Húnavaka - 01.05.2016, Page 173
H Ú N A V A K A 171
á Varmalandi. Þann 13. júlí 1965 fluttu þau norður á Blönduós. Guðbjartur
hóf störf hjá Búnaðarsambandi Austur-Húnvetninga sem landbúnaðar-
ráðunautur og starfaði hann þar í yfir fjörutíu ár ásamt því að starfa hjá
Ræktunarsambandi Austur-Húnvetninga. Hann ferðaðist vítt og breitt um
sýsluna, mældi skurði, sá um sæðingar og fór í fjárrag. Vinna og áhugamál fóru
saman en fjárbúskapur var eitt af hans áhugamálum. Hafði hann um tíma
sjálfur nokkrar kindur í húsum fyrir neðan Vetrarklauf.
Guðbjartur og Margrét eignuðust þrjár dætur sem eru: Ragney f. 1963, hún
á einn son. Þórhalla f. 1964, hennar maki er Vilhjálmur K. Stefánsson f. 1963
og eiga þau þrjú börn. Jónína Margrét f. 1981, maður hennar er Sigurjón Þór
Vignisson f. 1982, þau eiga tvö börn.
Guðbjartur var mikill félagsmálamaður, hafði mikinn áhuga á íþróttum og
gaman af að spila bridge. Hann var ötull stuðningsmaður Ungmennafélagsins
Hvatar og heiðursfélagi í Ungmennasambandi Austur-Húnvetninga. Hann
var virkur félagi í Lions í rúmlega fjörutíu ár. Hann starfaði mikið að
bæjarmálum og var virkur þátttakandi í Framsóknarflokknum.
Hann unni sveitinni sinni fyrir vestan og fór þangað nærri árlega með
fjölskylduna en jafnframt undi hann sér vel á Blönduósi og lagði sig allan fram
við það sem hann tók sér fyrir hendur og taldi að kæmi samfélaginu til góða.
Hann andaðist á Sjúkrahúsinu á Akureyri og var útför hans gerð frá
Blönduóskirkju þann 24. janúar. Jarðsett var í Blönduóskirkjugarði.
Sr. Sveinbjörn Einarsson.
Haukur Líndal Eyþórsson,
Blönduósi
Fæddur 18. október 1929 – Dáinn 26. janúar 2015
Haukur Líndal fæddist í Fremri-Hnífsdal, Eyrarhreppi við Ísafjarðardjúp.
Hann var yngsta barn hjónanna, Jóns Eyþórs Guð-
munds sonar, f. 1894, d. 1979, frá Guðlaugsstöð-
um í Blöndu dal í A-Hún. og Pálínu Salóme Jóns-
dóttur, f. 1889, d. 1975, fæddri í Fremri-Hnífsdal.
Alsystkini Hauks eru í þessari röð: Guðmundur,
f. 1914, d. 1982, Kjartan Blöndal, f. 1915,
d. 1974, Elín Ingibjörg, f. 1917, d. 1973, drengur
sem fæddist andvana 1920, Jóhann, f. 1921,
d. 2005, Halldór Ingimundur, f. 1924, d. 2007,
Haraldur Róbert, f. 1927, d. 2008. Elsta barnið,
dótturina Unni f. 1909, átti Eyþór áður.
Hann ólst upp í Fremri-Hnífsdal til sjö ára ald-
urs, þá flutti hann með foreldrum sínum og syst-
kin um í Austur-Húnavatnssýslu. Þar bjuggu þau á
nokkrum bæjum en lengst af á Syðri-Löngumýri hjá Halldóri syni þeirra.