Húnavaka - 01.05.2016, Qupperneq 172
H Ú N A V A K A 170
Hún var mikil húsmóðir, hafði yndi af bakstri og matargerð og íslensk
matarhefð jafnan í hávegum höfð á heimilinu. Þegar tími vannst til stundaði
hún hannyrðir og prjónaði. Hún ræktaði blóm bæði úti og inni, hafði einnig
mikla ánægju af tónlist og hélt upp á Ragga Bjarna.
Árið 2010 flutti Þórunn suður til sonar síns og tengdadóttur, Sigurðar og
Bryndísar en þá var heilsan farin að bila verulega. Ári síðar flutti Margrét
systir hennar einnig til þeirra en þær systur hafa fylgst að allt sitt líf og aldrei
fallið skuggi á vinskap þeirra.
Haustið 2012 fluttu þær systur á hjúkrunarheimilið Garðvang í Garðinum
og þaðan á hjúkrunarheimilið Nesvelli í Reykjanesbæ þar sem Þórunn lést.
Hún var jarðsungin frá Kálfatjarnarkirkju þann 12. september. Jarðsett var í
Kálfatjarnarkirkjugarði.
Magnús B. Jónsson.
Guðbjartur Guðmundsson,
Blönduósi
Fæddur 1. desember 1937 – Dáinn 12. janúar 2015
Guðbjartur fæddist að Kvígindisfelli í Tálknafirði. Foreldrar hans voru Þór-
halla Oddsdóttir, f. 1899, d. 1997, ættuð úr Gufudalssveit og Guðmundur
Kristján Guðmundsson, f. 1890, d. 1969, frá Stóra-Laugardal í Tálknafirði.
Hann var þrettánda barn þeirra af sautján börnum: Elstur er Óskar, f. 1917,
d. 2015, Svava, f. 1918, d. 2001, Hörður, f. 1919, d. 1988, Haukur, f. 1920,
d. 2007, Svanborg, f. 1921, d. 2010, Reynir,
f. 1923, d. 1997, Unnur, f. 1924, Karl, f.
1925, d. 2013, Þuríður, f. 1929, Magnús, f. 1931,
d. 2016, Guðmundur Jóhannes, f. 1933, Oddur
Vilhelm, f. 1936, þá Guðbjartur, Fjóla, f. 1938,
Víðir, f. 1938, Helgi, f. 1941 og Rafn, f. 1943.
Guðbjartur ólst upp á Tálknafirði á mann-
mörgu heimili og tók þátt í almennum sveita-
störfum en á Kvígindisfelli var stundaður búskap-
ur. Hann fór á sjóinn, eins og ungir menn gera
vestur á Fjörðum en búskaparstörfin áttu betur við
hann þó honum hafi líkað ágætlega sjómennskan.
Árið 1959 fór hann í búfræðinám á Hvanneyri
í Borgarfirði og útskrifaðist sem búfræðingur vor-
ið eftir. Til að geta haldið námi áfram á Hvanneyri
fór hann í landspróf á Skaganum. Þaðan lá leiðin til Akureyrar og eftir ársdvöl
í Menntaskólanum á Akureyri gat Guðbjartur haldið áfram námi á Hvanneyri
og útskrifaðist þaðan sem búfræðikandidat árið 1965.
Hinn 20. júní 1964 kvæntist Guðbjartur Margréti Ásmundsdóttur, f. 1938,
d. 2015. Þau kynntust fyrst þegar hann var á Hvanneyri og hún aðstoðarkennari