Morgunblaðið - 23.08.2017, Blaðsíða 14

Ingileif Friðriksdóttir
Skúli Halldórsson
Sólrún Lilja Ragnarsdóttir
Aðalmeðferð í máli ákæruvaldsins
gegn Thomasi Fredrik Møller Olsen
hélt áfram í gær og voru tuttugu
vitni leidd fyrir dóminn.
Ákærði mætti ekki til þinghalda í
gærmorgun og verjandi hans Páll
Rúnar M. Kristjánsson, sat þing-
höldin fyrir hans hönd.
Við þinghöldin sagði Ragnar
Jónsson, rannsóknarlögreglumaður
hjá tæknideild lögreglunnar á höf-
uðborgarsvæðinu, útilokað að Niko-
laj Wilhelm Herluf Olsen, skipverji á
Polar Nanoq, geti hafa verið gerandi
í málinu, en á fyrsta degi aðal-
meðferðarinnar breytti Thomas
framburði sínum og sagði Nikolaj
hafa verið einan með Birnu í nokkra
stund.
Nikolaj fór ekki úr skipinu
Snorri Örn Árnason, sérfræðing-
ur lögreglunnar á höfuðborgarsvæð-
inu, vann úr símagögnum og stað-
setti síma Birnu, Thomasar,
Nikolajs og annarra. Sagði hann
ekkert benda til þess að Nikoilaj
hefði farið frá borði Polar Nanoq eft-
ir að hann fór í skipið um klukkan
sex að morgni laugardagsins 14. jan-
úar sl.
Verjandi benti á að lík Birnu hefði
fundist á mjög fáförnu svæði, um
veginn þangað hefði tuttugu bílum
verið ekið. Spurði hann Snorra hvort
hægt væri að sjá hvaða bílar þetta
hefðu verið, að því gefnu að bíl-
stjórar þeirra hefðu haft síma með-
ferðis. Snorri sagði að hundruð eða
þúsundir íbúa á svæðinu með kveikt
á símum sínum gætu villt fyrir.
Verjandi spurði þá hvort það væri
flóknara og erfiðara að miða út far-
síma við Suðurstrandarveg heldur
en farsíma á höfuðborgarsvæðinu og
í miðbæ Reykjavíkur. Sagðist Snorri
ekki geta tjáð sig meira um það.
Blóð var um alla bifreiðina
Blóð úr Birnu Brjánsdóttur var að
finna um alla Kia Rio-bifreiðina sem
Thomas og Nikolaj höfðu á leigu. Í
máli Björgvins Sigurðssonar, sér-
fræðings hjá tæknideild lögregl-
unnar á höfuðborgarsvæðinu, kom
fram að blóðblettir fundust í aftur-
sæti bílsins, í lofti, á hraðamæli, á
sólskyggni og á hurð hans.
Telur hann ljóst að Birna hafi
fengið minnst tvö aðskilin högg og
hafi blætt við það. Reynt hafi verið
að þrífa bílinn en það ekki tekist vel.
Á skóm Birnu sem fundust við
Hafnarfjarðarhöfn, voru þekju-
frumur af bæði Birnu og Thomasi. Á
úlpu Inuk Kristiansen, skipverja á
skipinu, fannst blóðkám auk þess
sem blóðblettir voru í peysu og bol
sem fannst í þvottavél í skipinu. Á
úlpu sem talin er hafa verið í eigu
Thomasar, var blóðkám og var blóð-
ið úr Birnu. Björgvin sagðist ekki
geta sagt til um hvernig blóðið hefði
komist í úlpuna.
Fingrafar Thomasar var á beygl-
uðu ökuskírteini Birnu sem fannst
við leit lögreglu í togaranum Polar
Nanoq. Glæpadeild norsku lögregl-
unnar Kripos komst að þessari nið-
urstöðu í kjölfar þess að tæknideild
lögreglunnar á höfuðborgarsvæðinu
hafði metið öll fingraför á skírtein-
inu ónothæf.
Klórför mögulega
eftir mótspyrnu
Urs Oliver Wiesbrock, þýskur
réttarmeinafræðingur, sagði í fram-
burði sínum að ekki væru vísbend-
ingar um að vopni hefði verið beitt.
