Morgunblaðið - Sunnudagur - 05.03.2017, Side 6

6 MORGUNBLAÐIÐ SUNNUDAGUR 5.3. 2017
Jeff Sessions, dómsmálaráð-
herra Bandaríkjanna, kveðst
munu víkja sæti, þegar það á
við, vegna rannsóknar ráðu-
neytis hans á meintum
tengslum starfsmanna for-
setaframboðs Donalds
Trump við yfirvöld í Rúss-
landi í aðdraganda forseta-
kosninganna. Sessions
fundaði sjálfur með Kysliak
sendiherra í tvígang í
fyrra en hafði neitað því
eiðsvarinn í yfir-
heyrslum hjá öldunga-
deild Bandaríkjaþings, í
aðdraganda þess að
hann varð ráðherra,
að hann hefði haft
nokkur samskipti
við Rússa.
Sergey Kislyak hefur margafjöruna sopið á áratuga ferlisem stjórnarerindreki; er einn
sá þekktasti í kreðsum diplómata, en
hefur ekki verið ofarlega í huga al-
mennings svo vitað sé fyrr en nú.
Kislyak er á hvers manns vörum
eftir að rannsókn hófst á meintum
samskiptum starfsmanna forseta-
framboðs Donalds Trumps við Rússa
í aðdraganda kosninganna í fyrra.
Þar er Kislyak ekki síst nefndur, en
hann hefur verið sendiherra Rúss-
lands í Washington síðastliðinn ára-
tug.
Kislyak hefur starfað í rússnesku
utanríkisþjónustunni í fjóra áratugi,
allar götur síðan hann lauk námi.
Hann hefur m.a. verið sendiherra
Rússa í Belgíu og fastafulltrúi þjóð-
arinnar gagnvart Atlantshafs-
bandalaginu, Nato. Hann varð sendi-
herra í Bandaríkjunum 2008.
Stjórnamálaástandið var annað í
heiminum þegar Kislyak lauk námi í
verkfræði og gekk til liðs við sovésku
utanríkisþjónustuna 1977, enda var
þetta löngu fyrir fall Sovétríkjanna
og Berlínarmúrsins; þegar Kislyak
hóf störf í utanríkisþjónustunni. Leo-
nid Brezhnev var aðalritari Sovéska
kommúnistaflokksins og kalda stríðið
í algleymingi.
Kislyak man því sannarlega tím-
ana tvenna og hefur þjónað mismun-
andi húsbændum. Hann þykir af-
burða diplómat, er fylginn sér en
sagður réttsýnn og lítið fyrir sviðs-
ljósið þó hann þurfi, starfsins vegna,
gjarnan að koma fram opinberlega.
Kislyak vill helst vera maðurinn á
bak við tjöldin.
Mörgum þykir Kislyak, sem er 66
ára, svipa til gamla Sovétleiðtogans
Nikita Khrushchev í útliti. Hann er
sagður skarpgreindur og starfs-
bræður hans bera Rússanum vel sög-
una þótt hann geti verið harður í horn
að taka, eins og nærri má geta um
mann í slíku starfi.
Gott samband
„Menn eru aldrei í vafa um fyrir
hvaða ríki hann er fulltrúi,“ segir
Michael McFaul, fyrrverandi sendi-
herra Bandaríkjanna í Rússlandi,
sem þekkt hefur Kislyak um langt
árabil. „Okkur hefur oft greint á í
starfi en persónulegt samband okkur
hefur alltaf verið mjög gott,“ sagði
McFaul þegar hann kynnti þennan
fyrrverandi starfsbróður sinn á ráð-
stefnu í Stanford-háskóla á síðasta
ári. Til þessa er vitnað í bandaríska
dagblaðinu Washington Post í vik-
unni.
Ástralska dagblaðið Sydney Morn-
ing Herald gantaðist með það í vik-
unni að Kislyak hefði rætt við marga
en stundum mætti halda að enginn
hefði rætt við hann. Um leið og hann
hefði talað væri eins og orð hans
hefðu aldrei verið sögð, ef marka
mætti fréttir. Sergey Kislyak virtist
vera sá maður í heiminum sem menn
ættu auðveldast með að gleyma! Er
þarna vísað til Michaels Flynns, fyrr-
verandi öryggisráðgjafa Trumps for-
seta (sem sagði af sér eftir að hafa ný-
hafið störf), og Jeffs Sessions,
núverandi dómsmálaráðherra, sem
flest spjót hafa staðið á í vikunni eftir
að Washingon Post ljóstraði upp um
fund hans og rússneska sendiherr-
ans.
