Árbók Hins íslenzka fornleifafélags - 01.01.2012, Page 127

ÁRBÓK FORNLEIFAFÉLAGSINS126
Þó að markmið rannsóknarinnar árið 2005 – 2006 hafi ekki verið að
rannsaka byggingar, voru grafnar fram bæði byggingar sem ekki var vitað um
og hlutar bygginga sem ekki höfðu komu í ljós við eldri rannsóknir. Þetta sýnir
að enn eru ýmis mannvirki ógrafin á bæjarstæðinu frá mismunandi tímum
og að mun fleiri fornminjar eru á svæðunum á milli íveruhúsa og útihúsa.
Uppgröfturinn í öskuhauginn við Ø29a sýndi greinilega að talsvert er eftir af
óhreyfðum öskulögum við bæjarstæðið og að Nørlund og Stenberger höfðu
aðeins rannsakað hann að hluta til.
Rannsóknin á Ø28b var áminning um að könnunarskurðir gera oft
meira ógagn en gagn. Flestir skurðanna voru um 1 metri á breidd og nær
allir staðsettir þannig að þeir gátu á engan hátt gefið nokkra hugmynd um
eðli byggingarnar, t.d. var einn skurðurinn staðsettur ofan á vegg byggingar
og hefur örugglega ekki leitt meira í ljós en að veggir Ø28b hafi verið úr
torfi. Ljóst er á uppgreftinum í Ø28b að ekki er víst að upphafleg túlkun á
notkun svæðisins sé rétt og ákveðnar líkur á því að stóra byggingin sé skáli
en ekki þing- eða verslunarbúð. Einnig má spyrja sig hvort upphafleg túlkun
Nørlunds og Stenberger á eldstæðunum sem þeir grófu fyrir utan húsið sé
rétt, en þeir töldu þau vera til matartilbúnings.27 Vert er að benda á að svipuð
eldstæði hafa fundist við uppgröft í Mývatnssveit og voru þau greinilega
járnvinnsluofnar.28 Í ljósi þess má velta því fyrir sér hvort eldstæðin við Ø28b
hafi verið til málmbræðslu en ekki matartilbúnings (sjá mynd).
Greining dýrabeinanna frá Ø29a hefur sýnt að búskapur bænda í
Quassiarsuk á miðöldum byggði á nautgripa- og fjárbúskap. Beinin sýna að
hlutfall nautgripa og geita/kinda helst nokkurn veginn stöðugt á tímabilinu
frá því um 1000 til 1200 en hlutur sauð- og geitfjár eykst lítillega eftir 1200
og helst svo stöðugur fram til loka búsetu á 14. öld. Svipað hefur sést við
Myndir 8 og 9. Ofn frá Ø28b vinstra megin (P. Nørlund og M. Stenberger 1936) og bræðsluofninn frá
Hrísheimum hægra megin (Ragnar Edvardsson).