Árbók Hins íslenzka fornleifafélags - 01.01.2012, Page 168
167MERKUR MAÐUR: GÍSLI SIGURÐSSON
þurfti þó ekki að vera, eins og
dæmin sanna. Sá sem gengur
eftir lýsingum Gísla kemst
fljótt að raun um að þær standa
enn jafnstyrkum stoðum og
þegar hann skráði þær forðum.
Gísli Sigurðsson lét af
störfum minjavarðar sumarið
1980. Hann vildi ávallt láta
gott af sér leiða og er óhætt
að fullyrða að enginn einn
maður á jafnmikinn þátt í að
Byggðasafnið hefur eignast
jafnmarga muni og raun ber
vitni.6 Þannig höfðu störf
hans og áhugi ekki einungis
jákvæð áhrif á meðan hann
lifði. Hvorutveggja hefur
jákvæð áhrif enn þann dag
í dag. Eftirlifandi kynslóðir
hafa notið og munu um langa
tíð njóta góðs af störfum
hans. Gísli var alþýðuhetja
og verðskuldar að hans verði
minnst, ekki bara af þeim sem
hann þekktu heldur og öllum
þeim er bera virðingu fyrir sögu, minjum og hag uppvaxandi æsku fyrir
brjósti. Eftirlifandi samferðamenn Gísla og komandi kynslóðir eiga honum
bæði margt og mikið að þakka.
Gísli Sigurðsson, íþróttamaður, lögreglumaður, örnefnasafnari og forstöðu-
maður Byggðasafns Hafnarfjarðar, fæddist að Sólheimum í Hrunamannahreppi
23. júní 1903. Faðir hans, Sigurður Gíslason frá Kolsholti í Flóa, og móðir,
Jóhanna Gestsdóttir frá Forsæti í Flóa, voru þar í vinnumennsku og fóru á milli
bæja. Hjónin komu til Hafnarfjarðar með börn sín árið 1910 og settust þar að.
Árið 1931 kvæntist Gísli Vigdísi Klöru Stefánsdóttur frá Fitjum í Skorra-
dal. Áttu þau tvö börn, Eyjalínu Þóru og Gunnlaug Stefán, og auk þess ólst
upp hjá þeim dóttursonur þeirra, Gísli Grettisson.
Gísli Sigurðsson lést þann 30. október 1985, 82 ára að aldri.7
Gísli (t.h) með Egon Hitzler sem var hér á landi að rann-
saka seljabúskap. Myndin er tekin í kringum 1960.
Ljósmyndari óþekktur.