Húnavaka - 01.05.2016, Side 175

H Ú N A V A K A 173
Gestur Jónsson,
Skagaströnd
Fæddur 7. október 1924 – Dáinn 27. janúar 2015
Gestur Jónsson fæddist á Saurum í Keldudal, Dýrafirði. Foreldrar hans voru
(Magnús) Jón Samúelsson, f. 1869, d. 1931, og Halldóra Gestsdóttir, f. 1884,
d. 1972. Gestur var yngstur þriggja systkina er upp komust en þau voru:
Ingibjörg Andrea, f. 1918, d. 1993 og Guðmunda Kristjana, f. 1922. Þá átti
Gestur tvö uppeldissystkini, Guðmund J. Kristjánsson, f. 1911, d. 2000 og
Svanhildi Árnýju Sigurjónsdóttur, f. 1927.
Þann 11. mars 1950 kvæntist Gestur Ruth Heyden, f. 1925, d. 1988, íþrótta-
kenn ara frá Neustrelitz Þýskalandi. Foreldrar hennar voru Friedrich Heyden,
f. 1888, d. 1945, og Antonie Heyden (Fuest), þau voru búsett í Neustrelitz.
Þau eignuðust fjögur börn: Kristjana, f. 1950, maki Birgir Örn Birgisson,
f. 1959. Börn þeirra eru þrjú. Fyrir átti Kristjana eina dóttur. Halldóra Ásdís,
f. 1951, maki Steingrímur Ingvarsson, f. 1951.
Börn þeirra eru þrjú. Fyrir átti Halldóra einn son.
Soffía Rósa, f. 1959, maki Birgir Þór Borgþórsson.
Börn þeirra eru tvö. Gestur Jón, f. 1963, maki
Kristín Grétarsdóttir. Börn þeirra eru tvö.
Gestur ólst upp í Keldudal til unglingsára en
réðst ungur sem kaupamaður að Hæl í Hreppum,
þaðan lá leiðin í Bændaskólann á Hólum þar sem
hann útskrifaðist sem búfræðingur 1946. Þá lá
leiðin aftur austur að Hæl þar sem hann stundaði
öll almenn landbúnaðarstörf hjá þeim bræðrum,
Steinþóri og Einari, sem þar bjuggu.
Að Hæl réðst á eftirstríðsárunum ung kaupa-
kona, Ruth frá Þýskalandi, sem síðar varð kona
hans. Gestur og Ruth hófu búskap sem ráðsmenn við tilraunabúið á Sáms-
stöðum í Fljótshlíð 1950. Þaðan lá leiðin að Öxnalæk í Ölfusi og síðan 1955
að Skaftholti í Gnúpverjahreppi sem þau síðar eign uðust. Þar stundaði Gestur
búskap með konu sinni. Heilsu Ruthar hrakaði mjög síðari árin og bjó Gestur
einn með börnum sínum í Skaftholti þar til hann seldi jörðina 1980 og byggði
nýbýlið Hraunhóla úr landi Skaftholts.
Gestur hóf störf við Búrfellsvirkjun um 1976, fyrst hjá verktökum en síðar
hjá Landsvirkjun þar sem hann lauk sinni starfsævi 1994. Hann hafði prýðis-
söngrödd og unni tónlist alla tíð og söng í fjölda kóra meðan röddin hélt. Eftir
að hann brá búi snéri hann sér í meira mæli að hestamennskunni sem hann
sinnti af natni meðan kraftar og heilsa leyfðu.
Síðustu árin sem Gestur hélt heimili bjó hann í Fossheiði 34 á Selfossi þar
til hann flutti á Dvalarheimilið Sæborg á Skagaströnd. Hann lést á Heil-
brigðisstofnun Norðurlands á Blönduósi. Útför hans fór fram frá Skálholtskirkju
13. febrúar. Jarðað var á Stóra-Núpi.
Gestur Jón Gestsson.