Húnavaka - 01.05.2016, Qupperneq 14

H Ú N A V A K A 12
fjórði ættliður sem bý hér á Brúsastöðum. Margrét systir afa átti Gróu sem var
einhleyp og átti engin börn og ég heiti frekar í höfuðið á henni, þessari frænku
minni en langömmu. Foreldrar Lárusar föður míns voru þau Ragnheiður
Guð mundsdóttir og Konráð Jónsson og þau voru síðast búandi í Gilhaga.
Það var gott að alast upp í Vatnsdalnum. Ég hef alltaf haft áhuga á því að
halda mér í sæmilegu formi og fór að æfa hlaup og fleiri íþróttir þegar ég var
um 12 ára aldurinn og keppti í hlaupum. Það er svolítið skondið að ég var
svona að máta mig við hvaða hlaupalengd hentaði mér best svo ég keppti í öllu
saman, 100, 200, 800 og 1500 metrum og vann stundum til verðlauna á hér-
aðs mótum. Svo hætti ég þessu en tók rispu aftur seinna til að koma mér í form
eftir barneignirnar og keppti þá aftur dálítið og vann meira að segja í einhverju
þá líka. Ég ætlaði ekki einu sinni að vera að keppa neitt en þjálfarinn sendi mig
auðvitað til að safna stig um fyrir okkar íþróttafélag.
Ég var í Húnavallaskóla og svo var ég við nám á Reykja skóla í Hrútafirði í
tvö ár. Eftir það dreif ég mig í búfræðinám á Hvann eyri og útskrifaðist þaðan
vorið 1977. Ég sinnti þá búskapnum með foreldrum mínum, var heima í sauð-
burði og á sumrin við heyskap en fór veturinn 1977-1978 að vinna í fiski vestur
á Patreksfirði. Á þess um tíma var búið hér á Brúsastöðum í mjög algengri
stærð þess tíma, foreldrar mínir höfðu um 22 kýr og 2-300 kindur. Ég fór til
Patreksfjarðar í fiskvinnuna vegna þess að það þurfti ekki endilega aðstoð
heima við á veturna og það hentaði okkur öllum líka betur að ég væri heima
á vorin og sumrin. Ég vann á Patró í fimm vetur og tilveran æxlaðist þannig
hjá okkur Sigga að eftir 1979 bjuggum við í Sigtúni 21 á Patreksfirði og vorum
svo heima í sveitinni frá maí, unnum í sauðburði, við heyskapinn og svo fram
yfir göngur og réttir og sláturhús; fórum svo vestur aftur og bjuggum þar yfir
veturinn og unnum við fiskinn bæði til sjós og lands.
Ástæðan fyrir því að ég fór til Patreksfjarðar var að mig vantaði eitthvað að
Kýrnar á Brúsastöðum á beit.