Morgunblaðið - 22.04.2017, Side 4

4 FRÉTTIRInnlent
MORGUNBLAÐIÐ LAUGARDAGUR 22. APRÍL 2017
BAKSVIÐ
Baldur Arnarson
baldura@mbl.is
Ólafur Torfason, stjórnarformaður
og stofnandi Íslandshótela, segir að
félagið muni þurfa að endurskoða
áform um uppbyggingu hótela ef
virðisaukaskattur á ferðaþjónustu
verður hækkaður. Hækkunin geti
jafnvel gert út af við rekstur smærri
fyrirtækja í greininni.
„Áform okkar eru í uppnámi vegna
boðaðra breytinga á virðisaukaskatti.
Það er mikil óvissa í greininni, sér-
staklega úti á landi. Fyrirtækin hafa
þurft að takast á við hækkuð laun og
styrkingu krónunnar og eiga nú yfir
höfði sér yfir 10 prósentustiga hækk-
un virðisaukaskatts. Það er viðbúið
að þetta muni hafa áhrif til samdrátt-
ar á afkomu hótela. Reksturinn getur
ekki tekið á sig slíka hækkun. Margir
rekstraraðilar munu ekki þola þetta.
Það á svo eftir að koma í ljós hvort
þeir draga saman seglin, hætta
rekstri, eða setja hækkunina út í
verðlagið og verða með því ósam-
keppnishæfir. Það er ekki sjálfgefið
að ferðamönnum fjölgi stöðugt. Ef
verðlagið hækkar meira fáum við við-
brögð.“
Rætt hefur verið um að hækka
virðiskaukaskatt í ferðaþjónustu úr
11% í 24%.
Íslandshótel eru stærsta hótel-
keðja landsins. Undir hana heyra 17
hótel víðsvegar um landið, Grand
Hótel Reykjavík, Hótel Reykjavík
Centrum og 15 hótel undir merkjum
Fosshótela. Félagið hefur undirbúið
byggingu nokkurra hótela til viðbót-
ar. Ræðir þar um tugi þúsunda fer-
metra og fjárfestingu sem hleypur á
milljörðum króna.
Ólafur segir einboðið að nokkur
þessara verkefna verði sett á ís ef
virðisaukaskatturinn verður hækkað-
ur. Hann nefnir þar stækkun Grand
hótels og samhliða uppbyggingu á
Blómavalsreitnum í Reykjavík, bygg-
ingu nýs hótels í Lækjargötu í
Reykjavík og byggingu hótels
á lóð gamla Sjallans á Akur-
eyri. Þá verði fyrirhuguð
stækkun Fosshótels á Bar-
ónsstíg í Reykjavík sett á ís
ef hækkunin taki gildi.
Raskar áætlunum
„Við munum setja
þetta allt í biðstöðu.
Það mun kosta okk-
ur fé, enda erum
við með bundna
fjármuni í þessum
verkefnum. Höf-
um keypt lóðir og lagt út í aðra fjár-
festingu. Þá var ætlunin að stækka
Fosshótel Stykkishólm og Fosshótel
Hellnar. Það hefur verið til skoðunar
að fjölga herbergjum í Stykkishólmi
úr 70 í 200 og úr 39 í 80 á Hellnum.
Menn missa áhugann ef þetta er yfir-
vofandi.
Ef það verður hægt á uppbyggingu
hótela mun það setja enn meiri þrýst-
ing á íbúðamarkaðinn,“ segir Ólafur
og vísar til skammtímaleigu til ferða-
manna. „Þá verður enn erfiðara fyrir
ungt fólk að kaupa íbúðir,“ segir Ólaf-
ur.
Stjórnmálamenn sviku loforð
Ólafur segir núverandi ráðamenn
hafa lofað því á fundi með fulltrúum
ferðaþjónustunnar í Hörpu fyrir síð-
ustu þingkosningar, að virðisauka-
skatturinn yrði ekki hækkaður.
„Það var haldinn kjörfundur með
öllum frambjóðendum í Hörpunni og
Guðlaugur Þór Þórðarson [utanríkis-
ráðherra] frambjóðandi var þar á
meðal. Hann fullyrti að það væri eng-
in hækkun á virðisaukaskatti fram-
undan. Maður horfði bláeygður í aug-
un á þessum mönnum þegar þeir
lofuðu óbreyttum virðisauka. Það er
óskiljanlegt hvernig menn geta geng-
ið svona á bak orða sinna,“ segir Ólaf-
ur Torfason.
Setur fjárfestingu á ís
 Stjórnarformaður Íslandshótela segir boðaða hækkun virðisaukaskatts munu
hafa alvarlegar afleiðingar  Hægja muni á allri uppbyggingu í ferðaþjónustu
Morgunblaðið/Baldur
Fosshótelsturninn á Höfðatorgi Hótelið á Höfðatorgi varð það stærsta á Íslandi í herbergjum talið þegar það var opnað sumarið 2015.
Ólafur segir að lokið verði við þá
uppbyggingu hótela sem þegar
sé hafin hjá Íslandshótelum.
„Við erum langt komin með
uppbyggingu nýs Fosshótels í
Mývatnssveit. Það verður opnað
í júní. Við höfum síðan unnið að
stækkun og endurbótum á Foss-
hótel Reykholti og ætlum að
opna þar fyrri hlutann í maí en
síðari hlutann í mars á næsta
ári. Þá erum við að bæta við 39
herbergjum á Fosshótel Núp-
um og verða þar alls 99 her-
bergi,“ segir Ólafur. Meðal ann-
arra verkefna á landsbyggðinni
séu áform um byggingu
starfsmannaaðstöðu
fyrir Fosshótel Jök-
ulsárlón, auk mögu-
legrar fjölgunar
herbergja við Jök-
ulsárlón úr 104 í
128.
