Árbók Hins íslenzka fornleifafélags - 01.01.2012, Side 202

DOUGLAS BOLENDER
RITDÓMUR:
REYKHOLT. ARCHAEOLOGICAL
INVESTIGATIONS AT A HIGH STATUS
FARM IN WESTERN ICELAND
Reykholt er best þekkt sem
bústaður Snorra Sturlusonar, hins
fræga höfðingja, fræðimanns og
rithöfundar. Rit Snorra og þáttur
hans í stjórnmálaátökum þeim
sem gagntóku Ísland á síðari
hluta 12. aldar og hinni þrettándu,
Sturlungaöld, hafa lagt okkur til
mikið af því sem við vitum um
þetta tímabil. Ekki hafa margar
minjar frá þessu tímabili verið
rannsakaðar, og þetta rit er fyrsta
heila bókin þar sem fjallað er um
uppgröft á íslensku miðaldabýli.
Snorri sat aðeins skamma hríð
á staðnum, en minjarnar sem þar
hafa verið rannsakaðar eru að sjálfsögðu frá lengra tímabili. Í bókinni er lýst
þeim fornleifum sem grafnar voru upp milli 1997 og 2007, en þær eru allt frá
víkingaöld og til síðari hluta 19. aldar þegar bæjarstæðið var flutt. Áformað er
að út komi önnur bindi sem fjalla um uppgröft kirkjunnar í Reykholti, sem
lauk árið 2007, og rannsóknir á minjum um seljabúskap í héraðinu.
Frægustu minjarnar á staðnum, þær sem draga að sér mesta athygli
ferðamanna og þær sem eru hvað best þekktar á Íslandi eru Snorralaug og
jarðgöng sem tengja hana bæjarhúsum. Eins og vel er við hæfi er fjallað