Morgunblaðið - 22.04.2017, Side 13

Ljósmyndir/Erla Þórey
Spekingar Miðjubörnin í systkinahópnum, Bjarni Dagur og Ólöf Ósk Bjarnabörn, gauka heyi að Einhyrningi.
ingnum á móti honum, sem og
annarri tvílembu. Þetta voru því
sex kindur saman sem fundust og
skiluðu sér heim á aðventunni.
Eins og eftir andlitslyftingu
„Við höldum að það sé ein-
hverskonar stökkbreyting sem
veldur þessum undarlega vexti
hornanna. Móðir hans og faðir eru
ekki ferhyrnd eða neitt slíkt, og
það er ekkert ferhyrnt fé í okkar
kindum, svo ekki hefur hann feng-
ið þetta með genunum. Eldri
bændur hér í sveitinni hafa gert
sér sérstaka ferð hingað til okkar
til að skoða hrútinn, því vissulega
er þetta eitthvað sem fáir hafa áð-
ur séð. En þeir hafa engar sér-
stakar kenningar um hvers vegna
skepnan er svona. Hann er bara
einstakt fyrirbæri og auk þess
nokkuð sérstakur á svipinn, því
hann er með uppglennt augu af
þessum sökum, það er líkt og
hornin með þessum óvenjulega
vexti beint upp, nái að teygja á
augnlokunum og fyrir vikið er
hann svolítið hissa á svipinn, eða
jafnvel sorgmæddur. Hann er eig-
inlega svolítið strekktur í framan,
eins og fólk sem fer í andlitslyft-
ingu,“ segir Erla og hlær og bætir
við að hann hafi verið svona
strekktur í framan þegar hann
kom í heiminn.
„Hann bar alveg rétt að í
burði og átti ekki í neinum erf-
iðleikum með að sjúga.“
Hann er ekki kynbótakind
Erla segir Einhyrning vera
frekar rólegan og hafa gott geðs-
lag. „Hann er meinlaus greyið, en
þeir berjast hrútarnir sem eru
með honum í stíu, og það hefur
skafist af honum skinn á kúbunni,
kannski leggja þeir hann í einelti
af því að hann er öðruvísi, hver
veit. Hann hefur ekki sýnt nein
undarleg persónueinkenni, en
hann er klókur að finna sínar leiðir
og lausnir, hann þarf til dæmis að
skáskjóta hausnum til að koma
honum milli garðabands og garða,
svo hann geti étið heyið þegar við
gefum á garðann. Hornið eina á
honum er vissulega til trafala því í
fjárhúsinu er ekkert hannað fyrir
einhyrninga,“ segir Erla og hlær.
„Ekki var heldur vandræðalaust að
rýja hann, sem Bjarni maðurinn
minn gerði nýlega, því volduga
hornið vísar vissulega ekki í þá átt
sem venja er að horn á kindum
vísi, en rúningurinn tókst samt að
lokum.“
Þó að Einhyrningur sé svo
skemmtilega óvenjulegur sem raun
ber vitni, þá dugar það honum
ekki til lífs.
„Hann fær ekki að lifa nema
fram á næsta haust, greyið. Hann
er ekki kynbótakind, það er alveg
ljóst, hann er helst til holdrýr og
þrífst ekki nógu vel, hann heldur
illa holdum. En hann fær sitt auka
sumar núna,“ segir Erla að lokum
sem ekki hefur grafið upp einhyrn-
ingssögur til að lesa fyrir börnin
sín í tilefni af furðuskepnunni á
bænum.
Hátt horn og klofið Smalar héldu að Einhyrningur væri geithafur.
Sveitalíf Kötturinn Litli kisi kann vel við sig í fjárhúsinu með krökkunum.
DAGLEGT LÍF 13
MORGUNBLAÐIÐ LAUGARDAGUR 22. APRÍL 2017
ÁRSFUNDUR LANDSVIRKJUNAR 2017
Hilton Reykjavík Nordica
Miðvikudagur 26. apríl kl. 14
• Benedikt Jóhannesson fjármála- og efnahagsráðherra
Ávarp
• Jónas Þór Guðmundsson stjórnarformaður
Ávarp
• Hörður Arnarson forstjóri
Ragna Árnadóttir aðstoðarforstjóri
Þarf framtíðin orku?
• Gerður Björk Kjærnested fundarstjóri
• Inga Lind Karlsdóttir stjórnar umræðum að erindum loknum
Þarf framtíðin orku?
Verið öll velkomin
Skráning á www.landsvirkjun.is
#lvarsfundur
Landsvirkjun hvetur til opinnar umræðu um orkumál og
þau tækifæri og áskoranir sem eru framundan. Hvernig
er rekstur og fjárhagur fyrirtækisins að þróast? Hvað er að
gerast á orkumörkuðum heimsins? Hvaða áhrif hefur það
á Íslandi? Hver er orkuþörf framtíðar og hvernig mætum
við henni?
Bein útsending verður frá fundinum á landsvirkjun.is.