Húnavaka - 01.05.2016, Qupperneq 99

H Ú N A V A K A 97
og um sérstaka athöfn væri að ræða. Veislan endaði eins og önnur samkvæmi
með kröftugum handtökum og árnaðaróskum og fór síðan hver til síns heima.
Straalsund
Nú var allt tilbúið til að fara með bát inn til Straalsund sem var svona dags ferð.
Það var afar lítið vatn í fljótinu þegar þarna var komið og það rann í álum sem
ýmist voru Póllands- eða Þýskalandsmegin. Þar með gátum við ekki farið með
bátnum því Þjóðverjarnir voru vissir um að Pólverjarnir myndu verða með
vesen og skriffinnsku þegar þeir sæju vegabréfin okkar. Þess vegna var ákveðið
að við færum með járn brautarlest. Ég held að það hafi verið skipstjóri á
einhverjum fljóta pramm anum sem sigldi bátnum frá Fürsten berg til Straalsund.
Járnbrautarvagninn var allur stí aður í sundur með uppsláttarborðum og í
hverjum bás voru fjórir menn, tveir og tveir í bekk og sátu andspænis hver
öðrum. Gríðarlegur
þrýstingur, hávaði og
læti voru og ekki gott
að sitja á þess um
fjölum klukku tímum
saman. Ein hvers stað-
ar á leiðinni stoppaði
lestin þar sem komu
saman járn braut ir úr
öll um átt um. Þetta
var meira en skiptistöð
því þarna var líka
smur stöð fyrir alla
vagna sem þangað
komu og allir smyrj-
ararnir voru konur.
Það kom svolítið á mann þegar þær lögðust á bakið ofan á teinana og tróðu
sér undir vagnana. Þær voru með fötu með einhverskonar þunnri feiti í og
stóran pensil í hendi til að kústa hjólastellið undir vögnunum. Þetta var mikið
sóðaverk en þær voru allar í samfestingum sem voru misjafnlega mikið
útklíndir í feiti og olíu. Einhverja tusku höfðu þær yfir hárið og vettlinga á
höndum.
Ein konan skar sig nokkuð úr því hún hafði ekki komið samfestingnum
almennilega að sér og spotti hélt honum saman. Ég fór eitthvað að grínast með
að þessi ætti nú erfitt með að komast undir vagnana en svo áttaði ég mig á að
hún var ólétt og greinilega komin langt á leið en undir vagnana komst hún.
Lestin var mjög hæggeng og þurfti víða að stoppa vegna fólks og farangurs
þannig að það tók allan daginn að komast til Straalsund og fór svo að báturinn
varð á undan okkur þangað.
Húnarnir í höfn á Skagaströnd.