Morgunblaðið - 23.08.2017, Side 11

FRÉTTIR 11Innlent
MORGUNBLAÐIÐ MIÐVIKUDAGUR 23. ÁGÚST 2017
Guðrún Erlingsdóttir
ge@mbl.is
Verktakar á vegum heilbrigðis-
sviðs Reykjavíkurborgar munu
fjarlægja ónýta bifreið sem staðið
hefur á bílastæði Tækniskólans –
skóla atvinnulífsins við Háteigsveg.
Bifreiðin er í mjög slæmu ástandi,
gluggar brotnir og drasl og dót í
henni. Meðal annars má sjá sæng í
bifreiðinni. Ekki hafa fengist upp-
lýsingar um það hvort einhver
haldi til í bílnum.
Heilbrigðiseftirlit Reykjavíkur
gaf eiganda bifreiðarinnar frest til
21. ágúst að fjarlægja bifreiðina.
Guðjón Eggertsson, heilbrigðis-
fulltrúi hjá Reykjavíkurborg, segir
að kvörtun hafi borist vegna bif-
reiðarinnar 14. ágúst. Hann segir
að þar sem bifreiðin gæti verið
hættuleg börnum eða mengandi sé
það hlutverk borgarinnar að fjar-
lægja hana, sjái eigandi hennar
ekki um það. „Við fjarlægjum bif-
reiðar sem eru hættulegar eða
mengandi ef við fáum ábendingar
um þær og ekki næst í eigendur,“
segir Guðjón.
Erfitt að losna við óskilabíla
Á lóð Háteigskirkju standa tvær
bifreiðar sem ekki finnast eigendur
að. Eiríkur Jónsson, settur sókn-
arprestur, segir að bílarnir hafi
staðið þar býsna lengi.
„Við erum búin að reyna mikið
til þess að losna við bifreiðarnar.
Það kannast enginn við að eiga þær
og það er erfitt að losna við bifreið-
ar sem skildar eru eftir í reiði-
leysi,“ segir Eiríkur. Hann bendir
á að hugsanlega þurfi sóknin að
greiða fyrir það að láta fjarlægja
bifreiðarnar og farga þeim.
Vaka hf. sér um að fjarlægja bif-
reiðar sem dagað hefur uppi á lóð-
um og bílastæðum eða á víðavangi.
Grétar Svavarsson, deildarstjóri
rekstardeildar Vöku, segir að þrjár
leiðir séu farnar til þess að ná inn
fyrir kostnaði sem fylgir því að
fjarlægja og farga eftir atvikum
bifreiðum sem skildar hafa verið
eftir í reiðileysi. Ef ekki gangi að
finna eigendur bifreiða sem þurfi
að fjarlægja geti kostnaðurinn lent
á lóðar- eða bílastæðiseigendum.
„Fyrst er reynt að rukka eigand-
ann ef hann finnst. Ef eigandi
finnst ekki er bifreiðin seld á upp-
boði. Það er að segja ef hún er í
söluhæfu ástandi. Ef bifreiðin er
ekki í söluhæfu ástandi er henni
fargað og þá fær lóðar- eða bíla-
stæðiseigandinn eða sá sem óskaði
eftir að bifreiðin yrði fjarlægð
reikninginn. Lágmarkskostnaður
er ekki undir 20.000 krónum.“
Fylgir góðærinu
Grétar segir það fylgifisk góð-
ærisins að bifreiðar séu oftar skild-
ar eftir í reiðileysi. „Svona er nú
bara Ísland í dag. Fólk skilur bif-
reiðarnar eftir og ætlast til þess að
aðrir sjái um að koma þeim í burtu
og greiði kostnaðinn við það.“
Töluvert er um það að bílhræ
séu skilin eftir hér og þar að sögn
Grétars. „Það er hryllingur að sjá
bílhræin sem skilin eru eftir við
Heiðmörk. Íslendingar verða að
taka sér tak og hætta að skilja eftir
bílhræ hér og þar,“ segir Grétar.
Morgunblaðið/Árni Sæberg
Sóðaskapur Bílhræ eins og skilið var eftir á lóð Tækniskólans geta verið hættuleg umhverfinu og mengandi.
Bílhræ skilin eftir á
bílastæðum og lóðum
 Fylgir góðærinu  Kostnaður getur lent á saklausu fólki
Morgunblaðið/Árni Sæberg
Athvarf Sæng í bifreiðinni gæti
bent til athvarfs fyrir útigangsfólk.
