Morgunblaðið - 23.08.2017, Blaðsíða 17

FRÉTTIR 17Erlent
MORGUNBLAÐIÐ MIÐVIKUDAGUR 23. ÁGÚST 2017
Sameiginlegar heræfingar Suður-Kóreu og
Bandaríkjanna hófust síðastliðinn mánudag og
eru nú í fullum gangi, en ráðamenn í Pjongjang
segja þær ógn við öryggi Norður-Kóreu og hóta
að grípa til hernaðaraðgerða vegna þeirra. Alls
taka um 17.500 bandarískir hermenn þátt í æf-
ingunni auk um 50.000 manna herliðs Suður-
Kóreu og eru meðal annars varnir gegn gísla-
töku, hryðjuverkum og efnavopnaárás æfðar.
Meðfylgjandi mynd sýnir þungvopnaðan lög-
reglumann við efnavopnaæfingu í neðanjarðar-
lestarstöð í suðurkóresku höfuðborginni Seúl.
AFP
Umfangsmiklar heræfingar hafnar í Suður-Kóreu
Kristján H. Johannessen
khj@mbl.is
„Helsta áhersla okkar nú er að vinna
sigur á Ríki íslams innan landamæra
Íraks og endurheimta fullveldi og
friðhelgi landsins,“ sagði James Matt-
is, varnarmálaráðherra Bandaríkj-
anna, á fundi sem haldinn var með
blaðamönnum í írösku höfuðborginni
Bagdad, en ráðherrann er staddur
þar í landi, meðal annars til að stappa
stálinu í þær hersveitir sem taka þátt
í bardögum við vígamenn í borginni
Tal Afar.
Tal Afar er í norðurhluta Íraks og
hefur borginni verið lýst sem síðasta
vígi Ríkis íslams þar í landi. Búist er
við hörðum átökum á komandi dögum
og vikum, en tugþúsundir íraskra
her- og lögreglumanna hafa nú tekið
stefnuna á borgina, sem hefur verið
undir stjórn vígamanna frá árinu
2014. Tal Afar tilheyrði áður sjíamús-
límum og hafa langflestir þeirra flúið
heimili sín.
Mikið mannfall í Mosúl
Íraskir hermenn og vígamenn Rík-
is íslams skiptast nú á skotum við
borgarmörkin. Greinir fréttaveita
AFP t.a.m. frá því að stórskota-
liðssveitir hafi skotið á íraska herinn
er hann sótti að Tal Afar, en talið er
að um 1.000 vígamenn séu þar.
„Dagar Ríkis íslams eru taldir.
Þessu er þó ekki enn alveg lokið, það
gerist ekki alveg strax,“ sagði Mattis
er hann var spurður út í orrustuna um
Tal Afar. Þá vildi hann ekki spá fyrir
um gang orrustunnar.
Fyrr í sumar tókst íröskum her-
sveitum að endurheimta stórborgina
Mosúl úr klóm Ríkis íslams. Mattis
segir þær hafa barist hetjulega. „Yfir
6.000 hermenn særðust í orrustunni
og rúmlega 1.200 féllu,“ sagði hann.
Brett McGurk, sendifulltrúi Hvíta
hússins í málefnum Ríkis íslams,
sagði íraskar hersveitir í mikilli sókn
og að þakka mætti meðal annars
Donald Trump Bandaríkjaforseta
fyrir hraða hersveitanna, en hann er
sagður hafa veitt Mattis aukin völd til
að ákveða hvaða aðferðir og hergögn
þurfi til að sigra vígamenn í Írak.
Þá mun Mattis á næstunni halda til
Jórdaníu, Tyrklands og Úkraínu. Á
ferðum sínum mun hann, samkvæmt
AFP, leggja áherslu á að hjálpa þeim
almennu borgurum sem þurft hafa að
yfirgefa heimili sín vegna hernaðar-
aðgerða.
„Þetta mun ekki gerast á einni
nóttu. Það verður vafalaust erfitt fyr-
ir þetta fólk að halda áfram,“ sagði
Mattis varnarmálaráðherra á áður-
nefndum fundi.
