Dagblaðið Vísir - DV - 26.05.2017, Page 12

12 Helgarblað 26. maí 2017fréttir
Bæjarstjórar á ráðherralaunum
n Tveir bæjarstjórar á hærri launum en forsætisráðherra n Nokkrir þiggja líka full laun sem bæjarfulltrúar n Launakostnaður vegna bæjarstjóra og stjórna hækkað um allt að 44% milli ára
L
aunahæstu bæjarstjórar lands­
ins þéna á við forsætisráð­
herra Íslands og gott betur. Oft
virðist lítið samræmi á milli
launa bæjar stjóra og stærð­
ar sveitarfélagsins. Þeir launahæstu
þiggja flestir bæði full laun fyrir að
vera bæjarstjórar og kjörnir bæjar­
fulltrúar sem ýtir þeim launalega upp
að hlið borgarstjóra Reykjavíkur og
nokkurra æðstu ráðamanna þjóðar­
innar. Meðal laun bæjarstjóra í dag
eru um 1,6 milljónir króna á mánuði.
Launahæstur allra er bæjar stjórinn í
Kópavogi sem fær rúmar 2,2 milljón­
ir á mánuði.
Þetta kemur fram í úttekt DV á laun­
um bæjarstjóra þar sem óskað var
eftir upplýsingum um laun og hlunn­
indi fjórtán bæjarstjóra víðs vegar um
landið. Tilefnið er að undanfarið hafa
sveitarfélög verið að birta ársreikninga
sína þar sem lítið gagnsæi er í uppgefn­
um upplýsingum um laun og hlunnindi
æðstu stjórnenda. Laun bæjarstjóra og
bæjarstjórna eru ekki sundurliðuð sér­
staklega í reikningunum. DV óskaði því
eftir þessum upplýsingum hjá hverju
þessara sveitarfélaga fyrir sig. Óskað var
eftir upplýsingum um heildarmánaðar­
laun bæjarstjóra á mánuði í dag, spurt
hvort þeir nytu hlunninda, svo sem bif­
reiðarhlunninda eða annars, hvort bæj­
arstjórinn fengi laun fyrir setu í nefnd­
um eða ráðum á vegum sveitarfélagsins
og ef svo væri um hvað væri að ræða og
hversu háar greiðslur hann fengi fyrir
setuna. Þá var spurt út í heildarárslaun
og hlunnindi bæjarstjóra árin 2016 og
2015.
DV greindi nýverið ítarlega
frá sundurliðuðum launakjörum
Dags B. Eggertssonar, borgarstjóra
Reykjavíkur, eftir að hafa óskað eft­
ir þeim upplýsingum frá Reykjavíkur­
borg, sem leiddi í ljós að borgarstjór­
inn er með ríflega tvær milljónir króna
á mánuði þegar seta í stjórnum og
nefndum er tekin með.
Ármann Kr. launahæstur
Tveir bæjarstjórar eru launahærri
en borgarstjóri Reykjavíkur og raun­
ar launahærri en forsætisráðherra Ís­
lands. Sá launahæsti er Ármann Kr.
Ólafsson sem fær alls rúmlega 2,2
milljónir króna á mánuði í Kópa­
vogi; full laun sem bæjarstjóri upp á
rúmlega 1.900 þúsund krónur með
bifreiðastyrk og rúmar 317 þúsund
krónur sem bæjarfulltrúi. Hafa ber í
huga að Kópavogur er næststærsta
bæjarfélag landsins með ríflega 34
þúsund íbúa.
Hæstu launin í Garðabæ
Fast á hæla Ármanni kemur Gunnar
Einarsson, bæjarstjóri Garðabæjar,
sem fær hæstu föstu launin fyrir bæjar­
stjórastarfið af öllum, rúmlega 2,1
miljón króna á mánuði. Munurinn er
hins vegar sá að Gunnar náði ekki inn
sem aðalmaður í bæjarstjórn í síðustu
sveitarstjórnarkosningum og er því
varamaður og fær aðeins greitt auka­
lega þegar hann tekur sæti á fund­
um bæjarstjórnar. Væri hann á fullum
bæjarfulltrúalaunum líka væri hann
því án vafa launahæsti bæjarstjóri
landsins í bæjarfélagi sem telur
tæplega 15 þúsund manns.