Flytjum af Laugaveginum
RISA RÝMINGARSALA
60% - 70% - 80%
GerryWeber - Gardeur - Betty Barclay og fl.
Laugavegi 63, Skipholti 29b • S. 551 4422
Nú er tækifæri að eignast frábæra
merkjavöru á einstöku verði
Kjólar - Yfirhafnir - Buxur - Pils o.m.fl
Kaupaukar
20%
afsláttur af
kæliskápum,
uppþvottavélum,
helluborðum
og ofnum
samsungsetrid.isSÍÐUmúla 9 · SÍmi 530 2900OPiÐ ViRKa DaGa Kl. 10-18, laUGaRDaGa 12-16
SPARIDAGARfyrir heimilin í landinu
Gerið góð kaup á sjónvörpum, kæliskápum,
frystiskápum, ofnum, helluborðum, þvottavélum,
uppþvottavélum, þurrkurum, örbylgjuofnum og
öðrum SAMSUNG gæðavörum.
Oddur Ólafsson
blaðamaður lést
19. ágúst síðastlið-
inn, 84 ára að aldri.
Oddur fæddist 28.
júlí 1933. For-
eldrar hans voru
Ólafur A. Krist-
jánsson, verka-
maður og síðar
bæjargjaldkeri í
Hafnarfirði, f. 25.
júlí 1904, d. 16. jan-
úar 1986, og Sig-
urborg Oddsóttir,
húsmóðir, f. 5. júlí
1908, d. 18. maí 1995.
Eiginkona Odds var Sigríður Ás-
dís Þórarinsdóttir meinatæknir, f. 18.
júlí 1938, d. 11. apríl 2012.
Oddur hóf nám við lýðháskóla í
Svíþjóð, Jakobsbergs Folkhögskola í
Stokkhólmi, árið 1953 og lauk skóla-
göngu árið 1954. Sama ár hóf hann
nám í ljósmyndun á ljósmyndastofu
Sigurðar Guðmundssonar.
Sigurður tók myndir fyrir Þjóðvilj-
ann og komst Oddur þannig í tæri við
blaðaljósmyndun. Árið 1957 hóf hann
störf sem ljósmyndari fyrir Alþýðu-
blaðið og áður en langt um leið hóf
hann skrif einnig. Síðar varð blaða-
mennska hans aðalstarf. Um árabil
ljósmyndaði hann einnig fyrir Leik-
félag Reykjavíkur í Iðnó.
Um skeið hvarf Oddur frá blaða-
mennsku og rak ljósmyndastofu en
sneri svo aftur upp úr miðjum sjö-
unda áratugnum, þá sem blaðamaður
Tímans. Á Tímanum starfaði hann í
um þrjá áratugi.
Árið 1986 varð
hann aðstoðarrit-
stjóri blaðsins og
síðar ritstjórn-
arfulltrúi þegar
dagblaðið Dagur
og Tíminn voru
sameinuð undir
nafninu Dagur
Tíminn á árunum
1996 til 1997. Ferli
sínum lauk Oddur
á DV og starfaði
þar til ársins 2000.
Í takt við starf
Odds voru helstu áhugamál hans
samfélags- og heimsmál auk frétta
almennt. Einnig lék hann golf í frí-
stundum og stundaði laxveiðar.
Oddur og Sigríður Ásdís áttu sam-
an fjögur uppkomin börn, Öldu Völu
Ásdísardóttur, f. 29. maí 1957, Sig-
urborgu Oddsdóttur, f. 9. maí 1958,
Þórarin Oddsson, f. 8. júní 1963, og
Ólaf Oddsson, f. 8. júní 1963.
Oddur og Sigríður Ásdís áttu átta
barnabörn, þau Odd Jónas Jónasson,
f. 8. ágúst 1977, Sigríði Ásdísi Jón-
asdóttur, f. 13. október 1980, Ásgerði
Ólínu Jónasdóttur, f. 3. júní 1983,
Birtu Ísafold Jónasdóttur, f. 29. mars
1997, Þórunni Pálínu Jónsdóttur, f.
26. júní 1978, Andra Svein Jónsson, f.
2. ágúst 1981, Önnu Sigríði Þórð-
ardóttur, f. 11. febrúar 1988, og
Hönnu Valgerði Þórðardóttur, f. 29.
apríl 1991.
Barnabarnabörn Odds og Sigríðar
eru tíu.
Andlát
Oddur Ólafsson
Fasteignir