Húnavaka - 01.05.2016, Page 281
279H Ú N A V A K A
Grétarsdóttir leikskólakennari
stýra. Um 16 börn, 12 ára og
eldri, sóttu nám skeiðið sér að
kostnaðarlausu. Í ágúst var bæj-
arhátíð á Skagaströnd endur-
vakin og tók deildin að sjálfsögðu
þátt í þessum viðburði með því
að vera með fatamarkað í úti-
tjaldi og tómbólunámskeið fyrir
börn.
Kynningarvika var í lok sept-
ember og var meginþemað
heimsóknarvinir. Heim sóknar-
vin ir á Skagaströnd eru fjórir
tals ins og er markmiðið fyrst og fremst
að veita félagsskap, nærveru og hlýju.
Gott samstarf er við félagsstarfið á
Skagaströnd og prjóna einstaklingar í
félagsstarfinu vettlinga, trefla, sokka,
húfur og peysur sem er svo sent til
Hvíta-Rússlands.
Deildin styrkti tvo einstaklinga/
fjölskyldur á árinu vegna veikinda og
annarra erfiðleika. Einnig voru veittir
tveir fermingarstyrkir.
Þann 12. nóvember var námskeiðið
„Inngangur að neyðarvörnum“ hald-
ið á Skagaströnd sem Guðjón Svans-
son stýrði. Námskeiðið var mjög lær-
dómsríkt og fengum við að spreyta
okk ur á því að setja upp fjölda-
hjálparstöð með því að nota áhöld og
búnað úr nýju neyðarvarnarkerrunni.
Mættu 16 manns frá deildunum;
Sauðárkróki, Blönduósi Skagaströnd
og Hvamms tanga.
Að þessu sinni bárust 15 beiðnir
um jólaaðstoð og var orðið við þeim
öllum. Jólaaðstoðin er veitt í samvinnu
við Félags- og skólaþjónustu A-Hún.
og kirkjuna. Eins og síðastliðið ár var
jólaaðstoðin fjármögnuð með frjálsu
framlagi frá fyrirtækjum, félögum og
einstaklingum á svæðinu.
Sigrún Líndal, formaður.
MENNINGARFÉLAGIÐ
SPÁKONUARFUR.
Vel horfði með gesta-
fjölda í byrjun árs og var janúar nokk-
uð líflegur, þó einungis hafi verið opið
eftir sam komulagi. Ekki var þó um
áframhald á þessari gestaaukningu
fyrr en í maí sem reyndist besti maí-
mánuður síðan Spákonuhofið var
opnað hvað varðar gestafjölda.
Sumar opnun var svo frá 1. júní til
loka ágúst, opið sex daga vikunnar frá
13:00-18:00 en lokað á mánudögum.
Sumarstarfsmenn voru tveir, Heba
Líf og Sigurbjörg Birta, þær hafa
verið starfsmenn hofsins undanfarin
fjögur ár og mikið rómaðar af gestum
fyrir frábæra frásagnarhæfileika og
þjón ustulund. Veðurfar yfir sumar-
mán uðina var með eindæmum leið-
inlegt og hafði marktæk áhrif á gesta-
fjölda Spákonuhofsins, sérstaklega
íslenska ferðamenn, því eins og allir
vita ferðast þeir eftir veðri. Gestir
Spákonuhofsins voru tæplega 1900 á
árinu.
Bæjarhátíð var haldin á Skaga-
strönd um miðjan ágúst og að því til-
efni var Spákonuhofið með spágjörn-
ing sem mæltist vel fyrir og skemmtu
þátttakendur og gestir sér vel.
Lummukaffi fyrir utan Árnes.