Árbók Hins íslenzka fornleifafélags - 01.01.2012, Page 222

AÐALFUNDUR
Hins íslenzka fornleifafélags 2011
Aðalfundur Hins íslenzka fornleifafélags árið 2011 var haldinn í fyrirlestrasal
Þjóðminjasafns Íslands, fimmtudaginn 8. desember, kl.16:30. Fundinn sátu
um 24 félagsmenn.
Formaður félagsins Ragnheiður Traustadóttir setti fundinn og greindi
frá útkomu næstu árbókar fyrir árið 2011, sem væntanleg er fljótlega eftir
áramót. Stefnt er að því að árbókin komi út á hverju ári framvegis og að hluti
greina í henni verði ritrýndur.
Félagið mun gefa út ráðstefnurit 16. Víkingafundar sem haldinn var á
Íslandi árið 2009 og verður það fylgirit Árbókarinnar eins og síðast þegar
ráðstefnurit 3. Víkingafundar 1956 kom sem fylgirit Árbókarinnar árið
1958. Félagið er þar í samvinnu við Háskólaútgáfuna. Ritstjóri er Svavar
Sigmundsson og kemur ritið væntanlega út í árslok 2011. Mun það standa
félagsmönnum til boða á mjög hagstæðu verði.
Þá greindi formaður frá því að ný heimasíða félagsins hefði verið opnuð
og sá Lísabet Guðmundsdóttir um að koma henni upp.
Féhirðir Mjöll Snæsdóttir las upp reikninga félagsins og kom þar fram að
staða þess er nokkru lakari en verið hefur.
Formaður lýsti áhyggjum sínum af fækkun félagsmanna í kjölfar
efnahagskreppunnar. Í fyrra hefðu verið 466 skráðir félagsmenn en nú væri
sú tala rétt um 400.
Formaður minntist tveggja félaga sem spurst hafði að látist hefðu frá síðasta
fundi. Þeir eru: Kristrún Matthíasdóttir og Bergur Jónsson. Risu fundarmenn
úr sætum til virðingar við þau.
Þá fór fram stjórnarkjör. Stjórnin gaf öll kost á sér til áframhaldandi
setu í stjórn, nema Svavar Sigmundsson, varaformaður. Stungið var upp á
Birnu Lárusdóttur í hans stað. Einnig baðst Höskuldur Jónsson undan starfi
endurskoðanda og var stungið upp á Kristni Magnússyni í hans stað. Aðrar
tillögur komu ekki fram og var ný stjórn samþykkt samhljóða til tveggja ára
með lófataki. Er stjórn félagsins nú þannig skipuð:
Formaður Ragnheiður Traustadóttir, fornleifafræðingur; varaformaður
Birna Lárusdóttir, fornleifafræðingur; féhirðir Mjöll Snæsdóttir, fornleifa-
fræð ingur; varaféhirðir Kristín Huld Sigurðardóttir, forstöðumaður Forn-
FRÁ FORNLEIFAFÉLAGINU 221