Morgunblaðið - Sunnudagur - 05.03.2017, Qupperneq 44
Zoë Kravitz er
gagnrýnin á
handritshöf-
unda.
KVIKMYNDIR Leikkonan Zoë Kravitz segir Holly-
wood enn eiga langt í land með að losa sig við
fordóma í garð kynþátta. Hún nefnir handrit að
kvikmyndum máli sínu til stuðnings. „Jane, 26
ára, falleg og hress,“ segir hún dæmigert að
standi í handriti og allir gangi út frá því að Jane
sé hvít á hörund. Hvers vegna? Jú, næstu persónu
er nefnilega lýst svona: „Sarah, 27 ára af afrísk/
amerískum uppruna. Flippuð.“ „Þetta hefur
alltaf stuðað mig; nema annað sé tekið fram
þá á ég að gera ráð fyrir því að persónan
sé hvít,“ segir Kravitz sem er dóttir
söngvarans Lennys Kravitz og leikkon-
unnar Lisu Bonet.
AFP
44 MORGUNBLAÐIÐ SUNNUDAGUR 5.3. 2017
LESBÓK
ROKK Joey Kramer, trymbill hins goðsagnakennda
rokkbands Aerosmith, lætur The Rolling Stones hafa
það óþvegið í viðtali við tímaritið Classic Rock. Segir
Rollingana ómögulegt tónleikaband og að Aerosmith
beri höfuð og herðar yfir þá. „Fólk er alltaf að lofsyngja
The [Rolling] Stones, segir Stones þetta og Stones hitt.
Mér hefur alltaf staðið á sama um The Stones; þeir hafa
aldrei gert neitt fyrir mig í tónlist, allra síst trommu-
leikurinn. Þetta er ekki einu sinni upprunalega bandið
og mér er slétt sama um þá. Kæmi fólk á Aerosmith--
tónleika myndi það strax sjá að við erum miklu betri en
þeir. Það er eiginlega kjánalegt þar sem þeir eru svo
lélegir á tónleikum,“ segir Kramer og bætir við að Aero-
smith sé ennþá til í upprunalegri mynd.
Betri en Rollingarnir!
Aerosmith í essinu sínu á tónleikum.
Reuters
Björn Thors fer með aðalhlutverkið.
Frost á Fróni
RÚV Sunnudagsmyndin er Frost,
íslensk spennumynd um Öglu jökla-
fræðing og Gunnar kvikmynda-
gerðarmann, ungt par sem kemur
að mannlausum rannsóknarbúðum
á hálendi Íslands. Leiðangursmenn
virðast hafa horfið sporlaust og
Agla og Gunnar standa frammi fyr-
ir óþekktum og banvænum öflum.
Leikstjóri er Reynir Lyngdal og í
aðalhlutverkum Björn Thors og
Gunndís Guðmundsdóttir. Atriði í
myndinni eru ekki við hæfi barna.
STÖÐ 2 Laug-
ardagsmynd
stöðvarinnar er
Sleepers, spennu-
mynd frá 1996.
Fjórir piltar ólust
upp í illræmdu
hverfi í New York.
Þeir urðu miklir
vinir og reyndu að halda sér frá
glæpum en stundum gátu þeir ekki
stillt sig um að prakkarast. Einu
sinni fór prakkaraskapurinn yfir
strikið og þeir lentu á heimili fyrir
vandræðabörn. Vörðurinn þar var
miskunnarlaus og misnotaði og
píndi drengina.
Leikstjóri er Barry Levinson en
meðal helstu leikara Dustin Hoff-
man, Kevin Bacon, Robert De Niro
og Brad Pitt. Sýning hefst kl. 21:55.
Sleepers
Brad Pitt
RÁS 2 Þátturinn Sunnudagssögur
er á dagskrá alla sunnudaga klukk-
an 12:40. Hrafnhildur Halldórs-
dóttir dagskrárgerðarmaður fær í
heimsókn til sín í hljóðver góða
gesti sem segja sögur úr lífi sínu;
sögur sem á einhvern hátt hafa haft
áhrif á líf þeirra og viðhorf. „Ljúfur
þáttur með notalegri tónlist,“ segir
í kynningu á heimasíðu þáttarins.
Hrafnhildur Halldórsdóttir.
Sunnudags-
sögur í útvarpi
Hvað hefurðu langan tíma?“segir Baldvin Z hlæjandiþegar ég spyr hvers vegna
hann sé að gera heimildarmynd um
hinn goðsagnakennda aflraunamann
Reyni sterka.
Sú saga hófst raunar eins og hver
önnur saga. Baldvin var fimm eða sex
ára og inn í líf hans kom drengur, Leó
Svanur Reynisson, sem þóttist eiga
sterkari pabba en hann. Nema hvað
þessi drengur hafði sannarlega sitt-
hvað til síns máls; hann var sonur
Reynis sterka sem lyfti hestum, sleit
keðjur og braust úr hlekkjum. Án
þess að blása úr nös.
„Allar götur síðan hef ég verið
heillaður af Reyni og sögu hans og
fyrst mér tókst að verða kvikmynda-
gerðarmaður lét ég verða af því að
gera um hann heimildarmynd,“ segir
Baldvin en níu ár eru síðan hann tók
fyrstu skrefin í þessa átt. „Ég hef
unnið þessa mynd með öðrum verk-
efnum og núna er hún loksins að
verða tilbúin.“
Reynir Örn Leósson var fæddur
árið 1939 og lést langt fyrir aldur
fram árið 1982 úr lungnakrabba.
