Húnavaka - 01.05.2016, Page 37
H Ú N A V A K A 35
INGVAR GÍSLASON:
Söguþáttur af Pearl Pálmason,
vestur-íslenskum fiðluleikara
Aldarminning
Vestur-Íslendingurinn Pearl Pálmason var lengi frægur fiðluleikari í Kanada, lék lengst af
með Sinfóníuhljómsveit Torontoborgar og var um skeið annar konsertmeistari hljóm-
sveitarinnar. Við Pearl Pálmason vorum af öðrum og þriðja að frændsemi og hitti ég hana
bæði hér á landi og í Kanada. Faðir hennar var Sveinn Pálmason, bróðir Ingvars Pálma-
sonar alþingismanns, afa míns. Þeir bræður voru gagnheilir Húnvetningar og ólust að mestu
upp á Ysta-Gili í Langadal. Foreldrar þeirra voru Pálmi Sigurðsson af Skeggsstaðaætt,
dóttursonur Sólheima-Pálma, og Guðrún Björg Sveinsdóttir frá Ysta-Gili. Þau Pálmi
Sigurðsson og Guðrún Björg Sveinsdóttir bjuggu víðar en á Ysta-Gili án þess að það verði
rakið frekar hér.
Ingvar Gíslason fæddist í Nesi í Norðfirði 28. mars
1926. Foreldrar hans voru Gísli Hjálmarsson Kristjáns-
son útgerðarmaður og kona hans, Fanný Kristín
Ingvarsdóttir
Kona Ingvars var Ólöf Auður Erlingsdóttir 1928-2005.
Foreldrar hennar voru Erlingur Pálsson og kona hans
Sigríður Sigurðardóttir. Börn Ingvars og Ólafar eru:
Fanný, Erlingur Páll, Gísli, Sigríður og Auður Inga.
Ingvar lauk stúdentsprófi frá MA 1947. Hann stundaði
nám í íslenskum fræðum við Háskóla Íslands 1947-
1948 og í sagnfræði við háskólann í Leeds í Englandi
1948–1949. Hann lauk lögfræðiprófi frá HÍ 1956.
Ingvar stundaði blaðamennsku og ýmis störf í Reykjavík
lengst af með námi 1949–1956. Hann var fulltrúi í fjármálaráðuneytinu 1956-1957,
skrifstofustjóri Framsóknarflokksins á Akureyri 1957-1963 en stundaði jafnframt ýmis
lögfræðistörf. Stundakennari við Gagnfræðaskólann á Akureyri var hann 1958–1959,
dómarafulltrúi á Akureyri flest sumur 1963-1969 og ritstjóri Tímans 1987-1991. Þá
var Ingvar alþingismaður Norðurlands eystra 1961–1987. Hann var mennta mála-
ráðherra 1980-1983 í ríkisstjórn Gunnars Thoroddsen og sat í fjölmörgum, stjórnum,
nefndum og ráðum, bæði innan þings og utan.
Hann hefur ritað fjölda blaða- og tímaritsgreina og birt nokkur ljóð.