Árbók Hins íslenzka fornleifafélags - 01.01.2012, Side 178

177HÁTÍÐARRÆÐA Á 150 ÁRA AFMÆLI ÞJÓÐMINJASAFNS ÍSLANDS
að virða fyrir sér hólkana hugsum við til þeirra hundruða jafnvel þúsunda
formæðra okkar sem báru skartið sem fyrir augu ber kynslóð fram af kynslóð.
Við hugsum til fólksins sem tengir okkur við munina þegar við dáumst að
listilegri smíð silfursmiðanna, forfeðra okkar. Við sjáum fyrir okkur fólk í
sorg og í gleði í látlausum sveitakirkjum landsins, í stundarfriði frá erfiði
dagsins, fólk að handleika fagurlega kersmíðaða kaleika í von og í trú eða
fólk að bindast tryggðaböndum í kærleika! Við sjáum fyrir okkur Matthías
Þórðarson fyrsta þjóðminjavörðinn sem fór í kirkjur landsins og skráði þann
menningararf. Sjáum fyrir okkur líf fólks í látlausum húsakosti, við borðhald
og embættisstörf þar sem notast var við silfurbúnað sem allt eins mátti búast
við að sjá í höllum fjarri íslenskum hversdagsleika. Sjáum fyrir okkur mannlíf
vinnandi fólks, sem bar höfuðið hátt, bjó yfir sjálfsvirðingu, sköpunargleði og
listfengi. Fólk sem horfði til framtíðar, lagði grunn að þeim lífsskilyrðum sem
við njótum í dag, þeirra réttinda sem við nú höfum og sjálfstæði. Hugsum til
þeirra með þakklæti og njótum þess að virða fyrir okkur menningararfinn.
Á sýningu Forngripasafnsins árið 1898 þegar það var til húsa í Alþingishúsinu við Austurvöll.
Fremst á myndinni er stóll Ragnheiðar Jónsdóttur biskupsfrúar, talinn vera útskurðarverk Guðmundar
Guðmundssonar frá Bjarnastaðahlíð. Líkneskin til vinstri á myndinni eru til vinstri María með
Jesúbarnið frá Eyri í Skutulsfirði og Ólafur helgi frá Kálfafelli. Þjms. 2702, 3219 og 3165. Handlituð
skyggna. Þjms. Lpr. 1656-40. Ljósmynd: T. Throup.