Nýtt hótel
í Mývatnssveit
KEÐJAN STÆKKAR
Ólafur
Torfason
„Hækkunin mun
draga úr vexti
ferðaþjónust-
unnar, en á móti
kemur að ruðn-
ingsáhrif hennar á
aðrar greinar í
hagkerfinu verða
minni,“ segir Ing-
ólfur Bender, for-
stöðumaður
Greiningar Ís-
landsbanka, um fyrirhugaða hækkun
virðisaukaskatts á ferðaþjónustu.
Hann segir að það sé viss kostur að
fara þessa leið, þegar haft sé í huga
að vöxtur ferðaþjónustunnar verði
um 30% á þessu ári, fremur en að láta
krónuna halda áfram að styrkjast
með þeim áhrifum sem það hefur á
greinina.
„Ein af meginástæðunum fyrir
hækkun krónunnar á undanförnum
mánuðum hefur verið vöxtur ferða-
þjónustunnar,“ segir Ingólfur. Sú
hækkun hafi einnig haft neikvæð
áhrif á aðrar útflutningsgreinar.
Konráð S. Guðjónsson hjá grein-
ingardeild Arion banka segir að
deildin hafi ekki unnið sérstaka út-
tekt á áhrifum þess að ferðaþjón-
ustan greiði sama virðisaukaskatt og
aðrir. „Almennt séð er ágætt að fara í
einhvers konar gjaldtöku til að
stemma stigu við tugprósenta fjölgun
ferðamanna, þótt áframhaldandi
aukning sé jákvæð, en hvort þetta er
rétta leiðin er annað mál,“ segir hann.
Samtök ferðaþjónustunnar hafa
brugðist ókvæða við áformum ríkis-
stjórnarinnar. Þau segja að þau muni
hafa í för með sér grafalvarlegar af-
leiðingar fyrir fyrirtæki og starfsfólk
í ferðaþjónustu um land allt.
gudmundur@mbl.is
Morgunblaðið/Ómar
Ferðir Mikill vöxtur er í greininni.
Mun
draga úr
vextinum
 Vaskur á ferða-
þjónustu umdeildur
Ingólfur
Bender
Sigurður Bogi Sævarsson
sbs@mbl.is
Ekkert bendir til bilunar í hreyflum
eða stjórntækjum sjúkraflugvélar
Mýflugs sem fórst á aksturs-
íþróttasvæði við Hlíðarfjallsveg ofan
við Akureyri um verslunarmanna-
helgina 2013. Þetta kemur fram í
drögum að skýrslu Rannsóknar-
nefndar samgönguslysa um þennan
atburð, þar sem flugstjóri vélarinnar
og sjúkraflutningamaður fórust en
flugmaður komst lífs af, mikið slas-
aður. Rannsóknin hefur því meðal
annars beinst að stjórn flugvélarinn-
ar í krappri beygju eftir lágflug yfir
akstursbrautina.
Stjórnendum Mýflugs hefur nú
verið send skýrslan til umsagnar,
eins og jafnan er gert áður en
endanlegar niðurstöður og loka-
skýrsla kemur út. Við rannsóknina
hafa fulltrúar rannsóknarnefnda
Bandaríkjanna og Kanada aðstoðað,
meðal annars við úrvinnslu mynd-
bandsupptöku og ljósmynda sem
náðust af slysinu.
Held trúnað
Stjórnendur Mýflugs fengu
skýrsludrögin til umsagnar í byrjun
apríl og hafa frest til 2. maí til að
koma með athugasemdir. „Ég hef
ekki mótað mér skoðun á því hvort
eða hvaða athugasemdir við gerum
við þessi skýrsludrög. Um efnið og
niðurstöður rannsóknarinnar er hins
vegar trúnaður og hann ætla ég að
halda,“ segir Leifur Hallgrímsson,
framkvæmdastjóri Mýflugs, í sam-
tali við Morgunblaðið.
Krappa beygjan er til rannsóknar
Morgunblaðið/Skapti Hallgrímsson
Flugslys Flak flugvélarinnar sem fórst á akstursíþróttabrautinni í Hlíð-
arfjalli. Slysið var um verslunarmannahelgina 2013, það er 5. ágúst.
 Skýrsludrög rannsóknar um flugslysið í Hlíðarfjalli 2013 liggja fyrir  Ekk-
ert sem bendir til bilunar í flugvélinni  Mýflugsmenn eru að fara yfir málið
Fimm skákmenn standa enn eftir
með fullt hús eftir fjórðu umferð á
GAMMA Reykjavíkurskákmótinu
sem lauk í gærkvöldi í Hörpu. Hol-
lenska stórstirnið Anish Giri heldur
sínu striki og er í hópi efstu manna
ásamt þeim Gawain Jones, Nils
Grandelius, Vidit Santosh Gujrati
og sigurvegaranum frá því í fyrra,
Abhijeet Gupta. Gujrati lagði ein-
mitt Jóhann Hjartarson að velli í
snarpri skák þar sem sá indverski
sá lengra í flækjunum.
Hannes Hlífar Stefánsson er nú
orðinn efstur Íslendinga með þrjá
og hálfan vinning og er í stórum
hópi skákmanna sem fylgja í hum-
átt á eftir efstu mönnum. Fjöldi Ís-
lendinga er svo með þrjá vinninga.
Fimmta og sjötta umferð fara
fram í dag og á morgun í Hörpu og
hefjast báðar klukkan 15:00. Alls
taka 263 skákmenn frá 39 löndum
þátt í mótinu sem lýkur fimmtudag-
inn 27. apríl. Áhorfendur eru vel-
komnir og skákskýringar hefjast að
jafnaði um kl. 17:00. »29
Hannes Hlífar er nú
efstur Íslendinga