Árbók Hins íslenzka fornleifafélags - 01.01.2012, Page 125

ÁRBÓK FORNLEIFAFÉLAGSINS124
nautgripum. Sýnin voru greind af Dr. Gordon Cook hjá Scottish Universities
Reactor Center. Sýnin voru tekin bæði úr elstu og yngstu mannvistarlögunum
til að fá yfirlit yfir lengd búsetu á Ø29a. Elstu sýnin voru aldursgreind til um
1000 og þau yngstu reyndust frá því um 1300 (tafla 1). Samkvæmt þessu hófst
byggð á Ø29a strax við upphaf landnáms á Grænlandi og lauk snemma á 14.
öld. Ekki er þó hægt að fullyrða með vissu að búsetu hafi lokið á Ø29a um
1300 og því nauðsynlegt að fá fleiri kolefnissýni til að fá betri hugmynd um
lok búsetu á bæjarstæðinu.
Fornleifarannsókn á Ø28b (meintur þingstaður)
Markmið rannsóknarinnar á Ø28b var fyrst og fremst að fá hugmynd um
notkun svæðisins. Könnun á Ø28b gaf gott tækifæri á að rannsaka minjar á
þessu svæði því að fyrri rannsóknir höfðu ekki getað skýrt á fullnægjandi hátt
notkun minjanna.
Fyrstu rannsóknirnar á Ø28b voru gerðar af Nørlund og Stenberger árið
1932 eða á sama tíma og rannsóknin á Ø29a fór fram. Á þessu svæði skráðu
þeir alls 12 stærri rústir og allnokkra minni rústahóla en aðallega var grafið
í minni rústirnar. Við þessa rannsókn fundu þeir fjölda eldstæða og nokkrar
rústir sem litu út fyrir að vera búðir. Byggt á þeim litlu uppgraftargögnum
sem þeir söfnuðu árið 1932 komust þeir að þeirri niðurstöðu að Ø28b hefði
ekki getað verið bæjarstæði heldur hafi það verið einhvers konar þing staður
eða verslunar staður. Stóra rústin við Ø28b var talin vera leifar óvenjustórrar
búðar.22 Frá 1932 hafa verið gerðar allnokkrar rannsóknir á stóru rústinni
en engin þessara rannsókna hefur gefið fullnægjandi hugmyndir um notkun
hennar. Ekki fundust neinar ritaðar heimildir um þessar seinni tíma rannsóknir
á stóru rústinni aðrar en rannsókn Nørlunds og Stenbergers árið 1932.
Rannsóknin hófst á uppmælingu stóru rústarinnar og fornleifakönnun
á þeim minjum sem skráðar voru af Nørlund og Stenberger árið 1932. Í
ljós kom að flestar minjarnar við Ø28b hafa verið eyðilagðar við ýmsar
framkvæmdir á síðustu áratugum, þ.e. vegalagningu, húsbyggingar og
byggingu þyrlupalls. Það eina sem var eftir sumarið 2006 var stóra rústin og
rústir 32 – 36 samkvæmt skráningu Nørlunds og Stenbergers.23
Að utanmáli reyndist stóra rústin vera 20x10 metrar að stærð og norðurendi
bygg ingar innar var bogadreginn. Ekki var unnt að sjá hvort syðri endinn væri
líka bogadreginn þar sem eldri forn leifa rann sóknir höfðu eyðilagt hann að
mestu. Í allt voru skráðir sjö eldri könnunarskurðir sem grafnir höfðu verið
í bygg inguna frá uppgreftinum 1932. Einn lítill skurður var við norðurgafl