Mosfellsbær greiðir vel
Þriðji á lista yfir launa­
hæstu bæjar stjórana er
Haraldur Sverris son,
bæjarstjóri Mosfells­
bæjar, með alls 1.945
þúsund krónur á
mánuði í dag.
Hann fær
tæpar 1,7
millj­
ónir
króna á
mánuði
sem bæjarstjóri og
tæplega 250 þúsund
krónur því til viðbótar
sem bæjarfulltrúi. Þar að auki hef­
ur hann bifreið í eigu bæjarins til
afnota. Rúmlega 9.400 manns búa í
Mosfellsbæ.
Flott laun í fámennum bæ
Rétt fyrir neðan Harald kemur bæjar­
stjóri Seltjarnarnesbæjar, Ásgerður
Halldórsdóttir, með 1,9 milljón­
ir á mánuði; tæpar 1,7 milljónir
fyrir að vera bæjar stjóri og
rúmar 200 þúsund
krónur á mánuði
sem bæjarfulltrúi
að auki. Þá fær Ás­
gerður greitt fyrir
hvern fund í veitu­
stjórn sem fundar
þrisvar til fjórum sinnum
á ári og hefur Skoda Octavia­bifreið
til umráða frá bæjarfélaginu. Í árslok
2016 bjuggu 4.415 á Seltjarnarnesi og
ef við miðum við höfðatölu þá jafn­
Sigurður Mikael Jónsson
mikael@dv.is
Svona eru
ráðherralaun
Samkvæmt umdeildum úrskurði
kjararáðs frá því í nóvember 2016 eru
laun þingmanna, ráðherra og forseta
Íslands eftirfarandi, til samanburðar
við laun bæjarstjóranna:
n Laun forseta Íslands:
2.985.000 kr. á mánuði.
n Laun forsætisráðherra:
2.021.825 kr. á mánuði
n Laun annarra ráðherra:
1.826.273 kr. á mánuði.
n Þingfararkaup alþingismanna:
1.101.194 kr. á mánuði.
1 Kópavogur
Bæjarstjóri: Ármann Kr. Ólafsson
Mánaðarlaun sem bæjarstjóri:
1.908.913 kr. Laun sem bæjarfulltrúi:
317.272 kr. Alls á mánuði: 2.226.185 kr.
Annað: Bæjarstjóri þiggur ekki laun
fyrir að vera hafnarstjóri og situr ekki í
öðrum nefndum og ráðum. Hann situr
fundi bæjarráðs sem bæjarstjóri en er
ekki kjörinn í bæjarráð og þiggur þar af
leiðandi ekki laun fyrir setuna þar.
Heildarárslaun 2016: 22.722.802 kr.
Heildarárslaun 2015: 21.460.447 kr.
Bifreiðastyrkur innifalinn í upphæðum
9 Ísafjarðarbær
Bæjarstjóri: Gísli H. Halldórsson
Mánaðarlaun sem bæjarstjóri: 1.510.209 kr.
Annað: Laun fyrir setu í nefndum og ráðum á
vegum sveitarfélagsins innifalin í heildarlaun-
um. Engin önnur hlunnindi.
Heildarárslaun 2016: 16.755.712 kr.
Heildarárslaun 2015: 15.467.783 kr.
14 Stykkishólmur
Bæjarstjóri: Sturla Böðvarsson
Mánaðarlaun sem bæjarstjóri: 1.412.681 kr.
Annað: Sturla hefur afsalað sér launum sem hann á
rétt á fyrir setu í bæjarstjórn sem kjörinn bæjarfulltrúi.
Heildarárslaun 2016: 16.122.286 kr.
Heildarárslaun 2015: 14.414.112 kr.
2 Garðabær
Bæjarstjóri Gunnar Einarsson
Mánaðarlaun sem bæjarstjóri: 2.117.860 kr.
Annað Bæjarstjóri er varamaður í bæjarstjórn
Garðabæjar og þiggur laun fyrir fundi þar sem hann
tekur sæti. Ekki er greitt fyrir aðra fundarsetu. Garða-
bær leggur bæjarstjóra til Land Cruiser-jeppa.
Heildarárslaun 2016: 25.870.935 kr.
Heildarárslaun 2015: 23.950.213 kr.
