Morgunblaðið - Sunnudagur - 05.03.2017, Blaðsíða 34

FERÐALÖG Fyrir evrópskt garðrölt eru nokkrir hlutir sem megaekki gleymast. Sólgleraugu og -vörn, drykkir og góð
bók. Ekki er verra að hafa klassíska tónlist í eyrunum.
Staðalbúnaðurinn
34 MORGUNBLAÐIÐ SUNNUDAGUR 5.3. 2017
 Það er þess virði að heimsækja
höfuðborg sjálfsstjórnarhéraðsins
Kastilía-León á Norður-Spáni en sú
heitir Valladolid. Þar má finna einn
fallegasta garð Evrópu, svokallaðan
Campo Grande, en sögu hans má
rekja allt aftur til ársins 1787. Garð-
urinn, sem er þríhyrndur í laginu, er
fullur af skrautlegum og vinalegum
páfuglum, ótal hænsnategundum, fa-
sönum og dúfum og síðast en ekki
síst Spánverjum sem flýja sumarhit-
ann og borgarerilinn inn í skugg-
sælan garðinn með sínu villta dýra-
lífi. Þó eru það fyrst og fremst
fuglarnir sem „eiga garðinn“ og setja
svip sinn á hann.
 Konunglegi grasagarðurinn í
Kew í London og er á heims-
minjaskrá UNESCO en í honum má
finna nærri 300 ára gömul tré og
stærsta grasa- og sveppasafn heims
auk smekklegra og risavaxinna gróð-
urhúsa. Mörgum þykir skemmtileg-
ast að rölta um japanska hluta garðs-
ins og sjá hans framandi grös.
Kew-garðurinn er ótrúlega stór og er
meira að segja með sinn eigin flokk
lögregluliðs, Kew Constabulary. Árið
2008 var opnaður sérstakur trjá-
toppa-stígur sem er í 18 metra hæð
og lagður milli trjáa um 200 metra
leið. Garðurinn býður þeim sem ekki
komast leiðar sinnar auðveldlega fót-
gangandi upp á þá þjónustu að fara
með lítilli lest í gegnum garðinn en
hann er svo stór að endalaust má
rekast á ný svæði þar og litlar bygg-
ingar, svo sem minnstu höll bresku
konungsfjölskyldunnar, Kew-höllina.
 Frakkar eru snillingar í að útbúa
formfarma, hornrétta og skipulagða
skrúðgarða. Einn sá allra fallegasti
er sá sem er í kringum hefðarsetrið
Château de Villandry í franska
sveitarfélaginu Villandry í miðju
Frakklandi, Indre-et-Loire-sýslunni.
Aðdáendur listavel klipptra og
snyrtra runna og skrúðgarðyrkju
munu falla í stafi en gaman er að
heimsækja setrið í leiðinni, sem var
um tíma í eigu bróður Napóleons Bo-
naparte, og horfa á garðinn frá ýms-
um ólíkum sjónarhornum. Garðurinn
sjálfur var gerður að því sem hann er
í dag í kringum 1906 af spænskum
lækni og ástríðugarðyrkjumanni,
Joaquín Carvallo.
 Í nágrenni Dessau í sambands-
ríkinu Saxland-Anhalt í Þýskalandi
er Wörlitz-skrúðgarðurinn sem
eins og margir af fallegustu görðum
Evrópu er á heimsminjaskrá
UNESCO. Garðurinn var búinn til af
garðunnandanum og prinsinum af
Anhalt-Dessau í lok 18. aldar. Fyrir
utan fallegan gróður þykir snilld
garðsins liggja í landslagsarkitekt-
úrnum þar sem leikið er með vötn og
læki en einn þriðji hluti garðsins er
lagður undir vatn í einhverju formi
og má skiptast á að ganga um hann
og sigla.
 Þeir sem hafa ferðast mikið um
Ítalíu og þekkja til ótal dásamlegra
garða þar setja margir Ninfa efst á
listann yfir fallegustu garða landsins.
Ninfa er í næsta nágrenni Rómar og
býr yfir sérstöku andrúmslofti,
kannski ekki síst vegna þess hvernig
garðurinn varð til. Í upphafi, á tím-
um Rómaveldis, var garðurinn nefni-
lega lítill bær og má víða sjá róm-
verskar rústir innan um fallegan
gróður; gamlar brýr og stíga og
skapar umhverfi sem sumir kalla
„rómantískasta garð heims“. Þá var
garðurinn líka bær á miðöldum og
Alexander III. var krýndur páfi þar
en talið er að um 150 hús hafi staðið
á svæðinu og má víða sjá miðalda-
rústir. Íbúum Ninfa fór fækkandi á
16. öld og á 17. öld hvarf mannlíf úr
bænum, einkum vegna þess að vot-
lendi þrengdi að íbúunum og malaría
herjaði á þá. Síðustu myllunni var
lokað á 18. öld og var ráðhúsi bæj-
arins breytt í hlöðu. Innan um þessar
fallegu rústir vex svo guðdómlegur
villtur gróður en þó öðruvísi villtur
en við eigum að venjast; rósir vaxa
yfir gamlar rústir og oft var gróðr-
inum upphaflega komið fyrir skipu-
lega en hefur í aldanna rás orðið villt-
ur.
Konunglegi grasagarðurinn í Kew í London er stór, með alls kyns úti og inni-
svæði; sérstök gróðurhús fyrir allt frá kaktusum upp í vatnaliljur.
Fimm fagrir garðar til að rölta um
Fátt er betra en ganga berfættur á grænu grasi og njóta sólardags í fallegum
almenningsgarði. Í Evrópu er að finna marga undursamlega garða til að
rölta um, leika sér og njóta lífsins, ókeypis.
Júlía Margrét Alexandersdóttir julia@mbl.is
Rómantískasti garður heims segja margir. Ninfa-garðurinn í grennd við Róm er fornminjagarður með litskrúðugum villtum gróðri. Hann var eitt sinn þorp en enginn hefur búið þar í meira en 200 ár.
UMBOÐSAÐILI:
www.danco.is
Múmínálfar
- Safnaðu þeim öllum
Lyklakippur
Fæst í A4, Byko, Fk, Elko, Lyfju, Íslandspóst og um land allt.
Bakpoki