Áverkar Birnu væru um mitt höfuð,
við nef og munn en þó einkum hægra
megin. Sagði hann að miðað við um-
merki í bílnum mætti ætla að Birna
hefði setið eða legið hægra megin á
aftursætisbekk bifreiðarinnar á
meðan höggin dundu á henni. Þegar
horft væri til áverkanna væru þeir
einkum á hægri hlið höfuðsins og
hefðu því að öllum líkindum orðið til
fyrir tilstilli vinstri hnefa. Ekki væri
þó hægt að segja til um hvort brota-
maðurinn væri örvhentur eða rétt-
hentur með óyggjandi hætti.
Við læknisskoðun á Thomasi
komu í ljós klórför á bringu hans.
Wiesbrock sagði að þau gætu hafa
verið merki um mótspyrnu við árás.
Wiesbrock sagði áverka á vinstri
hönd Nikolaj líklega hafa verið yngri
en fimm daga, en rannsóknin fór
fram í kjölfar handtöku, fimm dög-
um eftir að umrædd atburðarásin í
bílnum mun hafa átt sér stað.
Útiloka Nikolaj sem geranda
 Tuttugu vitni voru leidd fyrir dóminn í gær  Fingraför Thomasar á ökuskírteini Birnu  Talið
að Nikolaj hafi ekki farið úr skipinu  Áverkar á bringu Thomasar mögulega eftir mótspyrnu
Framvinda í máli Birnu Brjánsdóttur
Föstudagur
13. janúar
Birna fer
ásamt vinkonu
sinni í miðbæ
Reykjavíkur um
kvöldið.
Þriðjudagur 17. janúar
Skór Birnu finnast
við birgðastöð
Atlantsolíu við
Hafnarfjarðarhöfn
aðfaranótt þriðju-
dagsins 17. janúar.
Þriðjudagur 17. janúar
Allsherjarútkall björgunarsveita
gefið út og Birnu leitað úr lofti, á
láði og legi, aðallega í Hafnarfirði
og Urriðaholti. Rauð Kia-bifreið,
sem lögreglan leitaði að, finnst í
Hlíðasmára í Kópavogi.
Þriðjudagur 17. janúar
Að kvöldi 17. janúar er bíllinn tengdur við skipverja á
grænlenska togaranum Polar Nanoq, sem fór frá Hafnar-
fjarðarhöfn að kvöldi laugardags. Lögreglan og danska
varðskipið HDMSTriton hefja eftirför og fjórir íslenskir
lögreglumenn farameð þyrlu Landhelgisgæslunnar um
borð í Triton. Polar Nanoq fær fyrirmæli um að snúa við og
sigla aftur til Íslands. Bænastund haldin í Hallgrímskirkju.
Laugardagur
14. janúar
Vinnustaður Birnu hefur
samband við foreldra
hennar þegar hún mætti
ekki til vinnu ummorgun-
inn. Lögreglu gert viðvart.
Miðvikudagur
18. janúar
Polar Nanoq
kemur að landi
í Hafnarfirði um
kl. 23 og hinir
handteknu færðir
til yfirheyrslu.
Sunnudagur
15. janúar
Móðir Birnu, aðrir
ættingjar og vinir
ganga á milli húsa
við Flatahraun í
Hafnarfirði.
Mánudagur 16. janúar
Lögreglan og fjölmennt lið
björgunarsveita leita Birnu í
300m radíus frá Laugavegi
31, í Urriðaholti, við Flatahraun
og í Heiðmörk. Lögreglan
boðar til blaðamannafundar.
Miðvikudagur 18. janúar
Sérsveit ríkislögreglustjóra
sígur um borð í Polar
Nanoq, tekur yfir stjórn
skipsins og handtekur
þrjá skipverja. Áfram er
leitað að Birnu í Hafnar-
firði, á Strandarheiði og við
Hvaleyrarvatn.
Fimmtudagur 19. janúar
Tveir menn úrskurðaðir í
gæsluvarðhald vegna gruns um
aðild að hvarfi Birnu, en þriðja
skipverjanum er sleppt. Fjórði
maðurinn handtekinn eftir að um
20 kg af fíkniefnum finnast um
borð í Polar Nanoq. Enn er leitað
að Birnu,m.a. á Strandarheiði.
Laugardagur 14. janúar
Hún yfirgefur skemmti-
staðinn Húrra ein síns
liðs um kl. 5 aðfaranótt
laugardags og hverfur
sjónum við Laugaveg 31
um kl. 5.25.
Sunnudagur
15. janúar
Lögreglan á
höfuðborgar-
svæðinu lýsir
eftir Birnu að-
faranótt 15. janúar.