Laun fyrir setu á bæjarstjórnarfundum í fyrra námu
1.495.635 kr. Gunnar sat sem bæjarfulltrúi fyrir Almar
Guðmundsson sem var í tímabundnu leyfi árið 2016.
4 Seltjarnarnes
Bæjarstjóri: Ásgerður Halldórsdóttir
Mánaðarlaun sem bæjarstjóri: 1.698.055 kr. Laun sem
bæjarfulltrúi: 202.332 kr. Alls á mánuði: 1.900.387 kr.
Annað: Greitt fyrir setu í veitustjórn, greitt fyrir hvern fund: 32.066 kr., yfirleitt
3–4 fundir á ári. Bæjarstjóri hefur Skoda Octavia-bifreið til umráða.
Heildarárslaun 2016: 21.470.880 kr. Heildarárslaun 2015: 18.869.399 kr.
7 Reykjanesbær
Bæjarstjóri: Kjartan Már Kjartansson
Mánaðarlaun sem bæjarstjóri: 1.569.340 kr.
Annað: Fær ekki greitt sérstaklega fyrir fundarsetu.
Heildarárslaun 2016: 19.172.750 kr.
Heildarárslaun 2015: 17.983.080 kr.
Bæði árin átti sér stað afturvirk launaleiðrétting.
gildir það að hvert mannsbarn á Sel­
tjarnarnesi sé að greiða 430 krónur á
mánuði í laun til Ásgerðar.
Hæstu laun miðað við höfðatölu
Ekki þiggja þó allir bæjarstjórar í út­
tekt DV bæjarfulltrúalaun ofan á
bæjarstjóralaunin sín.
Sturla Böðvars­
son, bæjarstjóri
Stykkishólms­
bæjar, hefur
afsalað sér
launum sem
hann á rétt
á fyrir setu í bæjarstjórn sem kjör­
inn fulltrúi. Þetta gerir að verkum að
hann er með launalægri bæjar stjórum
í úttekt DV. Á móti kemur að í Stykkis­
hólmi búa aðeins 1.113 manns og fær
enginn bæjarstjóri hærri laun miðað
við höfðatölu en Sturla, en þau jafn­
gilda því að hvert mannsbarn í bæn­
um greiði honum 1.269 krónur á
mánuði.
Dýrir fulltrúar í Kópa-
vogi
DV tók einnig
saman heildar­
launakostnað
sveitarfé­
laganna
vegna
bæjarstjóra og bæjarstjórna þeirra,
miðað við uppgefnar upplýsingar í árs­
reikningum þeirra. Í Kópavogi er ekki
aðeins bæjarstjórinn dýr því ef litið er
á sveitarfélögin á höfuðborgarsvæð­
inu þá eru kjörnir fulltrúar dýrastir í
rekstri þar, að Reykjavík undanskil­
inni. Í Kópavogi nam launakostnaður
kjörinna fulltrúa 95 milljónum króna í
fyrra. Garðabær og Hafnarfjörður, með
um og yfir 70 milljónir í launakostnað
á síðasta ári, fylgja þar í kjölfarið. Eins
og sjá má meðfylgjandi töflu hefur
launakostnaður aukist mest milli ára
í Hafnar firði, af sveitarfélögum á höf­
uðborgarsvæðinu, um tæp 17 prósent.
Á landsbyggðinni, til samanburð­
ar, nam launakostnaður vegna bæjar­
stjóra og bæjar stjórnar
Reykjanes bæjar 58
milljónum í fyrra,
Árborg 54 millj­
ónum og Fjarða­
byggð 53,6 milljón­
um. Hvergi hækkaði
þessi launakostnaður
meira milli ára en hjá
Stykkishólmsbæ, eða
um 44 prósent. n
6 Hafnarfjörður
Bæjarstjóri: Haraldur L. Haraldsson
Mánaðarlaun sem bæjarstjóri: 1.670.725 kr.
Annað: Inni í mánaðarlaunum er innifalinn
bifreiðastyrkur upp á 55 þús. kr. á mánuði.
Bæjarstjóri fær ekki greitt fyrir setu í nefndum
eða ráðum.
Heildarárslaun 2016: 20.664.947 kr.
Heildarárslaun 2015: 17.878.808 kr.