Dagblaðið Vísir - DV - 28.10.2016, Blaðsíða 8

Helgarblað 28.–31. október 20168 Fréttir
Seinka afhendingu á
skipi Fáfnis um tvö ár
n Fáfnir Viking ekki afhent fyrr en í apríl 2019 n Fjármögnun ekki tekist
A
fhendingu á nýju fimm millj­
arða króna skipi dótturfé­
lags Fáfnis Offshore hefur
verið seinkað í annað sinn
eða um tvö ár. Fyrirtækinu
hefur vegna verkefnaskorts ekki tek­
ist að fjármagna smíði skipsins en
stjórnendur þess komust um miðj­
an október að samkomulagi við
norsku skipasmíðastöðina Havyard
um frestun sjósetningu þess til apríl
2019. Norska fyrirtækið gerði þá kröfu
að dótturfélagið gangi frá fyrirfram­
greiðslu á hluta kaupverðsins í byrjun
janúar á næsta ári en íslenskir lífeyris­
sjóðir eru stórir eigendur í Fáfni.
Átti að koma í júní
Fáfnir Offshore, sem rekur sérút­
búna olíuþjónustuskipið Polarsyssel,
dýrasta skip Íslandssögunnar, sem
Havyard Ship Technology AS smíðaði
og afhenti í september 2014, pantaði
nýja skipið Fáfni Viking í apríl 2014.
Samningurinn við skipasmíðastöðina
var þá metinn á 350 milljónir norskra
króna eða 4,8 milljarða króna miðað
við núverandi gengi. Afhendingu þess
var í byrjun desember í fyrra seinkað
frá mars 2016 til júní 2017. Þann 18.
október síðastliðinn sendi Hav yard
svo tilkynningu til norsku kauphallar­
innar (Oslo Børs) um að fyrirtækið
hefði komist að samkomulagi við Fáfni
um seinkun til apríl 2019.
Í tilkynningu Havyard segir að
Fáfnir hafi ekki tryggt nýja skipinu
framtíðarverkefni sem sé skilyrði fyrir
lánsfjármögnun. Samkomu­
lagið hafi áhrif á rekstur
skipasmíðastöðvarinnar sem
hefur líkt og Fáfnir fundið
fyrir lækkun olíuverðs sem
fór að hrynja hálfu ári eftir
að Fáfnir Viking var pantað.
Fáfnir Offshore var eins og
kom fram í DV í byrjun sept­
ember rekið með um tveggja
milljarða króna tapi í fyrra en
stjórn þess ákvað þá að færa
niður virði Polarsyssel um 785 millj­
ónir króna vegna erfiðra markaðsað­
stæðna.
Fært í dótturfélag
Fáfnir Viking er í eigu Polar Maritime
ehf. sem er dótturfélag Fáfnis Off­
shore og var stofnað í apríl síðastliðn­
um. Fyrirtækið hafði nokkrum vikum
áður greitt Havyard 12,75 milljónir
norskra króna, jafnvirði 191 milljón­
ar króna miðað við þáverandi gengi,
vegna skipsins og kostnaðarins sem
fyrri seinkunin olli. Greiðslan til Hav­
yard var alfarið fjármögnuð með
skuldabréfaútgáfu sem nokkrir af
stærstu hluthöfum fyrirtækisins tóku
þátt í mánuði áður. Eins og kom fram í
frétt DV gerði sýslumannsembættið á
Svalbarða, sem hefur leigt Polar syssel
í níu mánuði á ári, og þannig skapað
eina verk efni Fáfnis, kröfu um að
smíði nýja skipsins yrði færð
í dótturfélagið svo óvissan
um hana og greiðslur til
Havyard hefðu ekki áhrif á
rekstur eldra skipsins.
Hluthafarnir sem tóku
þátt í skuldabréfaútgáfunni
ákváðu í byrjun ágúst að
breyta kröfum sín­
um í hlutafé. Fram­
takssjóðurinn
Akur, sem er í eigu
þrettán lífeyris­
sjóða, Íslands­
banka og VÍS, er
stærsti eigandi
Fáfnis með 35,3
prósenta hlut.
Þar á eftir kemur
framtakssjóður­
inn Horn II, sem
er í eigu lífeyris­
sjóða, fjármála­
fyrirtækja og
fagfjárfesta, með 24,38 prósent. Þessir
tveir hluthafar, sem áttu í árslok 2015
annars vegar 30 prósent og hins vegar
23 prósent í Fáfni, skiptu báðir skulda­
bréfum í hlutafé. Það gerði einnig fé­
lagið Sjávar sýn ehf., fjárfestingarfé­
lag Bjarna Ármannssonar, fjárfestis
og fyrrverandi forstjóra Glitnis. Félag
hans átti 7,33 prósenta hlut í Fáfni í
lok síðasta árs en á nú 11,5 prósent.
Eignarhlutur Fafnir Holding ehf. í
fyrir tækinu, og annarra hluthafa sem
ekki tóku þátt, skrapp aftur á móti
saman. Félagið er í eigu Steingríms
Erlingssonar, stofnanda og fyrrver­
andi forstjóra Fáfnis, sem var sagt
upp störfum í desember.
Jóhannes Hauksson, stjórnar­
formaður Fáfnis Offshore, vildi
ekki tjá sig um seinkunina á af­
hendingu Fáfnis Viking þegar DV
leitaði eftir því og upp­
lýsa um upphæðina
sem fyrirtækið þarf
að greiða í janú­
ar á næsta ári. Ekki
náðist í Bjarna Ár­
mannsson, stjórn­
arformann Polar
Maritime. n
Haraldur Guðmundsson
haraldur@dv.is
Polarsyssel Árið 2014 ætlaði Fáfnir
Offshore að eiga og reka tvö skip sem gætu
þjónustað olíuiðnaðinn í Norðursjó. Íslenskir
lífeyrissjóðir fóru í kjölfarið inn í hluthafahóp
fyrirtækisins eða rétt áður en olíuverð hrundi.
Afhendingu á nýju fimm milljarða króna skipi
dótturfélags Fáfnis hefur verið seinkað til
apríl 2019.
Stjórnarfor-
maður Fáfnis
Jóhannes Hauksson
vildi ekki svara því
hversu mikið Fáfnir
Offshore þarf að greiða
Havyard í janúar vegna
seinkunarinnar.
eldbakaðar
eðal pizzur
sími 577 3333
www.castello.is
Dalvegi 2, 201 Kópavogi / Dalshrauni 13, 220 Hafnarfirði
Guðrúnartúni 4,
105 reykjavík
Sími: 533 3999
www.betraGrip.iS
Opið
virka
daga frá
kl. 8–17
gæða
dekk á
góðu
verði