Húnavaka - 01.05.2016, Page 180
H Ú N A V A K A 178
Þorgeir Sigurgeirsson,
Blönduósi
Fæddur 20. ágúst 1928 – Dáinn 9. apríl 2015
Þorgeir var fæddur á Orrastöðum í Austur-Húnavatnssýslu. Foreldrar hans
voru Torfhildur Þorsteinsdóttir, f. 1897, d. 1991 og Sigurgeir Björnsson,
f. 1885, d. 1936, bændur á Orrastöðum. Synir þeirra eru: Þorbjörn, f. 1917,
d. 1988, Þormóður, f. 1919, d. 2012, þá Þorgeir og Þorsteinn Frímann, f. 1934.
Yngstur er hálfbróðir þeirra, Sigurgeir Þór Jónasson, f. 1941.
Þorgeir, eða Deidei eins og hann var gjarnan
kallaður, ólst upp á Orrastöðum í bernsku allt til
er faðir hans lést. Frá fermingaraldri dvaldi hann
hjá móður sinni og Jónasi Vermundssyni fóstur-
föður sínum á Blönduósi.
Árið 1951 kvæntist Þorgeir Önnu Sigur jóns-
dóttur, f. 1932 en þau slitu samvistum 1962. Þau
bjuggu fyrst í Pálmalundi þar sem börnin þeirra
fæddust og síðan í Pétursborg á Blönduósi þar til
þau fluttu til Reykjavíkur. Börn þeirra eru:
Torfhildur Sigrún f. 1951, maki Leifur Brynjólfsson
f. 1952 og eiga þau tvo syni. Jónas f. 1952, maki
Harpa Högnadóttir f. 1965 og eiga þau tvö börn
Þorgeir kvæntist seinni konu sinni, Sólveigu
Björns dóttur, f. 1927, d. 2013, árið 1964 en þau slitu samvistum 1982. Barn
þeirra er Þorgeir Sigurður f. 1964, maki Karina Chaika f. 1970 og eiga þau
tvo syni. Fyrir átti Sólveig fjögur börn.
Þorgeir og Sólveig bjuggu í Keflavík, Kópavogi, Reykjavík og í Hveragerði.
Í Hveragerði var hann einna lengst. Þar var hann búsettur allt til þess að hann
kom norður á Blönduós. Hann var mjög laghentur og stundaði ýmsa vinnu en
lengst af vann hann við bílaviðgerðir. Ýmislegt fleira tók hann sér fyrir hendur,
hann og Sólveig voru með saumastofu, með pokagerð og skyndibitastaðinn
Búrið sf. en síðast vann hann hjá Hitaveitu Hveragerðis eða í 10 ár.
Hann unni landi sínu, var mikill áhugamaður um ferðalög innanlands og
ekki síst um hálendi landsins. Hann fór margar ferðir með fjölskyldu sinni og
félögum um landið. Félagar hans sem hann ferðaðist oftast með stofnuðu
félagið FFH Ferðafélag Hveragerðis. Með þeim fór hann í ferðir bæði sumar
og vetur í allskonar veðrum og færð. Þorgeir kunni nánast nöfn á öllum fjöllum
og dölum landsins. Hann fór í tjaldútilegur eins lengi og hann gat eða allt fram
á síðustu ár. Hann átti líka gúmmíbát svo hann gæti siglt á vötnum í ferðum
sínum.
Þorgeir var ekki margmáll maður yfirleitt en skemmtilegur í vinahópi.