Húnavaka - 01.05.2016, Page 264
H Ú N A V A K A 262
A-Hún. var Nútíð frá Leysingjastöðum
með 8,04 í aðaleinkunn, ræktuð af
Hreini Magnússyni. Hæst dæmda 5
vetra hryssan var Skvísa frá Skaga-
strönd með 8,15 í aðaleinkunn, ræktuð
af Þorláki Sveinssyni. Hæst dæmda 6
vetra hryssan var Þórunn frá
Kjalarlandi með aðaleinkunn
8,22, ræktuð af Höllu Maríu
Þórðardóttur. Af 7 vetra hryssum
var Sunna frá Skagaströnd efst
með 8,17 í aðaleinkunn, ræktuð
af Sveini Inga Grímssyni. Hæst
dæmdi 4 vetra stóðhestur úr
sýslunni var Konungur frá Hofi
með 7,76 í aðaleinkunn, ræktaður
af Jóni og Eline á Hofi. Hæst
dæmdi 5 vetra stóðhesturinn var
Vegur frá Kagaðarhóli með aðal-
einkunn 8,26, ræktaður af Guð-
rúnu Stefánsdóttur og Víkingi
Gunn arssyni. Var hann jafnframt
hæst dæmda kynbótahrossið í sýslunni
og hlutu þau hjónin Fengsbikarinn
sem gefinn er í minningu Guðmundar
Sig fússonar frá Eiríksstöðum. Hæst
dæmdi 6 vetra stóðhestur úr sýslunni
var Klakinn frá Skagaströnd með
8,25 í aðaleinkunn, ræktaður af
Sveini Inga Grímssyni.
Anna Margrét Jónsdóttir.
SAH AFURÐIR.
Fyrirtækið gekk í gegnum
eigendaskipti í lok árs
þegar stærsti viðskiptavinur þess og
áður tæplega helmingshluthafi,
Kjarna fæði, tók við rekstri félagsins
um áramótin. Við breytinguna lét
Gunnar Halldórsson af starfi fram-
kvæmdastjóra en aðrir stjórnendur
og starfsfólk eru enn starfandi í slátur-
húsinu. Það verður því áfram byggt á
góðum og traustum grunni faglærðs
og reynslumikils starfsfólks sem SAH
Afurðir er heppið að hafa innan sinna
vébanda.
Heildarfjöldi sauðfjár var mjög
svip aður í síðustu sláturtíð og árið áð-
ur en heildarfjöldi ársins var 104.870
og var meðalfallþungi dilka 16,3 kíló.
Í réttum. Ljósm.: James Kennedy.
Starfsmenn SAH Afurða horfa á sólmyrkva.
Ljósm.: Árný Þóra Árnadóttir.