Húnavaka - 01.05.2016, Page 191
H Ú N A V A K A 189
Guðmunda Hjálmfríður Sigurbrandsdóttir,
Skagaströnd
Fædd 2. október 1943 – Dáin 15. ágúst 2015
Guðmunda Hjálmfríður fæddist að Grænhóli á Barðaströnd. Foreldrar hennar
voru Sigurbrandur Kristján Jónsson, f. 1880, d. 1966, ættaður undan Jökli á
Snæfellsnesi og Ólafía Guðmunda Hjálmarsdóttir,
f. 1907, d. 1997, frá Rauðasandi.
Guðmunda var yngst fjögurra alsystkina en
þau eru í aldursröð: Einar Ragnar, f. 1935,
Kristján Hugi, f. 1937 og Sigrún, f. 1949, d. 1950.
Hálfsystkini Guðmundu samfeðra voru sjö: Ágúst,
f. 1898, d. 1966, Ingigerður, f. 1901, d. 1994,
Anna, f. 1908, d. 1978, Einar, f. 1910, d. 1932,
Sigríður, f. 1911, d. 1994, Jónína, f. 1913, d. 1978
og Ásta, f. 1918, d. 2000.
Guðmunda ólst upp ásamt albræðrum sínum
að Grænhóli hjá einstæðri móður og móðurafa.
Hún kynntist snemma kröppum kjörum og harðri
lífsbaráttu. Um fermingaraldur fór hún í vist, þar
sem hún sá um börn og heimilisstörf. Þeim störfum sinnti hún einnig er hún,
16 ára gömul, fluttist til Stykkishólms. Þar kynntist hún Ólafi Guðmundssyni,
f. 1934, d. 2015, skipasmíðameistara, gengu þau í hjónaband þann 27. des.
1962. Foreldrar hans voru Guðmundur Friðriksson, f. 1892, d. 1974 og Guð-
rún Jóna Kristjánsdóttir, f. 1902, d. 1972.
Guðmunda og Ólafur eignuðust fjögur börn. Þau eru: Kristján f. 1963,
kvæntur Fjólu Lýðsdóttur, börn þeirra eru þrjú. Guðrún Margrét f. 1965, gift
Hjálmari A. Sigurþórssyni, þau eiga tvo syni. Víðir f. 1966, kvænur Sigurbjörgu
Bjarnfinnsdóttur, hann á þrjár dætur. Guðmunda f. 1968, gift Sigurði Bernts-
syni, þau eiga tvö börn.
Árið 1970 settist fjölskyldan að á Skagaströnd þar sem Ólafur var ráðinn
verk stjóri í Skipasmíðastöð Guðmundar Lárussonar hf. Á árunum 1970-1980
voru miklar framkvæmdir í bænum og á þeim tímum tók Guð munda
kostgangara jafnhliða barnauppeldinu. Gátu allt að 30 manns verið í mat á
heimilinu fyrir utan fjölskylduna.
Á Sólarvegi 14 bjó fjölskyldan ásamt foreldrum Ólafs. Heimilið var gest-
kvæmt og voru mörg börnin í þorpinu heimalningar hjá Guðmundu og Ólafi
sem tóku með kærleiksríkum faðmi á móti gestum sínum. Hún hlúði vel að
mörg um eldri borgurum, svo og móður sinni sem var rúmliggjandi á heim il inu
í þrjú ár.
Guðmunda hafði ríka þjónustulund og með gleði gekk hún í þau verk sem
þurfti að sinna. Hún starfaði við saumaskap og sá um kennslu í handavinnu