessa samstarfs. Hann
var mjög áhugasamur um að fá Island inn í hópinn því þá gat
hann litað áberandi blett á kortinu rauðann. Það varð úr að árið
eftir gengum við inn í þetta. Af innlendum vettvangi man ég
eftir að það voru í undirbúningi ný hlutafélagslög og það for
svolítill tími í það.
Margret: Það hrundi víst heilt efnahagskerfi á minni vakt.
Auðvitað markaði það dálítið þennan tíma og kallaði á
meiri samskipti við fjölmiðla en maður hafði gert ráð fyrir
og margt sem hékk á spýtunni. Spjót hafa auðvitað beinst
að okkar stétt, sum með réttu og önnur með röngu. Það
16 • FLE blaðiðjúlí2010