Húnavaka - 01.05.2016, Page 181
H Ú N A V A K A 179
Hann hafði gaman af músik, hljóðfæraleik og söng. Sjálfur spilaði hann á
munnhörpu, safnaði gjarnan munnhörpum og átti margar slíkar. Hann keypti
sér líka hljómborð og æfði sig á það. Hann hlustaði mikið á tónlist og þá var
kántrýtónlist og íslenskar söngperlur í uppáhaldi hjá honum. Hann var mikill
dýravinur og hans bestu vinir voru hundarnir hans tveir, Lappi og Mosi.
Þorgeir andaðist á Heilbrigðisstofnuninni á Blönduósi en þar hafði hann
dvalið í um tvö ár. Útför hans var gerð frá Blönduóskirkju 18. apríl. Jarðsett
var í Blönduóskirkjugarði.
Sr. Sveinbjörn Einarsson.
Aase Vilborg Madelaire Dunn,
Blönduósi
Fædd 17. maí 1932 – Dáin 21. apríl 2015
Aase Dunn var fædd í Þórshöfn í Færeyjum. Foreldrar hennar voru Axel
Nielsen prestssonur og kaupmaður þar og Jóhanna Maria Nielsen húsmóðir.
Aase var elst þriggja systra, hinar eru Mærna og Krista Nielsen, Krista er yngst
og ein eftirlifandi. Hún er búsett í Þórshöfn. Aase
átti góða barnæsku.
Aase var ung þegar hún kynntist Holten
Lützhøft og varð ófrísk af fyrsta barni sínu, Axel
f. 1949, hans kona heitir Eydna og eiga þau einn
son. Sökum ungs aldurs þurfti hún sérstakt leyfi
frá danska kónginum til að mega giftast Holten.
Aase flutti til Danmerkur með eiginmanni og
syni. Hjónaband Aaase og Holten lauk með skiln-
aði og fór hún aftur heim til Færeyja, vann sem
út varps þulur á kvöldin og í skartgripaverslun á
dag inn.
Vinnan við útvarpið kveikti löngun hennar til
að læra leiklist og fór hún því aftur til Danmerkur.
Á meðan Aase beið eftir að komast að í leiklistarskóla fékk hún vinnu sem
fyrirsæta og varð fljótlega bæði vinsæl og vel þekkt fyrirsæta í Danmörku. Eftir
að hún komst inn í leiklistarskóla við „Aalborg Teater“ fluttist hún þangað og
kynntist þar Wiliam Petersen, með honum eignaðist hún dótturina Charlottu
f. 1960, maki er Þorvaldur Evensen og eiga þau fimm börn. Aase og Wiliam
slitu samvistum.
Árið 1963 kynntist hún Robert Dunn frá Kaliforníu og flutti með honum
árið 1965 til Japans þar sem þau giftu sig það sama ár. Robert Dunn var lærð-
ur loftskeytatæknifræðingur og vinnu sinnar vegna var hann mikið á ferðinni.
Fjölskyldan bjó í Japan í stuttan tíma en síðan í Þýskalandi um árabil. Í Þýska-
landi fæddist þriðja barn Aase, dóttirin Elisabeth f. 1966, ógift og barnlaus.