Morgunblaðið - 23.08.2017, Blaðsíða 16

16 FRÉTTIRViðskipti | Atvinnulíf
MORGUNBLAÐIÐ MIÐVIKUDAGUR 23. ÁGÚST 2017
23. ágúst 2017
Gengi Kaup Sala Mið
Dollari 105.51 106.01 105.76
Sterlingspund 135.99 136.65 136.32
Kanadadalur 83.74 84.24 83.99
Dönsk króna 16.664 16.762 16.713
Norsk króna 13.34 13.418 13.379
Sænsk króna 13.036 13.112 13.074
Svissn. franki 109.0 109.6 109.3
Japanskt jen 0.9666 0.9722 0.9694
SDR 148.62 149.5 149.06
Evra 123.95 124.65 124.3
Meðalgengi/Viðskiptavog þröng 156.5039
Hrávöruverð
Gull 1285.1 ($/únsa)
Ál 2084.0 ($/tonn) LME
Hráolía 53.0 ($/fatið) Brent
Skannaðu kóð-
ann til að sjá
gengið eins og
það er núna á
● Magnús Bjarna-
son, framkvæmda-
stjóri fyrirtækja-
ráðgjafar hjá
Kviku, hefur látið
af störfum hjá
bankanum. Auk
þess hafa sjö aðrir
starfsmenn verið
leystir frá störfum,
að því er fram
kemur í tilkynningu frá Kviku.
Töluverðar breytingar hafa orðið í
yfirstjórn Kviku á undanförnum mán-
uðum eftir að Sigurður Atli Jónsson lét
af starfi forstjóra í vor og greint var frá
fyrirhugaðri sameiningu bankans við
Virðingu. Í tilkynningu Kviku segir að
nýr framkvæmdastjóri fyrirtækjaráð-
gjafar verði kynntur fljótlega, en þang-
að til muni Ármann Þorvaldsson for-
stjóri stýra rekstri sviðsins.
Þá kemur fram í tilkynningu bankans
að markaðs- og mannauðssvið hafi ver-
ið lagt niður og verkefni þess færð til.
Enn frekari breytingar í
yfirstjórn hjá Kviku
Magnús Bjarnason
STUTT
BAKSVIÐ
Helgi Vífill Júlíusson
helgivifill@mbl.is
Á tveimur dögum, föstudag og
mánudag, var tilkynnt að tvö félög
hefðu áhuga á skráningu á First
North-hliðarmarkað Kauphallar-
innar. Upplýst var á mánudag að
stjórn Klappa grænna lausna, sem
þróar og selur hugbúnaðarlausnir á
sviði umhverfismála, óski eftir
skráningu á markaðinn og á föstu-
daginn var greint frá því að stjórn
Kviku hefði ákveðið að skoða kosti
þess að skrá bankann á sama mark-
að.
Fram að þeim tíma höfðu fáar
skráningar litið dagsins ljós. Fyrir
rúmlega einu ári bættist Iceland
Seafood International í hópinn. En
Hampiðjan og Sláturfélag Suður-
lands hafa verið á markaðnum í
áraraðir. Regluverkið er léttara á
First North-hliðarmarkaðnum en á
Aðallistanum og kostnaður er
lægri.
Páll Harðarson, forstjóri Kaup-
hallarinnar, segir í samtali við
Morgunblaðið að vonandi leiði ein
skráning að annarri. „Það kæmi
mér ekki á óvart að við sæjum stíg-
anda í þessu. Ég á frekar von á því
miðað við þau samtöl sem við höfum
átt,“ segir hann.
Að jafnaði lítil fyrirtæki
Að hans sögn eru fyrirtækin sem
skráð eru á First North á Norður-
löndum, einkum í Svíþjóð, af fjöl-
breyttum toga. Fjöldi starfsmanna
sé allt frá 10-20 og fyrirtækin með
litlar tekjur, t.d. hundrað milljónir
á ári, í afar stór fyrirtæki. „En að
jafnaði eru þessi fyrirtæki lítil,“
segir hann og bendir á að miðgildi
markaðsvirðis fyrirtækjanna á
Norðurlöndum sé 2,5 milljarðar
króna og þriðjungur þeirra sé með
lægra markaðsvirði en 1,5 milljarða
króna.
Gæti greitt fyrir
samruna í ferðaþjónustu
Páll segir að First North gæti
meðal annars „greitt fyrir samruna
og hagræðingu í ferðaþjónustu“ og
hjálpað til við þann þroska sem
greinin mun vafalaust taka á næstu
árum. Skráð fyrirtæki gætu þá nýtt
hlutafé sitt sem gjaldmiðil í slíkum
viðskiptum. Hann nefnir að að und-
anförnu hafi Hagar, N1 og Voda-
fone nýtt skráð hlutabréf sem
gjaldmiðil við samruna. „Það er
dæmi um hvernig hægt er að nýta
skráninguna.“
Ármann Þorvaldsson, forstjóri
Kviku, segir í samtali við Morgun-
blaðið að hugmyndin að baki skrán-
ingu sé að auðvelda hluthöfum að
eiga viðskipti með bréf í bankanum.