Sessions hafði neitað að hafa
átt nokkur samskipti við Rússa
fyrir kosningarnar en segist
nú hafa fundað með
sendiherrum 25 er-
lendra ríkja, þar á
meðal Kislyak, sem
hafi verið eðlilegur
hluti starfs hans
sem öldungadeildarþingmanns. Ses-
sions var m.a. formaður hermála-
nefndar þeirrar deildar þingsins.
Utanríkisráðherra Rússlands blés
á föstudag á sögusagnir um að Kis-
lyak væri njósnari og tók undir með
Trump forseta að lætin vegna sam-
skipta Rússa og fulltrúa Trumps
væru í raun ekkert annað en norna-
veiðar.
Það var CNN sem hafði eftir hátt-
settum bandarískum embættis-
mönnum, bæði fyrrverandi og núver-
andi, að bandarískar leyniþjónustu-
stofnanir teldu Kislyak vera einn
helsta njósnara Rússa. Rússneska ut-
anríkisráðuneytið brást harkalega
við þeim fréttum. Talsmaður ráðu-
neytisins sagði sendiherrann vel
þekktan stjórnarerindreka og einn
þann besta í faginu. Hann hefði starfs
síns vegna haft samskipti við banda-
ríska starfsbræður í áratugi. „Og
CNN sakar hann um að vera njósn-
ari … og að ráða nýja njósnara til
starfa. Guð minn almáttugur!“ sagði
Maria Zakharova, talsmaður rúss-
neska utanríkisráðuneytisins.
Maðurinn
sem enginn
talaði við …
Sergey Kislyak, sendiherra Rússlands í Bandaríkj-
unum, komst óvænt í sviðsljósið í vikunni vegna
frétta af meintum tengslum fulltrúa forseta-
framboðs Donalds Trumps við Rússa í fyrra.
Jeff
Sessions
Tveir
fundir
AFP
Kislyak, sendiherra Rússlands í Bandaríkjunum, þegar Trump forseti ávarpaði báðar deildir Bandaríkjaþings í vikunni.
’
Sendiherrar eru skipaðir til að viðhalda tengslum. Það er
gert með því að hitta fólk og ræða við fulltrúa bæði fram-
kvæmdavalds og löggjafarvalds stjórnvalda viðkomandi landa.
Sergey Lavrov, utanríkisráðherra Rússlands.
ERLENT
SKAPTI HALLGRÍMSSON
skapti@mbl.is
BANDARÍKIN
LOS ANGELES Brian Cullinan og Martha
Ruiz, starfsmenn PricewaterhouseCoopers,
gerðu mistök á Óskarsverðlaunahátíðinni um
síðustu helgi sem urðu til þess að tilkynnt var
að röng mynd hefði verið kjörin best. Þeim
hafa borist líflátshótanir og myndir hafa verið
birtar á samskiptamiðlum af heimilum þeirra
og fjölskyldum. Lífverðir fylgja Cullinan og
Ruiz nú hvert fótmál.
SVÍÞJÓÐ
STOKKHÓLMUR Herskyldu verður komið á í Svíþjóð
á ný strax í sumar skv. ákvörðun ríkisstjórnar landsins í
vikunni. Ein aðalástæða þessa er vaxandi ógnun við öryggi á
alþjóðavettvangi, að sögn Peter Hultqvist,
varnarmálaráðherra, ekki síst eftir að
Rússar innlimuðu Krímskaga árið 2014.
Herskyldu var hætt í Svíþjóð 2010 og
síðan hefur sænski herinn treyst á að
nn gangi til liðs við hann sjálfviljugime r.
INDÓNESÍA
JAKARTA Óhætt er að segja að
konungur Sádi-Arabíu, Salman bin Abdul
Aziz al-Saud, ferðist með stæl. Níu daga,
opinber heimsókn hans til Indónesíu hófst
í vikunni. Þetta er í fyrsta skipti í hálfa öld
sem konungur Sádí-Arabíu heimsækir
þetta fjölmennasta
múslimaríki heims.
Með í för verða
um 1.500 manns
og farangur
hópsins vegur um
460 tonn.
KENÝA
OL PEJETA Aðeins eitt karldýr er eftir í heiminum
af norðlæga hvíta nashyrningnum, annarri deilitegund
hvíta nashyrningsins, í Ol Pejeta verndarsvæðinu í
Kenýa. Kvendýrin eru einungis tvö eftir, á sama stað,
og það ræðst af því hvort með dýrunum takist náin
kynni hvort tegundin deyr út fljótlega.Vopnaðir verðir gæta dýranna þriggja
allan sólarhringinn til að koma í veg fyrir að veiðiþjófar komst nálægt þeim.