Dagblaðið Vísir - DV - 28.10.2016, Blaðsíða 36

Helgarblað 28.–31. október 201628 Sport
Aðeins fjórir enn í lAndsliðinu
n Kynslóðaskipti hafa orðið í landsliðinu n Tíminn líður og tveir eru á fimmtugsaldri n Tveir hættir í október og nokkrir silfurdrengir eru enn að spila en eru ekki valdir
A
ðeins fjórir leikmenn af
þeim fjórtán sem stóðu
hróðugir á verðlaunapalli á
Ólympíuleikunum í Peking
árið 2008, með silfurpening
um hálsinn, eru í nýjasta landsliðs-
hópi Geirs Sveinssonar landsliðs-
þjálfara. Tíminn líður hratt því silfur-
drengirnir okkar eru flestir hættir
handboltaiðkun eða hættir að spila
með landsliðinu. Tveir þeirra eru
meira að segja strangt til tekið á
fimmtugsaldri!
Auk þessara fjögurra eru tveir
til þrír enn að spila handbolta, þótt
þeir hafi ekki verið valdir í landsliðið
árum saman. Í vikunni tilkynntu
tveir silfurdrengir, Alexander Peters-
son og Snorri Steinn Guðjónsson, að
þeir væru hættir að leika með lands-
liðinu. Það er nokkuð áfall fyrir liðið
en þeir hafa þjónað landsliðinu – og
stundum borið það uppi – um langt
árabil. Nýir leikmenn fá nú tækifæri.
DV tók saman hvar silfur-
drengirnir okkar eru í dag. Úttektin
sýnir að með nýjustu fregnum hafa
næstum algjör kynslóðaskipti orðið í
landsliðinu, frá því það stóð á palli í
Peking í ágúst 2008, fyrir heilum átta
árum. n
Baldur Guðmundsson
baldur@dv.is
Hróðugir Þetta var ein stærsta
stund íslenskrar íþróttasögu.
Sigfús Sigurðsson
Staða: Varnarmaður/Línumaður
Aldur: 41 árs
Löngu hættur í handbolta. Starfar við
fisksölu.
Ásgeir Örn
Hallgrímsson
Staða: Skytta Aldur: 34 ára
Leikur með Nimes í Frakklandi, eins og
Snorri Steinn. Er enn í lykilhlutverki í
landsliðinu.
Snorri Steinn
Guðjónsson
Staða: Leikstjórnandi Aldur: 35 ára
Markahæstur í frönsku deildinni, þar
sem hann leikur með Nimes. Tilkynnti
í vikunni að hann væri hættur með
landsliðinu.
Ingimundur
Ingimundarson
Staða: Varnarmaður Aldur: 36 ára
Ingimundur spilar með Akureyri og hef-
ur ekki verið í landsliðinu um langa hríð.
Hreiðar Leví Gunnarsson
Staða: Markvörður Aldur: 35 ára
Hefur ekki verið valinn í landsliðið lengi en
spilar með Halden Topphåndball í Noregi.
Sturla Ásgeirsson
Staða: Hornamaður Aldur: 36 ára
Hefur ekki verið í landsliðinu lengi
en er viðloðandi handboltaliðið hjá
ÍR í næstefstu deild karla. Virðist
hafa lagt skóna á hilluna.
Ólafur Stefánsson
Staða: Skytta Aldur: 43 ára
Hefur lagt skóna á hilluna. Hefur
eitthvað komið að þjálfun auk
þess að hanna hugbúnaðarforrit.
Róbert Gunnarsson
Staða: Línumaður Aldur: 36 ára
Leikur með Århus í Danmörku og var ekki
valinn í síðasta landsliðshóp. Það gæti
þó breyst í næstu verkefnum.