Víkurfréttir - 30.08.2017, Síða 54

54 miðvikudagur 30. ágúst 2017VÍKURFRÉTTIR
FRÉTTAVAKT ALLAN
SÓLARHRINGINN
Í SÍMA 898 2222
Loddugangan
bönnuð innan 18!
Regnblaut
bæjarhátíð
Loddugangan nýtur ávallt vinsælda á Sandgerðis-
dögum en þar fara bæjarbúar og gestir, sem náð
hafa 18 ára aldri, í fróðlegan göngutúr um Sand-
gerði. Stoppað er víða á leiðinni þar sem sagðar
eru sögur frá fyrri tímum úr Sandgerði og boðið upp
á veitingar fyrir fullorðna. Meðfylgjandi myndir voru teknar
í Loddugöngunni sl. föstudag. Þar sagði m.a. Axel Jónsson frá Nonna og Bubba
í Sandgerði og Hafdís Garðarsdóttir sagði frá Rauða kross húsinu í Sandgerði.
Fleiri tóku til máls, enda frá mörgu að segja.
Sandgerðisdagar fóru fram í síðustu viku en hátíðin
náði hámarki sl. laugardag. Veðurguðirnir þurftu
einnig að ná ákveðnu hámarki þann dag og skvettu
talsverðri vætu og vindi úr suð-austri og svo
suð-vestri. Bæjarbúar og gestir létu það ekki á
sig fá og klæddu sig eftir veðri og nutu
skemmtilegrar dagskrár. Myndirnar tók
Hilmar Bragi á hátíðarsvæðinu á laugar-
daginn þegar hinn hafnfirski Jón
Jónsson tróð upp. Hann sagði Sand-
gerðinga vera hreystimenni og átti
von á að aðeins væru þrír á hátíð-
arsvæðinu, því veðrið var svo
blautt og leiðinlegt.
Norðurbær - Suðurbær
Lið Norðurbæjar sigraði lið Suðurbæjar eftir bráðabana í vítakeppni. Liðin höfðu
endað jöfn að stigum, hvort lið vann einn leik og sá þriðji endaði með jafntefli.
Margir veltu því fyrir sér á meðan keppninni stóð hvort leikmenn beggja liða hafi fitnað
svona mikið frá því á sama tíma fyrir ári. Því er til að svara að liðin fengu víst búninga í minni
númerum er í fyrra og það skýrir bumburnar sem voru meira áberandi í ár en oft áður.