Víkurfréttir - 30.08.2017, Side 30

30 miðvikudagur 30. ágúst 2017VÍKURFRÉTTIR
FRÉTTAVAKT ALLAN
SÓLARHRINGINN
Í SÍMA 898 2222
■ Phantom F4 herþota sem á tímum Varnarliðsins stóð
við höfuðstöðvar þess á Keflavíkurflugvelli hefur fengið
hlutverk að nýju. Þotan er núna komin á stall á lóð Keilis
við fjölförnustu gatnamót Ásbrúar. Þar verður þotan til
frambúðar í umsjón Keilis en nemendur í flugvirkjanámi
við flugakademíu Keilis munu sjá um viðhald vélarinnar.
Hjálmar Árnason, framkvæmdastjóri Keilis, segir að stað-
setning vélarinnar við húsnæði Keilis eigi sér langan að-
draganda og að Keilir sé að endurvekja söguna með því að
koma þotunni aftur á stall.
Frá því Varnarliðið fór hefur þotan verið í geymslu í óupp-
hituðu og köldu húsnæði á vegum Landhelgisgæslunnar.
Hjálmar segir í samtali við Víkurfréttir að þotan fari ekki
vel við slíkar aðstæður og því sé tilvalið að draga vélina
fram og koma henni undir bert loft aftur undir vökulum
augum flugvirkjanema og sérfræðinga í flugvirkjanámi
Keilis. „Það verður herskari flugvirkja og flugvirkjanema
sem mun sjá um vélina til framtíðar,“ segir Hjálmar.
Sögu- og flugminjasafn Suðurnesja beitti sér á sínum tíma
fyrir því að vélin yrði eftir hér á landi og nú mun þotan
verða minnismerki um sögu Varnarliðsins sem var hér í
60 ár og líka tákn um þá starfsemi sem fer fram við flug-
völlinn, bæði hjá Keili og mörgum öðrum fyrirtækjum á
svæðinu.
„Það er gaman að sjá hversu margir hafa stoppað hérna
til að skoða vélina og taka af sér myndir við hana,“ segir
Hjálmar. Bandaríska sendiráðið ætlar að sjá til þess að
upplýsingaskilti verði sett upp við þotuna og þá hafa mörg
fyrirtæki á Ásbrú komið að verkefninu með Keili. Eigandi
þotunnar er safn bandaríska hersins og safnið gaf fúslegt
leyfi fyrir því að vélin yrði sett á stall þar sem hún er nú.
Hjálmar segir að það sé eðlilegt að menn vilji fara varlega
og vilji ekki sjá vélina drabbast niður. „Hún var að gera
það þar sem hún var í geymslu í saggafylltu húsnæði. Við
vonum svo sannarlega að okkur takist að varðveita vélina,“
segir Hjálmar Árnason hjá Keili.
HÖLLIN VIÐ SUNNUBRAUT
LAUGARDAGINN 2. SEPTEMBER FRÁ KL. 10:00 TIL 13:00.
KÖRFUKNA
TTLEIKSDEIL
DAR
KEFLAVÍKUR
Phantom F4 þotan á gatnamótum Breiðbrautar og Grænásbrautar á Ásbrú.
Það er ekki algeng sjón að sjá herþotur af stærstu gerð í umferðinni.
Á myndinni hér að neðan má svo sjá hvar þotunni er komið fyrir á
stalli framan við skólahús Keilis á Ásbrú í Reykjanesbæ.
Þotunni komið fyrir á stalli við fjölfarin gatnamót á Ásbrú í Reykjanesbæ. Þarna verður þotan til fram-
tíðar en nemendur og kennarar í flugvirkjun við flugakademíu Keilis munu sjá um að viðhalda vélinni,
skola af henni salt og sjá til þess að hún sómi sér vel á þessum stalli. VF-mynd: Hilmar Bragi
Herstöðvarandstæðingar framan við Phantom F4 þotuna þegar hún stöð við gömlu höfuðstöðvar Varnarliðsins. Myndin er
tekin skömmu eftir að Varnarliðið fór og herstöðvaandstæðingar komu í skoðunarferð um svæðið. VF-mynd: Hilmar Bragi.
Listaverk sem minnir á
60 ára sögu Varnarliðsins
●● Phantom●F4●herþota●Varnarliðsins●hefur●fengið●hlutverk●að●nýju●og●er●komin●á●stall●við●fjölfarin●gatnamót
TIL SÖLU
Baldursgarður 3, Keflavík
Opið hús kl. 17.30–18.00 mánudaginn
4. september 2017.
Um er að ræða fallegt einbýlishús við
Baldursgarð í Keflavík.
Fjögur góð svefnherbergi, stór stofa,
gott eldhús og borðstofa og stór
bílskúr.
Húsið er almennt í góðu viðhaldi og
fallegur garður og verönd með heitum
potti við húsið.
Allar nánari upplýsingar veitir
Baldvin Ómar í síma 898-1177
eða á skrifstofu Húseignar í síma
585-0100