Morgunblaðið - 23.08.2017, Side 12

Morgunblaðið/Hanna
Þá og nú Kristbjörg og Finnur 11 ára eftir að þau spiluðu einleik á píanó á
skólaskemmtun Barnaskóla Akraness og áratugum síðar í garðinum heima.
Málverkið
heillar Krist-
björg fyrir fram-
an eitt verka sinna.
Hún segist heillast mest af því
ósjálfráða og óvænta í málverkinu.
Valgerður Þ. Jónsdóttir
vjon@mbl.is
Þegar einar dyr lokast opn-ast aðrar var vinsæll frasistrax eftir hrun. Mest not-aður til að stappa stálinu í
þá sem misstu vinnuna eða fyrir-
tæki sín. Kristbjörg Ólafsdóttir,
sem í sautján ár hafði átt og rekið
Max Mara, kvenfataverslun með
ítalskan hátískufatnað, var í þeim
hópi haustið 2009. Hún útskrifaðist
með BA í listfræði og kynjafræði
sem aukafag frá Háskóla Íslands í
júní síðastliðnum, nokkrum dögum
eftir 65 ára afmælið. Og löngu eftir
að hafa í meira en ár komið að lok-
uðum dyrum á vinnumarkaðnum.
„Kennitalan þótti óheppileg
auk þess sem ég var ekki með stúd-
entspróf. Verslunarskólapróf og víð-
tæk reynsla bæði sem sjálfstæður
atvinnurekandi og áður skrifstofu-
stjóri til margra ára hjá einu
stærsta iðnfyrirtæki landsins voru
einskis metin, ég var ekki einu sinni
boðuð í viðtöl,“ segir Kristbjörg.
„Þótt þetta væru erfiðir tímar
hafði aldrei hvarflað að mér að ég
yrði atvinnulaus. Smám saman fóru
að renna á mig tvær grímur. Ég
velti fyrir mér ríkjandi aldurs-
fordómum og æskudýrkun í þjóð-
félagi okkar og hvað í ósköpunum
ég, fullfrísk manneskjan, ætti eigin-
lega að gera. Hæfileikar fólks fara
ekki eftir aldri og fáránlegt að af-
skrifa fólk á þeim forsendum,“ segir
Kristbjörg og heldur áfram á öðrum
nótum:
„Haustið 2010 heyrði ég svo í
útvarpinu að Myndlistaskólinn í
Reykjavík byði upp á tveggja ára
nám til stúdentsprófs í nýrri sjón-
listadeild. Ég fór í inntökupróf,
komst inn og settist á skólabekk
með ofboðslega frjóum og skapandi
krökkum, flestum rúmlega tvítug-
um. Margir af færustu listamönnum
þjóðarinnar kenndu okkur og lögðu
sig fram um að leysa úr læðingi
sköpunarkraftinn sem bjó í hópnum.
Við lærðum listasögu og allt mögu-
legt sem tengdist listum auk þess
sem við fengum tækifæri til að prófa
ýmsar aðferðir með tækjum og tól-
um sem skólinn hafði yfir að ráða.“
Lánsamari en margir
Kristbjörg var hæstánægð í
MÍR þar sem hún hafði raunar ár-
um saman samhliða vinnu sótt
fjölda námskeiða; m.a. í olíumálun,
vatnslitun, litgreiningu og mód-
elteikningu. Stúdentsprófið opnaði
henni svo leið til háskólanáms. „Ég
var lánsamari en margir að því leyti
að maðurinn minn, Finnur Garð-
arsson, var í fastri vinnu í sínu fagi
sem sérfræðingur í sjávarútvegs-
geiranum og við gátum lifað af hans
tekjum. Rétt eins og fjölskyldan
gerði á mínum launum í upphafi bú-
skapar og í Noregi þar sem við
bjuggum þegar hann var í fram-
haldsnámi,“ segir hún.
Listnám var ekki skyndileg
hugdetta hjá Kristbjörgu heldur
draumur hennar frá því hún var lítil
stelpa á Akranesi. Á velmektarárum
Max Mara kveðst hún þó hafa verið
orðin sátt við að hafa listina bara
sem hobbí. „Myndlist, hönnun og
tíska hafa alltaf verið mín helstu
áhugamál. Sem krakki var ég sí-
teiknandi og málandi myndir – og er
enn. Ég teiknaði bæði dúkkulísur og
fötin á þær sem og föt á sjálfa mig
og fékk Tótu, saumakonuna mína á
Akri, svo til að sauma. Ég ætlaði að
eignast tískuhús í París þegar ég
yrði stór,“ rifjar hún upp. Og brosir
bara þegar hún er spurð hvort sú
fyrirætlan hafi kannski ráðið því að
hún fór í Verslunarskólann en ekki í
listnám.
