Húnavaka - 01.05.2016, Page 200
H Ú N A V A K A 198
trjám árið 1997. Í landi Hamars gróðursetti hann um það bil 800 þúsund tré.
Eitt sumarið setti hann niður um 100.000 tré sem er mjög vel að verki staðið.
Erlingur fékk viðurkenningu frá Landssamtökum skógarbænda fyrir mikið,
ötult og árangursríkt skógræktarstarf til margra ára.
Erlingur fór ekki í langskólanám en hann var duglegur að fara á ýmis
námskeið tengdu því sem hann var að vinna við hverju sinni til að ná sér í
aukna þekkingu. Með skógræktinni á Hamri starfaði hann í 16 ár á Sambýli
fatlaðra á Blönduósi. Hans er minnst fyrir dugnað og hreinskilni og hversu
heiðarlegur, hreinn og beinn hann var. Hann sagði sína skoðun og gat látið í
sér heyra en svo var það yfirleitt búið þegar það var frá.
Erlingur greindist með illkynja krabbamein um mitt árið 2015 og lést af
völdum þess. Veikindin voru honum mjög erfið en það létti honum
sjúkrahúsdvölina og var honum mikils virði að geta farið heim að Hamri þegar
þess var kostur en þar leið honum best. Hann lést á Heilbrigðisstofnun
Norðurlands á Blönduósi og var útför hans gerð frá Svínavatnskirkju þann 12.
desember. Jarðsett var í Svínavatnskirkjugarði.
Sr. Sveinbjörn Einarsson.
Guðný Pálsdóttir,
Blönduósi
Fædd 30. mars 1927 – Dáin 3. desember 2015
Guðný fæddist á Blönduósi. Foreldrar hennar voru hjónin Hjálmfríður Anna
Kristófersdóttir, f. 1901, d. 1981 og Páll Geirmundsson, f. 1895, d. 1975, er
bjuggu á Blönduósi. Bróðir Guðnýjar var Hjálmar, f. 1929, d. 2001. Æsku- og
uppeldisár sín átti Guðný á Blönduósi.
Guðný giftist Kristni Pálssyni frá Skagaströnd
þann 31. október 1953, þau eignuðust tvö börn
sem eru: Páll f. 1955, kvæntur Ásu Bernharðsdótt-
ur f. 1958 og eiga þau þrjú börn. Hjálmfríður
f. 1961, maður hennar er Ólafur G. Sæmundsson
f. 1961, þau eignuðust fjögur börn.
Veturinn 1945-1946 stundaði Guðný nám í
Kvennaskólanum á Blönduósi. Hún vann utan
heimilis og þá í mörg ár við verslunarstörf á
Skagaströnd en þar bjuggu hún og Kristinn um
árabil. Einnig vann Guðný við verslunarstörf á
Blönduósi. Hún vann sem löggiltur vigtarmaður
og vigtaði kjöt í 18 haust í sláturhúsi SAH á
Blönduósi. Hún vann einnig í skelvinnslunni Hafrúnu á Blönduósi tvær
vertíðir og í um 20 ár hjá rækjuverksmiðjunni Særúnu á Blönduósi.
Hún var traustur samvinnumaður, kát og brosmild og hafði góðan húmor.
Hún hafði gaman af að spila á spil, þá sérstaklega bridge. Þá var hún um