Húnavaka - 01.05.2016, Qupperneq 269

267H Ú N A V A K A
kvótastaða leyfði ekki útgerð nema
hluta úr árinu.
Alda HU 112 var á línuveiðum
mestan hluta ársins en fór á grásleppu
á vordögum. Línuveiðarnar gengu vel
en grásleppuveiðarnar frekar illa.
Dagrún var á netaveiðum fram í
byrjun apríl en fór þá á grásleppuveiðar
og var á þeim fram í maí. Netaveiðin
gekk sæmilega og grásleppuveiði var
góð. Eftir það var báturinn á
þorskanetum fram í desember. Ólafur
Magnússon var á netaveiðum á
vetrarmánuðum en fór á grásleppu í
maímánuði. Báturinn var síðan á
netum fram í nóvember.
Almennt gengu veiðar vel hjá
öllum útgerðaraðilum. Aflabrögð
voru góð, hver gat fiskað eins og kvóti
leyfði og gæftir voru ágætar.
Smærri fiskibátar sem teljast
heimabátar eru hér skilgreindir
þannig að þeir séu gerðir út að mestu
leyti frá Skagaströnd og útgerðaraðilar
eða sjómenn hafa fasta búsetu þar eða
í nágrenninu. Smærri bátar stunduðu
almennt línu- eða handfæraveiðar.
Magnús B. Jónsson.
FISKMARKAÐURINN ÖRVI EHF.
Fiskmarkaðurinn Örvi tók á móti
tæpum 3.850 tonnum af fiski til sölu á
markaði sem er 850 tonnum meira en
árið áður. Verðmæti aflans var rúmur
1 milljarður króna. Af þessum 3.850
tonnum voru rúm 2.000 tonn af
þorski, rúm 1.000 tonn af ýsu, 200
tonn af grásleppu, 140 tonn af ufsa,
90 tonn af steinbít og 75 tonn af
karfa. Um 90% af seldum afla fór til
vinnslu á suðvesturhornið.
Örvi sér einnig um löndun og aðra
þjónustu við báta sem eru í beinum
viðskiptum við fiskvinnslufyrirtæki og
var þar um tæp 3.750 tonn að ræða
sem er veruleg aukning frá fyrra ári.
Þá sér fyrirtækið um löndun úr
frystitogaranum Arnari HU 1 en þar
var landað 4.500 tonnum sem er
einnig töluverð aukning frá fyrra ári.
Ljóst er að þrátt fyrir töluverðar
strandveiðar sem skipta miklu máli
yfir sumartímann þá er samþjöppun á
kvóta farin að segja til sín. Bátum
fækkar og kvóti þeirra færist á æ færri
en stærri hendur. Þessar breytingar
hafa verið að eiga sér stað undanfarna
Landað úr togaranum Arnari HU 1. Ljósm.: Árni Geir.