Húnavaka - 01.05.2016, Page 142
H Ú N A V A K A 140
Síra Gunnar mun hafa verið að svara þessari vísu Sveins er hann orti:
Hækka mun þinn hróður, Sveinn,
hér í fjallasalnum.
Þú ert eins og stakur steinn,
sem stendur upp úr dalnum.
Iðulega bar það við að Sveinn skrifaði vísur framan á ljóðabækur sínar er
hann seldi þær sjálfur, ýmist beðinn eða óbeðinn. Þessa vísu skrifaði hann
framan á bækurnar til síra Gunnars:
Þjóðarkunni klerkurinn,
kvæðum unnir lengi.
Sjá hér þunna sönginn minn,
séra Gunnar, vinurinn.
Ævidagur Sveins frá Elivogum varð ekki
langur, aðeins 56 ár. Mér er þó nær að halda
að hann hafi verið allt að því saddur lífdaga
undir lokin. Heilsan hafði lengi verið veil.
Einkum var hann magaveikur. Það mun hafa
verið sumarið 1941 sem hann tók að kenna
óþæginda við endaþarm. Fylgdi mikill kláði.
Sveinn fór til Reykjavíkur snemmsumars þetta
ár og lét Jónas Sveinsson líta á þetta. Hann
sagði að hér gæti verið um byrjandi meinsemd
að ræða og væri ráðlegt að skera hana burtu
- til vonar og vara. Ekki taldi Sveinn sig hafa
tíma til þess. Heyskapur væri framundan.
Hann hélt heim og hafði áburð undir höndum til að bera á hina byrjandi
meinsemd er Jónas læknir lét honum í té. Þetta linaði óþægindin í bili.
Sumarið 1944 er svo komið að meinsemdin hefur breiðst út og hann tekur
að kenna innvortis þrauta. Fer þó ekki til læknis. Líður svo fram á útmánuði
1945 að hann er orðinn viðþolslaus. Þá heldur hann til vinar síns, Páls Kolka
læknis á Blönduósi. Hann sér auðvitað strax hvað að er og sendir Svein til
Reykjavíkur í rannsókn til Halldórs Hansens dr. med. Sveinn er lagður inn á
Landakotsspítala seint í mars. Þar undi hann hag sín um mjög illa. Í for boði
lækna spítal ans fer hann upp úr rúminu, fær sér bíl og heldur norður að
Refsstöðum. Hann biður mig að fara með uppboðs auglýsingu um Langadal
og norð ur í Skagafjörð. Uppboð var síðan haldið að Refsstöðum 28. apríl um
vorið. Kom þangað margt manna, sumir langt að. Jón á Akri var meðal
uppboðsgesta. Sveinn veitti mönnum vín, sjálfur helsjúkur í rúmi sínu. Daginn
eftir var hann fluttur til Reykjavíkur. Þar lá hann á sjúkrahúsi þar til yfir lauk,
2. júlí. Jarðarförin fór fram 10. sama mánaðar og var allfjölmenn.
Jónas Sveinsson læknir.
Mynd: Héraðsskjalasafn A-Hún.