„Þótt listnám hafi freistað mín
hef ég aldrei séð eftir að hafa farið í
Versló. Tölur, stærðfræði og hag-
fræði heilluðu mig líka. Eins og
krakkar af Skaganum sem ætluðu
sér í framhaldsnám þurftum við
Finnur að flytjast suður aðeins
fimmtán ára. Hann fór í Mennta-
skólann í Reykjavík, var í landslið-
inu í sundi og keppti á Ólympíu-
leikunum 1972, sama ár og við
giftum okkur.“
Æskuástir og brauðstritið
Að þessu sögðu er ljóst að þau
Finnur eiga sér langa sögu saman.
Forvitnin er vakin. „Við vorum leik-
félagar frá sex ára aldri, urðum
snemma skotin hvort í öðru, skrif-
uðumst á þegar við vorum tíu ára og
laumuðum bréfunum í lófa hvort
annars þegar enginn sá til,“ segir
Kristbjörg, sem enn geymir ástar-
bréfin.
Bæði voru nýorðin sautján ára
þegar Maren, dóttir þeirra, fæddist.
Tíu árum síðar leit sonurinn Ólafur
Magnús dagsins ljós. Barnabörnin
eru fimm. „Þar sem við vorum í
námi var Maren um skeið hjá for-
eldrum mínum á Akranesi. Eða allt
þar til Sementsverksmiðja ríkisins
Listnámið var
hennar lán í óláni
Kristbjörg Ólafsdóttir var sextug þegar hún tók stúdentspróf frá sjónlistadeild Mynd-
listaskólans í Reykjavík og nýorðin 65 ára þegar hún útskrifaðist með BA-gráðu í
listfræði frá Háskóla Íslands í vor. Brennandi áhugi á listum, hönnun og tísku hefur
fylgt henni frá unga aldri, en ýmislegt – til dæmis lífið sjálft – varð til þess að hún fór
ekki í listnám, heldur starfaði við viðskipti og verslun lunga starfsævinnar.
12 DAGLEGT LÍF
MORGUNBLAÐIÐ MIÐVIKUDAGUR 23. ÁGÚST 2017
Þriggja daga tónlistar- og bæjar-
hátíðin Hjarta Hafnarfjarðar verður
haldin í og við Bæjarbíó frá fimmtu-
deginum 24. ágúst til laugardagsins
26. ágúst. Stórskotalið íslenskrar
tónlistar hefur boðað komu sína.
Meðal þeirra sem koma fram eru:
Valdimar, Amabadama, Björgvin Hall-
dórsson, Friðrik Dór, Bjartmar Guð-
laugsson, Dúkkulísur, Jón Jónsson og
Kiriyama family. Húsið verður opn-
að kl. 19:00 alla dagana og lofa að-
standendur hátíðarinnar alvöru-
stemningu fram að miðnætti. Í boði
eru helgararmbönd í takmörkuðu
upplagi auk dagpassa hvern dag
Armböndin verða afhent í Bæjarbíói
frá kl. 12-16 í dag, miðvikudag, og frá
hádegi á morgun, fimmtudag. Selt
verður í númeruð sæti og er miðasala
hafin á tix.is. Aldurstakmark er 20 ár
Allar nánari upplýsingar um dag-
skrána og annað sem vert er að vita
eru á facebooksíðu Bæjarbíós og
Hjarta Hafnarfjarðar, sem er sam-
starfsverkefni aðila sem er umhugað
um menningarlíf í hjarta Hafnar-
fjarðar.
Þriggja daga tónlistar- og bæjarhátíð
Tónlist, stemning og stuð í
hjarta Hafnarfjarðar
Morgunblaðið/Skapti Hallgrímsson
Tónlist Hljómsveitin Amabadama er meðal margra sem fram koma á hátíðinni.
skornirthinir.is
LYTOS LE FLORIANS
4 SEASONS LE FLORIANS
4 SEASONS
100% vatnsheldir
Vibram sóli
22.995
Stærðir: 36-47
6 litir
Verð:
VATNSHELDIR
SKÓR