„Annað slagið hefur verið talsvert
um viðskipti með bréf í bankanum,“
segir hann og nefnir að fjöldi hlut-
hafa sé innan við 50.
Jón Ágúst Þorsteinsson, forstjóri
Klappa, segir að með skráningunni
fáist samræmd upplýsingagjöf til
hluthafa og aukinn möguleiki verði
fyrir nýja fjárfesta til að koma inn í
hluthafahópinn sem og selja bréfin
þegar þeim henti. „Þá auðveldar
skráningin fjármögnun á stórum
verkefnum ef aðstæður kalla á, ým-
ist með útboði á nýju hlutafé eða út-
gáfu skuldabréfa,“ segir hann í til-
kynningu.
Klappir veltu 123 milljónum
króna í fyrra og töpuðu 63 millj-
ónum króna. Í árslok voru hluthaf-
ar 34, samkvæmt ársreikningi 2016.
Áhuginn á First North-
markaðnum að glæðast
Morgunblaðið/Þórður
Kauphallarbjallan Forstjóri Kauphallarinnar segist eiga von á því að stígandi verði í skráningum á First North.
Þrjú á markaðnum
» Hugbúnaðarfyrirtækið
Klappir hefur óskað eftir
skráningu á First North.
» Stjórn Kviku hefur ákveðið
að skoða kosti þess að skrá
bankann á sama markað.
» Fyrir rúmlega einu ári bætt-
ist Iceland Seafood Inter-
national á First North.
» Hampiðjan og Sláturfélag
Suðurlands hafa verið á mark-
aðnum í áraraðir.
 Tvö félög hafa nú tilkynnt um áhuga á skráningu  Einungis þrjú fyrirtæki fyrir
Hagnaður Fjarskipta, eða Vodafone á
Íslandi, nam 239 milljónum króna á
öðrum ársfjórðungi, en hann var 248
milljónir í sama fjórðungi í fyrra.
Heildartekjur námu tæplega 3,4 millj-
örðum króna og lækkuðu um 2% miðað
við sama ársfjórðung 2016.
Hagnaður fyrir afskriftir og fjár-
magnsliði, EBITDA, nam 761 milljón
króna en EBITDA var 751 milljón á
öðrum fjórðungi síðasta árs. EBITDA-
hlutfall var 22,5%.
„Rekstur annars fjórðungs gekk
ágætlega og hækkaði EBITDA um 1%
frá síðasta ári,“ segir Stefán Sigurðs-
son, forstjóri, í afkomutilkynningu til
Kauphallar. „Mjög góður gangur var í
rekstrinum í apríl og maí en lækkun
reikitekna í júní í tengslum við innleið-
ingu á Roam like Home innan EES
hafði neikvæð áhrif. Ekki bætti úr
skák í samanburði að júní á síðasta ári
var besti reikimánuður ársins þar sem
margir Íslendingar fóru til Frakklands
að styðja íslenska landsliðið.“ Á móti
kom vöxtur í tekjum af sjónvarpsstarf-
semi og mikill árangur í lækkun
rekstrarkostnaðar. „Rekstrarkostnað-
ur fyrstu 6 mánuði ársins lækkar um
8% frá sama tímabili í fyrra sem sýnir
að hagræðingaraðgerðir sem félagið
fór í fyrir um ári eru að skila sér.“
Stefán segir áhrif afnáms reikis í
Evrópu muni hafa þau áhrif að þriðji
ársfjórðungur, sem hefur verið stærsti
fjórðungur félagsins, verði með minni
árstíðarsveiflu og þannig svipaðari öðr-
um fjórðungum.
Hagnaður Fjarskipta á fyrri helm-
ingi ársins nam samtals 440 milljónum
króna, sem er 5 milljónum minni hagn-
aður en fyrstu sex mánuðina í fyrra.
EBITDA á árshelmingnum var 1.480
milljónir króna og jókst um 60 milljónir
á milli ára.
Morgunblaðið/Kristinn
Fjarskipti Stefán segir afnám reikis
í Evrópu draga úr árstíðasveiflum.
Hagnaður Voda-
fone 239 milljónir
 Minni reiki-
tekjur hafa áhrif á
ársfjórðunginn
Bíla- og vélavörur
...sem þola álagið!
Það borgar sig
að nota það besta!
Viftur
HjólalegusettKúlu- og rúllulegur Hemlahlutir Hjöru- og öxulliðir
Stýrisendar
og spindilkúlurViftu- og tímareimar
Kúplingar- og höggdeyfar
Dalvegi 10–14 • 201 Kópavogi • Sími: 540 7000 • www.falkinn.is