Sunnudagur
22. janúar
Birna finnst látin í
fjörunni við Selvogs-
vita á Reykjanesi.
725 björgunar-
sveitarmenn höfðu
komið að leitinni
dagana á undan.
Fimmtudagur 2. febrúar
Öðrum sakborningi,
Nikolaj Wilhelm Herluf
Olsen, sleppt úr
haldi. Thomas Møller
Olsen er úrskurðaður
í áframhaldandi
gæsluvarðhald.
Fimmtudagur
30. mars
Ákæra gefin út á
hendur Thomasi
Møller Olsen í mál-
inu. Héraðsdómur
fékk málið sama
dag og þingfesting
var viku síðar.
Þriðjudagur
18. júlí
Þinghald hefst í
málinu í héraðs-
dómi. Skýrslur
teknar af sjö
skipverjum græn-
lenska togarans
Polar Nanoq.
Mánudagur 21. ágúst
Aðalmeðferð hefst í málinu. Thomas
Møller Olsen gefur skýrslu fyrir dómi
og er framburður hans gjörbreyttur
frá skýrslutökum hjá lögreglu. Hann
virðist varpa sök á Nikolaj félaga sinn
og ber við að lögregla hafi komið illa
fram við sig og því hafi hann sagt
ósatt á sínum tíma.
Þriðjudagur
22. ágúst
Fjölmargir bera
vitni á öðrum degi
aðalmeðferðar, lög-
reglumenn, skipverjar
af Polar Nanoq auk
réttarmeinafræðings
og bæklunarlæknis.
Föstudagur
1. september
Aðalmeðferð í málinu
lýkur. Þá er ráðgert
að Sebastian Kunz,
réttarmeinafræðingur,
og Grímur Grímsson,
yfirmaður rannsóknar-
innar, gefi skýrslu.
Morgunblaðið/Árni Sæberg
Aðalmeðferð Þýski réttarmeinafræðingurinn Urs Wiesbrock, túlkur hans
og Sveinn Magnússon læknir, við réttarhöldin í gær.
Aðalmeðferð í máli Birnu Brjánsdóttur14
MORGUNBLAÐIÐ MIÐVIKUDAGUR 23. ÁGÚST 2017
Helgi Gunnlaugsson, pró-
fessor í afbrotafræði við
Háskóla Íslands, segist
hafa orðið var við mikinn
áhuga hjá erlendum fræði-
mönnum og fjölmiðlafólki
víða að úr heiminum á mál-
inu. „Frá því að málið kom
upp í janúar hefur verið
haft samband við mig
bæði frá evrópskum og
bandarískum fjölmiðlum,“
segir Helgi. „Það er ekki
algengt að svo mikill áhugi
sé á íslenskum saka-
málum. Þetta mál hefur
farið mjög víða.“
Spurður um skýringar á
þessu segir Helgi þær líklega vera margvíslegar. Ein þeirra gæti verið að
með auknum fjölda ferðamanna sem hingað komi rati það sem gerist hér
á landi í auknum mæli í fréttir erlendra fjölmiðla.
„En svo er það málið sjálft og sagan í því. Þarna er ung kona sem er ein
á gangi og hún hverfur sjónum okkar. Þetta er sammannlegt, þetta
snertir svo marga.“
„Það er enn mikill áhugi á málinu hér nú þegar réttarhöldin eru hafin.
Fréttir okkar af málinu eru með þeim mest lesnu á vefnum,“ segir Walter
Turnowsky, blaðamaður á grænlenska dagblaðinu Sermitsiaq.
Walter fylgdist með máli Birnu Brjánsdóttur frá upphafi. „Viðbrögðin
hér voru aðallega samúð með fjölskyldu Birnu og íslensku þjóðinni. En
það var líka áfall að Grænlendingur gæti gert svona nokkuð. Glæpatíðni
er há á Grænlandi, bæði ofbeldi og kynferðisleg misnotkun, en það er
óvenjulegt að gerendur þekki ekki fórnarlömbin. Það var auðvitað mikill
áhugi þegar Nikolaj var sleppt. Samfélagið á Grænlandi er lítið svo það
þekkja hann margir.“
Mál Birnu snertir marga
ÁHUGI Á MÁLINU ERLENDIS
Fjölmiðlar Mikill áhugi hefur verið á máli Birnu
Brjánsdóttur í erlendum miðlum.
Mynd/Skjáskot af TV2.dk.