Árbók Hins íslenzka fornleifafélags - 01.01.2012, Síða 17

ÁRBÓK FORNLEIFAFÉLAGSINS16
steingripir fundust við rannsóknina og flestir voru steinbrýni en einn þeirra
var örvaroddur úr tinnu og er hann ekki af norrænum uppruna. Líklegt er að
hann tilheyri Dorsetmenningu Inúíta þar sem Thúlemenningin notaði horn
og bein til að búa til örvarodda. Síðustu leifar Dorsetmenningarinnar hverfa
frá Grænlandi um 1300 e.Kr.14
Flestir gripanna sem fundust voru úr klébergi en varðveisla þeirra var
slæm þar sem vatn og frost hafði brotið þá flesta í smærri búta. Samt var
hægt að átta sig á notkun margra þeirra. Alls fundust 728 klébergsbrot og var
hægt að tegundagreina 355 gripi. Af heildarfjölda gripanna voru 261 brot úr
ílátum, 12 snældusnúðar, 68 kljásteinar, 6 lampar og 8 voru viðgerðarbútar.
Af ílátum voru 62 brot úr börmum, 6 úr botnum og voru margir barmanna
skreyttir með láréttum línum sem ristar höfðu verið í þá. Slíkar skreytingar
eru algengar á klébergsílátum frá Grænlandi.15 Margir klébergsgripanna voru
merktir með krossi eða x sem rist hafði verið í þá.
Gripasafnið úr bæjarstæðinu frá Qorlortorsuaq sýnir ekki mikla fjölbreytni
og er það eftirtektarvert að lítið fannst af gripum úr málmi, sérstaklega járni.
Algengustu gripirnir voru úr klébergi og flestir þeirra ílát af ýmsum stærðum
og líklega tengd framleiðslu á mjólkurvörum eða gripir til tóvinnu, þ.e.
Brot úr skreyttu klébergsíláti. Ljósmynd: Ragnar Edvardsson.