Dagblaðið Vísir - DV - 28.10.2016, Side 5

Við krefjumst aðskilnaðar
ríkis og spillingar!
,,Ég geng kengbóginn vegna þess
að ég er þræll kerfisins”
Ég heiti Sturla Jónsson og er kvæntur maður og
á þrjú börn. Ég hef nú í mörg ár átt í baráttu við
spillta sýslumenn, bæði út af eigin reynslu og
til að hjálpa öðrum. Í dag liggur nauðungarsala
á borðinu og það er líklegt að við fjölskyldan
missum heimilið okkar á næstu mánuðum.
Á næstu dögum eru 65 ára gömul hjón, góðir
vinir mínir, að missa húsið sitt, hús sem þau
byggðu sjálf. Við erum að tala um eldra fólk og
þau eru að missa heimilið sitt! Eftir áralanga
sjálfboðavinnu vil ég nú fá að komast inn á
þing til þess að gefa fólkinu rödd í landinu inni
á Alþingi Íslendinga.
Við í Dögun höfum þrjú mál sem við leggjum
mesta áherslu á fyrir Suðurlandið.
Í fyrsta lagi þá eru húsnæðismálin okkur
hjartkær. Íbúðarlánasjóður hefur tekið yfir
1000 íbúðir á Suðurnesjunum og fært til áhættufjárfesta. Það að hafa þak yfir höfuðið
eru sjálfsögð mannréttindi því allir eiga rétt á að eiga sitt eigið heimili.
Í öðru lagi þá eru það auðlindamálin. Við viljum allan fisk á markað og leyfa frjálsar
krókaveiðar. Við viljum að arðurinn af auðlindunum skili sér til samfélagsins eins og
t.d. til garðyrkjubænda sem gætu fengið afslátt af rafmagni til að framleiða ávexti og
grænmeti í stað þess að flytja til landsins mörg tonn á hverjum mánuði.
Í þriðja lagi þá vill Dögun bindandi þjóðaratvæðiagreiðslur ef 10% þjóðarinnar fer
fram á það.
Ég hef verið undir hamrinum hjá sýslumönnunum, nú vil ég komast inn á þing til að
vera undir hamri forseta Alþingis!
Ég mun tala, gera og framkvæma!
Kjósið Dögun fyrir fólkið í landinu!
X-T