Húnavaka - 01.05.2016, Page 187
H Ú N A V A K A 185
Frá árinu 1968 bjó Stefán á Blönduósi og vann þar lengst af sem sjálfstætt
starfandi rafvirki. Hann vann þó í nokkur ár sem veghefilsstjóri hjá Vegagerð
ríkisins, einnig við framleiðslu hjá Ósplasti á Blönduósi og sem landpóstur í
Austur-Húnavatnssýslu.
Árið 1997 flutti Stefán aftur til Reykjavíkur og vann þá fyrstu árin sem
kirkju vörður í Langholtskirkju og síðar sem rafvirki hjá Rafveri, allt þar til
hann hætti störfum, 67 ára gamall. Síðustu árin bjuggu þau hjón í Garðabæ.
Hann lést á Landspítalanum við Hringbraut eftir skamma sjúkdómslegu og
var jarðsunginn 21. júlí frá Garðakirkju í Garðabæ. Jarðsett var í Garða-
kirkjugarði.
Þóra Stefánsdóttir.
Hanna Lísa Hafliðadóttir,
Skagaströnd
Fædd 15. september 1997 – Dáin 13. júlí 2015
Hanna Lísa fæddist í Reykjavík. Foreldrar hennar eru Þorgerður Þóra Hlyns-
dóttir, f. 1969, tómstunda- og félagsmálafræðingur og Hafliði Þorsteinn
Brynjólfs son, f. 1967, sjómaður. Þorgerður (Gigga)
og Hafliði slitu samvistum. Hanna Lísa var næst-
elst fjögurra alsystkina, þau eru í aldursröð: Sigur-
laug Máney f. 1996, Benóný Bergmann f. 2001
og Hlynur f. 2005. Bróðir hennar samfeðra er
Hafliði Þór Þorsteinsson f. 1988.
Hanna Lísa ólst upp á Blönduósi til 7 ára
aldurs, þá flutti fjölskyldan til Skagastrandar. Hún
lauk grunnskólagöngu frá Höfðaskóla og fór síð-
an í dreifnám á Blönduósi. Í ársbyrjun 2015 hóf
hún nám við Verkmenntaskólann á Akureyri en
hún stefndi á að læra rafvirkjun.
Hún var barngóð og frá unga aldri var hún
barn fóstra margra fjölskyldna á Skagaströnd.
Hún vann í unglingavinnunni, kaffihúsinu Bjarmanesi og á N1 á Blönduósi.
Síðustu tvö sumur hennar starfaði hún í Blönduvirkjun.
Hanna Lísa var ósérhlífin og dugleg til allra verka. Bræður hennar kölluðu
hana jafnan mamma tvö eða „já, mamma“. Þeim sinnti hún af alúð og þeirra
gæðastundir voru kökubakstur. Eftir að systurnar eltust myndaðist djúp vinátta
á milli þeirra og var það Hönnu Lísu dýrmætt að hafa systur sína nálægt sér
er þær bjuggu á Akureyri.
Sterkt trúnaðarsamband var á milli mæðgnanna og höfðu þær á orði að
gleymst hefði að klippa á naflastrenginn því ekki leið sá dagur að þær væru
ekki í sambandi þegar Hanna Lísa var að heiman. Gott samband myndaðist
einnig á milli hennar og Árna Halldórs Eðvarðssonar, sambýlismanns Giggu,