Húnavaka - 01.05.2016, Page 169
H Ú N A V A K A 167
gott athvarf hjá Árnýju og fjöl-
skyldunni í Sunnuhlíð, og þar átti
hann margar góðar samveru- og
samræðustundir í nærværu Guð-
mund ar Rafnssonar frá Ketu.
Okkur krökkunum var hálf illa
við Kela sem gat verið ansi illskeyttur
en hann var nú samt gæðasál, held
ég en okkur strákunum samdi illa
við hann.
Hann gat stundum komið æðandi
út úr beitningarskúr sínum við
Hólsnef, húðskammað okkur og svo
rekið okkur í burtu með harðri
hendi, alveg að ástæðulausu, fannst
okkur. Við vorum eiginlega skít-
hræddir við Kela en vildum ekki
játa það og alls ekki ef stelpur
heyrðu!
Einu sinni voru ég, Almar bróðir og Baddi niðri í fjöru fyrir neðan frystihús
Kaupfélagsins eitthvað að bardúsast. Kemur Keli þá æðandi með skömmum
miklum og rekur okkur burtu, um leið og hann hellir yfir mig fullri fötu af
úldinni síldarbeitu. Þá fauk í Svein Torfa og hann tók til sinna ráða!
Ég fór að gera Kela ýmsan miska
eftir þetta, til dæmis að fela fyrir
honum beituna þegar hann skrapp í
kaffi eða pásu, eins og hann kallaði
það. En hann sá fljótlega við því og
harðlæsti skúrnum með þrem
hengilásum og kallaði okkur helvítis
pottorma.
Svo fjarlægði ég reimar í
spildrifinu í trillunni svo spilið fór
ekki í gang og varð Keli þá að draga
línuna með handafli. Þegar hann
kom að landi, löngu eftir áætlaðan
tíma, var hann mjög dapur í bragði,
og sagði að strákapottormarnir
hefðu leikið sig grátt og tekið spilreimarnar en þeir skyldu fá að kenna á því.
Báðu þá mæður okkar, okkur griða.
Um kvöldið fór ég svo um borð í trilluna og setti reimarnar á öxlana. Aldrei
var minnst á þetta uppátæki síðar og gleymdist það svo.
Margt annað gerðum við strákarnir honum til miska. Til dæmis földum við
einu sinni trilluna hans. Trillan lá við Litlu-bryggjuna eins og venjulega. Við
Húsið lengst til vinstri hét Sóllundur. Stóð þar
sem nú er Hólabraut 8. Næsta hús hét Goðhóll
og stóð þar sem nú er Hólabraut 10. Fyrir
ofan Goðhól er hlaða/fjárhús. Fyrir aftan
drenginn glittir í Vinaminni, nú Hólabraut 16.
Húsið fyrir miðri mynd hét Baldursheimur og
stóð við Sólarveg.
Ljósm.: Guðmundur Guðnason
Hér eru þeir Hartmann Jóhannesson frá Garði
til vinstri og Þorkell Magnússon í Goðhól að
draga sundur fé í Vindhælisrétt.