„Dagar Ríkis íslams eru taldir“
 Varnarmálaráðherra Bandaríkjanna hrósaði íraska hernum fyrir hugrekki sitt í orrustunni um borg-
ina Mosúl  Yfir 6.000 hermenn særðust  Trump forseti sagður hafa veitt ráðherranum aukin völd
AFP
Á ferðinni James Mattis ræðir við
blaðamenn í flugvél Hvíta hússins.
Lögreglan í Kaupmannahöfn hélt áfram í gær leit sinni
að vísbendingum um hvarf og andlát sænsku blaðakon-
unnar Kim Wall, sem saknað hefur verið frá því 10.
ágúst. Á blaðamannafundi lögreglunnar síðdegis kom
fram að niðurstöður DNA-prófs ættu að liggja fyrir í dag
og þá yrði hægt að staðfesta hvort búkurinn, sem fannst
við Amager fyrr í vikunni, væri af Wall, en höfuð og út-
limi vantaði á hann. Hins vegar útilokaði ekkert enn sem
komið væri fram að svo væri.
Á blaðamannafundi lögreglunnar kom einnig fram að
ljóst væri að útlimir og höfuð líksins hefðu verið „vísvit-
andi fjarlægð“. Danski uppfinningamaðurinn Peter Mad-
sen hefur játað að Wall hafi látist um borð í kafbáti sínum
og að hann hafi varpað líkinu fyrir borð. Hann hefur verið
ákærður fyrir manndráp af gáleysi. sgs@mbl.is
Enn ekki vitað hvort
líkið er af Kim Wall
 Lögreglan segir útlimina
„vísvitandi“ fjarlægða
AFP
Vísbendingar Kafarar danska hersins voru á meðal
þeirra sem leituðu við Amager-eyju í gær.
Jens Stoltenberg, framkvæmda-
stjóri Atlantshafsbandalagsins
(NATO), mun næstkomandi föstu-
dag halda til Póllands í þeim til-
gangi að heimsækja eitt herfylkja
bandalagsins sem þar er staðsett,
en sveitin er undir stjórn banda-
ríska hersins og hefur þann tilgang
helstan að styrkja landamæri
NATO í austri.
Þykir heimsókn hans til marks
um áhyggjur yfirstjórnar NATO
vegna komandi heræfingar Rússa,
en ráðamenn í Moskvu tilkynntu
nýverið um umfangsmiklar her-
æfingar innan landamæra Hvíta-
Rússlands og eiga þær að hefjast í
næsta mánuði. Hefur Stoltenberg
m.a. látið hafa eftir sér að sam-
skiptum NATO og Rússa svipi nú
nokkuð til daga kalda stríðsins.
Stoltenberg mun í
vikunni hitta her-
fylki NATO í Póllandi
Kafarar fundu í gær jarðneskar
leifar sjóliða sem fórust er banda-
ríski tundurspillirinn USS John S.
McCain lenti í árekstri við olíu-
flutningaskip austur af Singapúr.
Við áreksturinn myndaðist stórt
gat á síðu skipsins og tók sjór að
flæða þangað inn, m.a. inn í vélar-
rými og miðstöð fjarskipta. Hinir
látnu fundust í rýmum sem lokað
hafði verið með vatnsþéttum hurð-
um, en alls var 10 sjóliða saknað.
Þá hefur sjóherinn hrósað áhöfn-
inni fyrir að hafa tekist að bjarga
skipinu frá því að sökkva.
Kafarar fundu látna
sjóliða um borð
Orrustuþotur bandalagssveita
gerðu í síðustu viku yfir 250
loftárásir á skotmörk víga-
manna í sýrlensku borginni
Raqqa og nágrenni. Ryan Dillon,
ofursti og talsmaður sveitanna,
staðfestir þetta við AFP. „Við
höfum aukið árásarferðir okkar,
nú einkum þegar búið er að
endurheimta Mosúl,“ sagði Dill-
on. Ekki er vitað um mannfall.
Yfir 250 loft-
árásir á viku
SÝRLAND
TOPPUR ehf
Bifreiðaverkstæði
TOPPUR er viðurkennt
þjónustuverkstæði fyrir
Skemmuvegi 34 • Kópavogi • Sími 557 9711 • toppur@toppur.is