Húnavaka - 01.05.2016, Qupperneq 265

263H Ú N A V A K A
Aukning var í slátrun nautgripa en
þeir voru í heild um 1500. Þá var
slátrað um 2.800 hrossum og folöldum
á síðasta ári og er það svipuð tala og
árið á undan.
Heldur hefur gengið treglega að
selja gærur sem til féllu eftir haust-
slátrun en þær hafa verið gríðarlega
mikilvæg útflutningsvara fyrir fyrir-
tækið og hjálpað til við að brúa bilið.
Heimsmarkaðsverðið á aukaafurðum
er mjög lágt og því enn mikilvægara
að leita allra leiða til að selja það á
betra verði og minnka sem mest
kostn að við urðun sem hefur hækkað
gífurlega.
Það magn af lambakjöti sem liggur
fyrir á Íslandi er meira en markaðurinn
getur tekið við. Verð fyrir íslenskt
lambakjöt erlendis er afar lágt, sér-
staklega vegna gengis á þeim markaðs-
svæðum sem íslenskt lambakjöt hefur
verið að seljast á. Það er þó nauðsynlegt
að kynna og halda á lofti, sérstaklega
erlendis, gæðum vörunnar, hreinleika
og þeirri staðreynd að lambakjöt á
Íslandi er nær því að vera villibráð en
líklega nokkursstaðar í heiminum.
Sláturhús SAH Afurða hafði árið
2015 eitt sláturhúsa á Íslandi þá
sérstöðu að vera með leyfi til slátrunar
á lífrænt ræktuðu sauðfé. Það er
eitthvað sem fyrirtækið langar til að
byggja á til framtíðar en undanfarin
ár hefur það leyfi verið illa nýtt. Vinna
stendur þó yfir með verslunarkeðjum
hér á landi að koma lífrænt ræktuðu
lambakjöti frekar á markað. Þá þarf
enn frekar að kynna það erlendis þar
sem vitundin gagnvart lífrænt
ræktuðum mat er alltaf að aukast.
Einhverjar breytingar verða á
vinnslu SAH Afurða eftir að Kjarna-
fæði tók yfir reksturinn en þá er
aðallega horft til samlegðaráhrifa og
að SAH Afurðir geti farið að fullvinna
meira fyrir Kjarnafæði. Allt eru þetta
breytingar sem starfsfólk SAH Afurða
tekur þátt í en í dag eru á bilinu 35 til
40 manns sem vinna utan sláturtíðar
hjá fyrirtækinu. Hvort þeim fjölgar
með auknum verkefnum verður að
koma í ljós en fyrir er frábær hópur
sem hægt er að nýta betur með þessum
breytingum sem fyrirhugaðar eru.
Valgerður Hilmarsdóttir.
FRÉTTIR FRÁ SKAGASTRÖND.
Sjósókn.
Á árinu gengu fiskveiðar vel í
Húnaflóa og afli sem barst að landi
var umtalsvert meiri en 2014. Má
rekja það til nokkurra þátta. Á Skaga-
strandarhöfn voru skráðar 1.957 land-
anir á árinu og hafði fjölgað um 398
landanir frá árinu áður. Til löndunar
voru skráð 88 fiskiskip af ýmsum
stærðum. Alls voru skráð 11.667 tonn
Fé nýkomið til byggða. Ljósm.: James
Kennedy.