Húnavaka - 01.05.2016, Page 43
H Ú N A V A K A 41
hún almennrar tónlistarfræðslu
hjá Ólafi Þorsteinssyni, vinsælum
tónlistarmanni í Manitoba, sem
þekktastur er fyrir lag sitt
Gimlivalsinn, sem enn er sunginn
við ýmis tækifæri vestra enda
fallegt og söngvænt lag. Pearl
mun hafa verið kært að minnast
þessara fyrstu tónlistarkennara
sinna sem lögðu grunn að því
sem hún varð.
Ellefu ára hnáta lék hún fyrst á
opinberum tónleikum með
Pálma. Varð mörgum þá ljóst að
þar var á ferð efni í góðan
fiðluleikara. Ári síðar, 12 ára
gömul, hlaut hún sérstök silfur-
verðlaun á lokatónleikum for náms síns í Winnipeg. Þessi verðlaunaveiting var
sérstakur heiður sem aðeins útvöldum hlotnaðist og verkaði eins og vegabréf
til fullkomins langskólanáms í hljóðfæraleik enda stóð ekki á því að sú braut
lægi henni opin í raun. Í stuttu máli sagt, hennar beið áður en langt um leið
samfelldur og glæsilegur námsferill hvert árið af öðru undir handleiðslu
heimskunnra snillinga í Toronto, London og New York.
Inn í þennan markvissa og formlega námsferil blandaðist skjótt þátttaka
hennar í tónleikum víðsvegar og vitnaði um að henni var tekið sem
mikilhæfum fiðluleikara og einleikaraefni á námsárum. Því miður vantar mig
nánari upplýsingar um það sem vitað er almennt að Pearl kom oft fram sem
einleikari á fiðlu með samleik við aðra. Samt hef ég vitneskju um að þau
Ragnar H. Ragnar léku saman á fiðlu og píanó á þeim árum sem leiðir þeirra
lágu saman vestra. Ragnar er okkur ,,Heima-Íslendingum“ kunnur sem
tónlistarfrömuður á Ísafirði en hann var virkur og virtur tónlistarmaður á
Íslendingaslóðum í Kanada og Bandaríkjunum meira en aldarfjórðung frá
u.þ.b. 1920 að telja. Hann mat Pearl mikils. Hitt er annað mál að Pearl ákvað
snemma að keppa ekki svo mjög að einleikarahlutverki því að hún sá þá fram
á sífelld ferðalög stað úr stað og vildi heldur einbeita sér sem hljómsveitarfiðlari.
Í samræmi við það gekk hún til liðs við Sinfóníuhljómsveit Torontoborgar
árið 1942 eftir sitt aðalnám í London og annan undirbúning fram til þess
tíma. Meginlífsstarf hennar var þá markað. Hún bast Torontohljómsveitinni
svo náið að starf hennar þar stóð full 39 almanaksár eða 40 starfsannir, 1942–
1981.
Einn atburður er oft talin hin stóra stund í lífi hennar, er hún kom fram sem
einleikari í Town Hall í New York árið 1948, þá fullþroska og reyndur
fiðluleikari. Sá heiður sem þetta var henni tengdist vafalaust því að fyrirfarandi
misseri hafði hún verið í framhaldsnámi hjá dr. Demetriusi Dounis sem þá var
einn helsti stórjaxlinn í tónlistarheimi New York borgar.
Pearl á yngri árum.