Húnavaka - 01.05.2016, Page 201
H Ú N A V A K A 199
árabil í kirkjukór Blönduóskirkju. Einnig hafði hún gaman af að ráða
krossgátur með Kristni manni sínum en þau voru mjög samrýnd hjón í öllu
sem þau tóku sér fyrir hendur.
Þau hjón byggðu sér heimili að Húnabraut 10 á Blönduósi, þar áttu þau sitt
heimili í 40 ár. Guðný andaðist á Heilbrigðisstofnun Norðurlands á Blönduósi,
þar hafði hún dvalið á sjúkradeild í um tólf ár og var útför hennar gerð frá
Blönduóskirkju 18. desember. Jarðsett var í Blönduóskirkjugarði.
Sr. Sveinbjörn Einarsson.
Katrín Grímsdóttir,
Steiná
Fædd 25. október 1945 – Dáin 6. desember 2015
Katrín Grímsdóttir fæddist í Saurbæ í Vatnsdal og ólst þar upp. Foreldrar
hennar voru Saurbæjarhjónin Grímur Gíslason, f. 1912, d. 2007 og Sesselja
Svavarsdóttir, f. 1922, d. 2000.
Katrín var önnur í systkinaröðinni. Eldri er Sigrún, maður hennar er
Guðmundur Guðbrandsson. Yngri eru Sæunn, maður hennar er Guðmundur
Karl Þorbjörnsson og Gísli, kona hans er Halla Jökulsdóttir.
Bernskuárin í Saurbæ einkenndust af vináttu og vinnusemi. Systkinin voru
alin upp við að taka þátt í öllum störfum úti og
inni. Katrín var lagin og átti mikla vinnugleði.
Upp eldi og meðfæddir hæfileikar mótuðu hana
og gerðu hana að fyrirmyndar sveitakonu, sem
kom sér vel í framtíðarhlutverkinu. Strax sem
barn var hún svo fjárglögg að hún mátaði föður
sinn.
Skólagangan var í Ásbrekku, þangað gekk hún
og var fljót að læra. Seinna stundaði Katrín nám
í Kvennaskólanum á Blönduósi og starfaði um
tíma á sjúkrahúsinu þar.
Á 19. afmælisdeginum giftist Katrín Sigurjóni
Stefánssyni frá Steiná í Svartárdal, f. 1938. Upp
frá því var hún Kata á Steiná. Þar undi hún vel
hag sínum og þau hjón voru samhent og samrýnd í lífi og starfi heima og
heiman.
Katrín og Sigurjón eignuðust þrjá syni. Grím f. 1965, kona hans er Harpa
Lind Guðbrandsdóttir og börn þeirra eru tvö. Jakob f. 1969, kona hans er
Sesselja Sturludóttir og eiga þau tvö börn. Yngsti drengurinn fæddist 1971 en
lést þriggja daga gamall.
Auk sonanna tveggja, sem komust upp, áttu Kata og Jonni um tvo tugi
barna. Það voru sumarbörnin sem komu í sveitina ár eftir ár og halda mörg
enn tryggð við fjölskylduna. Sum þeirra komu ung í sveitina allt niður í 7 ára,