Dagblaðið Vísir - DV - 27.05.2016, Síða 4

Helgarblað 27.–30. maí 20164 Fréttir
Safna 150 milljónum
fyrir skuldum Fáfnis
n Boðað til hluthafafundar hjá Fáfni Offshore n Stjórnin vill gefa út skuldabréf
S
tjórn Fáfnis Offshore hef­
ur boðað til hluthafafundar
í dag þar sem tillaga henn­
ar um 150 milljóna króna
skuldabréfaútgáfu fyrirtækis­
ins verður tekin fyrir. Með fjármögn­
uninni á að greiða afborganir lána
og vexti til Íslandsbanka og norska
fjármálafyrirtækisins EksportKreditt
Norge AS og þannig tryggja áfram­
haldandi rekstur fyrirtækisins. Fáfn­
ir rekur sérútbúna fimm milljarða
króna olíuþjónustuskipið Polarsys­
sel, dýrasta skip Íslandssögunnar,
en smíði á öðru skipi fyrirtækisins,
Fáfni Viking, var stöðvuð vegna verk­
efnaskorts.
Lengt í lánum
Samkvæmt fundarboði stjórnarinnar,
sem DV hefur undir höndum, vill hún
fá leyfi hluthafa Fáfnis fyrir skulda­
bréfaútgáfu upp á allt að 150 millj­
ónir króna. Breytanleg skuldabréf
verði gefin út ekki seinna en 11. júní
næstkomandi, með 20% ársvöxtum,
sem hægt verði að skipta fyrir hluta­
fé í olíuþjónustufyrirtækinu. Jóhann­
es Hauksson, stjórnarformaður Fáfn­
is og starfsmaður Íslandssjóða, sem
stýrir framtakssjóðnum Akri, stærsta
hluthafa Fáfnis, segir samkomulag
við Íslandsbanka og EksportKreditt,
um lengingu á lánum fyrirtækisins,
vera á borðinu.
Fáfnir réðst einnig í skuldabréfa­
útgáfu í febrúar síðastliðnum og
hljóðaði hún upp á allt að 195 millj­
ónir króna. Tilgangur hennar var að
útvega félaginu fé fyrir greiðslu til
norsku skipasmíðastöðvarinnar Hay­
vard vegna fimm milljarða króna
skipsins Fáfnir Viking sem fyrirtæk­
ið átti upphaflega að fá afhent fyr­
ir tveimur mánuðum. Þau bréf voru
einnig gefin út með 20% ársvöxtum
og með heimild til að skipta þeim fyr­
ir hlutafé sem samsvaraði meirihluta
hlutafjár í Fáfni. Eignarhlutur þeirra
hluthafa sem tóku ekki þátt í skulda­
bréfaútgáfunni þynntust því út eins
og mun koma til með að gerast á
næstu dögum og vikum fari svo að
hluthafafundurinn samþykki seinni
útgáfuna næsta föstudag.
Fluttu út
Framtakssjóðurinn Akur, sem er í eigu
þrettán lífeyrissjóða, Íslandsbanka og
VÍS, á 30% hlut í Fáfni. Þar á eftir kem­
ur Framtakssjóðurinn Horn II, sem er
í eigu lífeyrissjóða, fjármálafyrirtækja
og fagfjárfesta, með 23%. Samkvæmt
nýjasta ársreikningi Fáfnis á Stein­
grímur Erlingsson, stofnandi og fyrr­
verandi forstjóri fyrirtækisins, 21%
hlut í gegnum einkahlutafélagið Fafni
Holding. Hinir fimm hluthafarnir,
þar á meðal Sjávarsýn ehf., sem er í
eigu Bjarna Ármannssonar, fjárfest­
is og fyrrverandi forstjóra Glitnis, og
Hav yard Ship Invest AS, sem er í eigu
norsku skipasmíðastöðvarinnar Hav­
yard, eiga minna en 10% hver.
Steingrími var eins og komið hef­
ur fram sagt upp störfum í desember.
Lækkun olíuverðs hafði þá gjörbreytt
verkefnastöðu margra fyrirtækja sem
þjónusta olíuiðnaðinn. DV fjallaði
í febrúar um árangurslausa tilraun
hans til að kaupa fyrirtækið af nú­
verandi eigendum þess. Á hluthafa­
fundinum í febrúar reyndi Stein­
grímur að koma Katli Sigurjónssyni,
sérfræðingi í orkumálum og fyrrver­
andi orkubloggara, inn í stjórn félags­
ins fyrir hans hönd. Aðrir hluthaf­
ar Fáfnis studdu Davíð Stefánsson,
starfsmann Íslandssjóða. Í apríllok
barst Fyrirtækjaskrá Ríkisskattstjóra
síðan tilkynning um að höfuðstöðv­
ar Fáfnis væru ekki lengur staðsettar
á Bárugötu 4 í Reykjavík en húsnæðið
er í eigu Steingríms.
Þjónustusamningur Fáfnis Off­
shore við Sýslumanninn á Svalbarða
hefur um langt skeið verið eina verk­
efni fyrirtækisins en hann var í vetur
lengdur úr sex mánuðum á ári í níu.
Samkvæmt upplýsingum DV reyna
stjórnendur Fáfnis að ná samningi
við sýslumanninn um að hann nái til
tólf mánaða á ári. Jóhannes Hauks­
son vill í samtali við DV ekki staðfesta
það.
„Það er verið að skoða verkefni
fyrir þessa þrjá mánuði sem eru til
viðbótar og það er bara í vinnslu,“
segir Jóhannes. n
Stjórnarformaðurinn Jóhannes Hauksson segir skuldabréfaútgáfuna þurfa til svo Fáfnir geti staðið við samkomulag við Íslandsbanka
og Eksportkreditt um lengingu í lánum olíuþjónustufyrirtækisins.
Polarsyssel Lækkun olíuverðs hefur haft
áhrif á verkefnastöðu Fáfnis Offshore en
íslenskir lífeyrissjóðir og ríkisbankinn Íslands-
banki eru í hluthafahópi þess. Bankinn er einnig
stór lánveitandi fyrirtækisins.
Haraldur Guðmundsson
haraldur@dv.is