Freyr - 01.10.2005, Blaðsíða 11

HROSSARÆKT
dóm, hæstu einkunnir hvað bygginguna
varðar eru 8,5 fyrir höfuð, bak og lend,
hófa og prúðleika. í hæfileikunum er klár-
gangurinn bestur og eru hæstu einkunnir
9,0 fyrir tölt og vilja/geð og 8,5 fyrir brokk,
stökk, fegurð í reið og hægt stökk. Marel
var fulltrúi íslands í flokki stóðhesta fimm
vetra gamalla á HM 2005 í Svíþjóð og stóð
þar efstur í sínum flokki. Hann hefur nú ver-
ið seldur ti! Finnlands.
Marel frá Feti og Ævar Örn Guðjónsson.
(Ljósm. Eiríkur Jónsson).
STÓÐHESTAR 4 VETRA
í þessum flokki fékk hæstu einkunn á árinu
Dalvar IS2001187015 frá Auðsholtshjáleigu
(B:8,27 H:8,42 A:8,36). Eigandi Dalvars er
Gunnar Arnarson og knapi var Þórður Þor-
geirsson. Faðir Dalvars er Keilir frá Miðsitju,
ff. Ófeigur frá Flugumýri og fm. Krafla frá
Sauðárkróki. Móðir Dalvars er Gylling frá
Hafnarfirði, mf. Orri frá Þúfu og mm. Gnótt
frá Hafnarfirði. Þessi fjögra vetra foli vakti
mikla athygli og ekki síst vegna góðrar
frambyggingar en fyrir háls og herðar fékk
hann 9,0 sem jafnframt er hæsta einkunnin
í byggingunni. Að auki er hann með 8,5 fyr-
ir bak og lend og samræmi, lægst er 7,0
fyrir prúðleika. Dalvar er nú þegar mikill
gæðingur með 9,0 fyrir vilja/geðslag og 8,5
fyrir tölt, skeið og fegurð í reið. Ljóst er að
þessi foli er bæði vegna ættar, útlits og
hæfileika afar spennandi og verður fróðlegt
að sjá hvað hann bætir við sig á komandi
vetri.
Dalvar frá Auðsholtshjáleigu og Þórður Þor-
geirsson. (Ljósm. Eiríkur Jónsson).
Annar varð Álfasteinn IS2001187660 frá
Selfossi (B:8,26 H:8,40 A:8,34). Eigandi Olil
Amble og knapi Bergur Jónsson. FaðirÁlfa-
steins er einnig Keilir frá Miðsitju sem virð-
ist vera að sanna sig betur og betur sem
mikill kynbótahestur. Móðir Álfasteins er
aftur hin eftirminnilega frá LM 2000 Álfadís
frá Selfossi. Álfasteinn hlaut góðan bygg-
ingardóm með 8,5 fyrir bak og lend, sam-
ræmi, fótagerð, réttleika og hófa. Eina sem
skyggir þar á er einkunnin 6,5 fyrir prúð-
leika en bágur prúðleiki hefur viljað loða við
föðurættina auk þess sem móðurafinn er
Kolfinnur frá Kjarnholtum sem ekki hefur
verið þekktur fyrir að bæta prúðleikann.
Álfasteinn er mikilvirkur alhliða gengur
gæðingur með hæst 9,0 fyrir fegurð í reið
og 8,5 fyrir tölt, vilja og geðslag og hægt
tölt. Sama má segja um Álfastein og Dalvar
hér á undan, spennandi verður að fylgjast
með því hvað gerist í vetur og fróðlegt að
sjá hvort hann stendur undir væntingum
sem greinilega eru miklar. Ekki verður lokið
svo umfjöllun um Álfastein að ekki sé
minnst á hans skrautlega lit en hann er
bleikálóttskjóttur en skjótta litinn hefur
hann erft í móðurlegg frá Kleifum í Gilsfirði.
Mynd 8. Álfasteinn frá Selfossi og Bergur
Jónsson. (Ljósm. Eiríkur Jónsson).
Þriðji í fjögra vetra flokknum varð Glymur
IS2001 135613 frá Innri-Skeljabrekku
(B:7,81 H:8,67 A:8,33). Eigendur Glyms eru
Lena Jóhanna Reiher, Finnur Kristjánsson og
Gunnar Hlíðdal Gunnarsson en knapi var
Agnar Þór Magnússon. Faðir Glyms er
Gaukur frá Innri-Skeljabrekku og móðir
Þyrla frá Norðtungu. Byggingareinkunn
Glyms er í tæpara lagi fyrir stóðhest 1
fremstu röð, hæst er hófaeinkunn 8,5 en
lægst og í raun eini alvarlegi gallinn á bygg-
ingunni er 6,5 fyrir fótagerð sem í raun væri
falleinkunn ef ekki kæmu til aðrir mikils-
verðir eiginleikar sem verða til þess að hest-
inum má hampa. Glymur er frábær gæð-
ingur á öllum gangi sem fylgt er eftir af
ásækni en þó þjálni. Hæstu einkunnir eru
9,0 fyrir tölt og vilja/geðslag og 8,5 fyrir
brokk, skeið og fegurð í reið. Hæfileikarnir
einir nægðu til að gera hestinn nothæfan á
móti vel völdum hryssum en fleira kemur til,
Glymur /er fallega móvindóttur sem gerir
hann enn verðmætari en sá litur nýtur mik-
illar hylli nú um stundir.
Glymur frá Innri-Skeljabrekku og Agnar Þór
Magnússon. (Ljósm. Eiríkur Jónsson).
HRYSSUR 7 VETRA OG ELDRI
f hryssuflokkunum komu fram margir garp-
ar á árinu, í elsta flokki hryssna þ.e. sjö vetra
og eldri fékk hæstu einkunn Þula
IS1998235941 frá Hellubæ (B:8,11 H:8,66
A:8,44). Eigandi Þulu er Gíslína Jensdóttir
en knapi var Olil Amble. Faðir Þulu er Kol-
finnur frá Kjarnholtum, ff. Hrafn frá Holts-
múla og fm. Glókolla frá Kjarnholtum I.
Móðir Þulu er Gola frá Hellubæ, mf. Gáski
frá Hofsstöðum og mm. Stjarna frá Hellu-
bæ. Þula hefur góðar og jafnar einkunnir í
byggingu þar sem 8,5 fyrir samræmi og
réttleika eru hæstu einkunnir. Hvað hæfi-
leikana varðar er klárgangurinn og sérstak-
lega töltið úrval en hæstu einkunnir eru 9,5
fyrir tölt og 9,0 fyrir vilja og geðslag og feg-
urð í reið.
Þula frá Hellubæ og Olil Amble.
(Ljósm. Eiríkur Jónsson).
Næsthæst í þessum flokki varð Fjörgyn
IS1997288570 frá Kjarnholtum I (B:8,13
H:8,60 A:8,41). Eigandi Guðný Höskulds-
dóttir og knapi Daníel Jónsson. Faðir Fjörg-
ynjar er Kolskeggur frá Kjarnholtum I og
móðir Fjöður frá Melhóli 2. Fjörgyn er ágæt-
lega byggð með hæst 9,0 fyrir höfuð og 8,5
fyrir háls og herðar og hófa. Hvað hæfileik-
ana varðar er hún jafnvígur alhliða gæðing-
ur með 9,0 fyrir vilja og geðslag og 8,5 fyrir
FREYR 10 2005