Dagblaðið Vísir - DV - 27.05.2016, Page 10

Helgarblað 27.–30. maí 201610 Fréttir
» Loftsíur
» Smurolíusíur
» Eldsneytissíur
» Kælivatnssíur
» Glussasíur
Baldwin® hefur sérhæft sig í
smur-, loft- og hráolíusíum.
Við bjóðum upp á Baldwin® síur í
flestar gerðir þungavinnu- og sjóvéla á
hagstæðum verðum.
Verkstæði og viðgerðarþjónusta
Aðalsmerki Bætis er verkstæðið og
viðgerðarþjónustan.
Á verkstæði okkar erum við með öll tæki
til endurbyggingar á allt að 1750 hestafla
vélum.
Túrbínur
Bætir ehf. býður upp
á viðgerðarþjónustu
fyrir flestar gerðir
túrbína. Sími 567-2050 - Smiðshöfði 7 - 110 Reykjavík
Framsóknarmenn vilja
síður kosningar í haust
n Meiri fyrirvari á þingmönnum Framsóknar sem segjast fylgjandi n DV spurði stjórnarþingmenn
M
inni stuðningur er innan
þingflokks Framsóknar-
flokksins við áform forystu-
manna ríkisstjórnarinnar
um að stytta kjörtímabilið
og boða til alþingiskosninga í haust.
DV sendi fyrirspurnir á alla þing-
menn og ráðherra stjórnarflokkanna
þar sem þeir voru spurðir hvort þeir
væru persónulega fylgjandi eða and-
vígir þeim áformum. Meirihluti þing-
manna Framsóknarflokksins, sem
svöruðu fyrirspurn DV, eru and-
vígir því að gengið verði til kosninga
í haust og þeir sem segjast ætla að
styðja ákvörðunina hafa flestir mik-
inn fyrirvara á afstöðu sinni og virð-
ast gera það af semingi. Á sama tíma
er meirihluti þingmanna Sjálfstæðis-
flokksins sem svöruðu fylgjandi því
að ganga til kosninga fyrr.
Hægt að kortleggja meirihlutann
16 af 38 þingmönnum stjórnarflokk-
anna svöruðu skriflegri fyrirspurn
DV og lýstu afstöðu sinni til kosninga
í haust. Tíu framsóknarmenn og sex
sjálfstæðismenn. Einn þingmaður af-
þakkaði að svara spurningu DV. Það
var Vigdís Hauksdóttir, sem kvaðst
á sjö árum sínum á þingi aldrei hafa
tekið þátt í „skoðanakönnun þing-
manna frá fjölmiðlum“ og frá þeirri
reglu ætlaði hún ekki að víkja.
En þrátt fyrri dræm viðbrögð
meirihlutans hafa ýmsir þeirra
þegar tjáð hug sinn opinberlega á
undanförnum vikum. Þegar sú af-
staða sem endurspeglast í þeim er
tekin með í reikninginn er hægt að
kortleggja afstöðu minnst 22 þing-
manna. Aðrir virðast hafa haldið
spilunum þétt upp að sér.
Framsóknarmenn á móti
Af þessum 22 sem ýmist svöruðu
fyrirspurn DV eða hafa tjáð sig op-
inberlega um kosningarnar í haust
eru 9 úr röðum Framsóknarflokks
andvígir því að kjósa fyrr, en aðeins
2 úr Sjálfstæðisflokki.
Þegar kemur að því að vera fylgj-
andi því að ganga til kosninga í haust
segjast þrír þingmenn Framsóknar
munu vera það. Auk þeirra stendur
Sigurður Ingi Jóhannsson forsætisráð-
herra, í það minnsta opinberlega, með
þeirri yfirlýsingu sem hann gaf ásamt
Bjarna Benediktssyni, fjármálaráð-
herra og formanni Sjálfstæðisflokks-
ins, í byrjun apríl um að kjörtímabilið
yrði stytt um eitt löggjafarþing og boð-
að yrði til kosninga í haust. Allir þeir
framsóknarmenn sem svöruðu DV og
túlka má sem stuðningsmenn þess að
kjósa í haust gera það hins vegar með
semingi. Segjast persónulega á móti
því að flýta kjörtímabilinu eða að eðli-
legast væri að kjósa í vor. En þeir muni
virða og/eða styðja áform um kosn-
ingar í haust.
Alls eru sjö þingmenn Sjálfstæðis-
flokksins, að Bjarna meðtöldum, sem
segjast, eða hafa áður sagst, fylgjandi
því að ganga til kosninga fyrr.
Sigmundur gaf tóninn
Af þessu má bersýnilega sjá að það
er alls ekki einhugur innan stjórnar-
flokkanna hvort boða eigi til kosn-
inga í haust. Nú síðast steig Sig-
mundur Davíð Gunnlaugsson,
formaður Framsóknarflokksins og
fyrrverandi forsætisráðherra, fram í
fjölmiðlum á sunnudag og lýsti því
yfir að hann teldi ekkert liggja á að
kjósa fyrr. Sigmundur sagði í viðtali
í Sprengisandi á Bylgjunni á sunnu-
dag að hann hefði heyrt á þing-
mönnum, ekki aðeins í hans eigin
flokki, að þeir teldu ekki viturlegt að
fara í kosningar núna.
Opinberlega virðast því þing-
menn Framsóknarflokksins vera að
fylkja sér á bak við formann flokks-
ins í andstöðu sinni til snemm-
búinna kosninga og halda fastar í
þá fyrirvara og loðna orðalag sem
loðað hefur við loforð forystu-
mannanna í umrótinu í byrjun apríl.
Á sama tíma virðast þingmenn Sjálf-
stæðisflokks einnig styðja formann
sinn og taka undir afstöðu Bjarna
Benediktssonar um að boðað verði
til kosninga.
Fælir fylgið?
Ástæðan kann að liggja í því að sam-
kvæmt skoðanakönnunum hafa
þingmenn Sjálfstæðisflokks minni
ástæðu til að óttast um hag sinn og
stöðu í kjölfar kosninga. Samkvæmt
Þjóðarpúlsi Gallup 3. maí mælist
flokkurinn með 27% fylgi. En Fram-
sóknarflokkurinn mælist með 10,5%
fylgi og myndi tapa ansi mörgum
þingsætum ef það yrði uppskeran
úr haustkosningum.
Sem fyrr segir sendi DV öllum
þingmönnum og ráðherrum stjórn-
arflokkanna skriflega fyrirspurn,
mánudaginn 23. maí síðastliðinn,
þar sem spurt var hvort viðkomandi
væri persónulega fylgjandi eða and-
vígur því að kjörtímabilið verði stytt
og gengið verði til alþingiskosn-
inga í haust, eins og stefnt er að og
þingmönnum boðið að rökstyðja
svör sín í hnitmiðuðu máli. Erindið
var síðan ítrekað miðvikudaginn
25. maí og fimmtudaginn 26. maí
en viðbrögðin voru, sem fyrr segir,
fremur dræm. n
Sigurður Mikael Jónsson
mikael@dv.is
Ekki eining Þótt Sigurður Ingi Jóhannsson og
Bjarni Benediktsson hafi lofað og ítrekað áform
sín um þingkosningar strax í haust þá er alls ekki
eining um málið innan þingflokka stjórnarflokk-
anna. Framsóknarmönnum hugnast illa að
ganga til kosninga. Mynd Sigtryggur Ari