Húnavaka - 01.05.2016, Qupperneq 21

H Ú N A V A K A 19
sem við eigum að hálfu og nytjum. Svo var skorið niður vegna riðu árið 2002
og þá þurfti að hreinsa allt eins og gengur. Við ákváðum upp úr því að sleppa
kindunum alveg enda er alltaf næg vinna við kýrnar og það sem tengist þeim.
Félagsmál og áhugamál
Sigurður: Félagsmálin eru tengd landbúnaðinum, það er svo einfalt. Við
reynum að vera dugleg að sækja fundi og höfum verið fulltrúar hér og þar,
reynum að kynna okkur allt það nýjasta og fylgjast með stefnum og straumum
hverju sinni. Ég hef verið formaður Búnaðarfélags Áshrepps í níu ár og maður
lærir eitthvað af öllu sem maður gerir og er að vasast í. Það er sennilega bara
ekki nægur tími í allt sem maður myndi vilja sinna en svo er líka gott að vera
ekki að vasast í öllu heldur láta tímann svolítið ráða því hvað er hægt.
Gróa: Ég hef verið í ýmsu svona kúabænda- og landbúnaðartengdu. Ég var
formaður búnaðarfélagsins hérna í einhver ár og gjaldkeri hjá stjórn félags
kúabænda í heil tólf ár og hef oft verið fulltrúi á fundum hjá MS sem gerir það
líka að verkum að ég er farin að þekkja kúabændur um allt land. Það er mjög
skemmtilegt og fróðlegt, það gerir alltaf sitt gagn að hitta aðra og spjalla og
bera sig saman því það er endalaust hægt að læra af öðrum. Það er alveg vita
tilgangslaust að vera sjálfur alltaf að reyna að finna upp hjólið. Ég sat líka í
sveitarstjórn Húnavatnshrepps árin 2006-2010.
Árið 2015 afhenti landbúnaðarráðherra, Sigurður Ingi Jóhannsson, ykkur land-
búnaðarverðlaunin við setningu Búnaðarþings í Hörpunni. Árin 2013 og 2014 áttuð þið
af urða hæsta kúabúið á landinu. Á bú-
greina hátíðinni í Austur-Húnavatns-
sýslu, sem var haldin í nóvember 2015,
fenguð þið þrenn verðlaun af fjórum,
fyrir nythæstu kúna í A.-Hún., fyrir hæst
dæmdu kúna í A.-Hún. og fyrir afurða-
hæsta búið í A.-Hún. með 7.896 kg eftir
kúna og 49,3 árskýr.
Öll verðlaunin ykkar og viður kenn-
ingarnar eru alveg sér kapítuli. Hvaða
leyndarmál eru á bak við þessa velgengni?
Gróa: Það eru engin leyndarmál
og við erum ekki að gera neitt sem
allir aðrir geta ekki gert líka. Málið
er að gera eins vel og maður getur
hverju sinni og hafa fullan áhuga á
því sem maður er að gera. Það er
alltaf hægt að bæta sig, alveg sama
hvaða starfi fólk sinnir. Í okkar
starfi hefur áhuginn á nautgripa-
rækt inni og bættur aðbúnaður
Sigurður Ingi Jóhannsson veitir Gróu og Sig urði
landbúnaðarverðlaunin 2015 í Hörpunni.
Ljósm.: Magnús Hlynur.