Snemma tók að bera á óvenjulegum
kröftum hans og Reynir ferðaðist upp
frá því víða og sýndi aflraunir. Hann
setti þrjú heimsmet, sem Heims-
metabók Guinness viðurkennir og
standa enn. Meðal annars braust
hann út úr fangaklefa enda þótt hann
væri settur þar inn rækilega bundinn
og keflaður. Annað met setti Reynir
þegar hann sleit 6,1 tonns þunga
keðju í sundur og fær Baldvin afl-
raunamenn úr samtímanum til að
freista þess að slá metið í myndinni.
Engum sögum fer af útkomunni.
„Þú verður bara að sjá myndina!“
Hann hlær.
Persónuleg frásögn
Baldvin kveðst segja sögu Reynis
með persónulegum hætti en mark-
miðið er að leita svara við því hver
maðurinn var og hvað gerði hann
svona óvenjulegan. Baldvin ferðaðist
meðal annars vítt og breitt um landið
ásamt Dísu Anderiman, sem hjálpaði
honum að koma þessu verkefni af
stað árið 2009, og tók fjölmörg viðtöl
við fólk sem þekkti Reyni. „Það eru
allir sammála um að hann hafi verið
mjög óvenjuleg manneskja og þá er-
um við ekki bara að tala um kraftana.
Það var margt annað óvenjulegt við
Reyni sterka,“ segir Baldvin.
Hann segir andstæðurnar í lífi
Reynis hafa verið margar. „Hann var
varla læs en samt var hann uppfinn-
ingamaður og náttúrverndarsinni
langt á undan öðrum og talaði um
græna orku á bíla,“ segir Baldvin en
Reynir var mikill bíladellukall.
Ungur var Reynir settur í fóstur í
sveit og lenti ekki á góðum bæ. „Það
hefur eflaust haft áhrif á hann. Svo
var hann tvígiftur og ekki laust við
átök í einkalífinu. Hann fór heldur
ekki vel með sig; var ekki aflrauna-
maður sem nærðist á próteindrykkj-
um,“ segir Baldvin sposkur. „Ætli
það sé ekki einmitt breyskleikinn
sem gerir Reyni svona áhugaverðan.
Þetta er hálfgerð sorgarsaga með
ævintýraljóma yfir sér. Það var ekk-
ert venjulegt við þetta líf.“
Mestu af myndefninu sem Ríkis-
sjónvarpið átti af Reyni hafði verið
hent en Baldvin komst í mikla gull-
kistu þegar hráefni úr gömlu mynd-
inni sem Reynir lét gera sjálfur
fannst eftir nær átta ára leit.
Spurður hvort hann hafi fundið
fyrir Reyni við gerð myndarinnar
svarar Baldvin fyrst með stuttri
þögn. „Án þess að segja of mikið þá
lét hann vita af sér,“ ljóstrar hann svo
upp. „Nú er ég skeptískur maður að
eðlisfari en það eru eigi að síður áhöld
um það hvor okkar hafi stýrt þessari
mynd, Reynir eða ég. Við fundum vel
fyrir Reyni við gerð myndarinnar og
það kemur glöggt fram í henni. Hlutir
eiga sér stað.“
Þegar Baldvin nefndi hugmynd-
ina fyrst við seinni eiginkonu Reyn-
is, Erlu Sveinsdóttur, um aldamótin
hafði hann ekki lokið námi og í ljósi
þess að fleiri bönkuðu á dyrnar
bjóst hann við því að hún myndi
afhenda öðrum myndefnið. „Þá
fór hún á miðilsfund þar sem
Reynir kom fram og sagði
henni að bíða eftir unga
drengnum.“ Og það gerði hún.
Reynir sterki setti heims-
met þegar hann braust úr
þessum hlekkjum.
Myndin um Reyni sterka
verður frumsýnd í haust og
segir Baldvin það mjög góða
tilfinningu að þetta ferðalag
sé senn á enda. „Konan mín
verður alla vega mjög feg-
in,“ segir hann hlæjandi. „Þá
get ég farið að tala um eitt-
hvað annað. Annars er ég
kominn með nýtt plan fyrir
heimildarmynd sem ég get
dundað mér við næstu tíu
árin.“
Hann verst allra frétta af
því verkefni en fyrir liggur
að næsta mynd Baldvins
verður leikin, Fyrir Magneu,
og hefjast tökur í haust. „Sú
mynd fjallar um ungar
stúlkur í Reykjavík
og það hvernig fíkn-
in sigrar ástina.“
Handritið skrifar
Baldvin
ásamt
Birgi
Erni
Stein-
arssyni.
Þegar fíknin
sigrar ástina
Baldvin Z.
Sterk nærvera Reynis
Baldvin Z kvikmyndagerðarmaður er að leggja lokahönd á heimildarmynd um goðsögnina Reyni
sterka. Hann fann vel fyrir Reyni við gerð myndarinnar og segir álitamál hvor hafi ráðið ferðinni.
Orri Páll Ormarsson orri@mbl.is
Gengið út frá því að persónan sé hvít