Húnavaka - 01.05.2016, Page 204
H Ú N A V A K A 202
bjó allt þar til að heilsan fór að gefa eftir fyrir rúmum þremur árum. Þá
flutti hún á hjúkrunarheimilið Sóltún og þar andaðist hún. Útför hennar
var gerð frá Kópavogskirkju 30. desember, jarðsett var í Gufunes-
kirkjugarði.
Magnús B. Jónsson.
Stefán Reynir Jósefsson
Blönduósi
Fæddur 11. september 1932 – Dáinn 26. júlí 2015
Stefán Reynir var elsta barn hjónanna Jósefs Indriðasonar, f. 26. júlí 1904,
d. 27. júní 1991 og Soffíu Stefánsdóttur, f. 15. september 1913, d. 14.
nóvember 2005. Systkini hans eru: Millý Jóna, f. 1. ágúst 1934, d. 15. apríl
1999, Gréta, f. 1. nóvember 1935, Ari, f. 28. ágúst
1939, d. 18. júní 1964, Guðmundur Sverrir, f. 18.
nóvember 1940, Brynja, f. 16. júní 1948.
Stefán byrjaði ungur að vinna. Átta ára fór
hann sem kúskur, sá sem teymir kerruhesta, í
vegavinnu. Til Siglufjarðar fór Stefán á
unglingsárum, vann þar og stundaði nám við
Iðnskólann á Siglufirði. Síðan lá leið hans suður á
land þar sem hann stundaði vinnu á
Keflavíkurflugvelli við bílaviðgerðir og fleira í átta
ár. Eftir það lágu leiðir Stefáns á sjóinn og varð
sjómennskan hans aðalstarf en meðfram henni
stundaði hann húsaviðgerðir nokkur sumur.
Stefán fór heim á Blönduós og hóf að vinna í
Blönduvirkjun en veiktist þar skyndilega og vann ekki eftir það. Hann bjó með
foreldrum sínum og annaðist þau þeirra síðustu ár. Eftir andlát þeirra bjó
hann einn þar til hann flutti á Heilbrigðisstofnunina á Blönduósi þar sem hann
lést. Stefán var ókvæntur og barnlaus. Útför hans fór fram í kyrrþey.
Einar Helgason.