Dagblaðið Vísir - DV - 09.02.2018, Blaðsíða 46

46 9. febrúar 2018
5,5 ára fangelsi fékk 26 ára áströlsk kona, Christine Tupu, í „brúð-kaupsgjöf“ frá áströlskum yfirvöldum. Christine hafði ávallt dreymt um prinsessubrúðkaup. Svo að sú gæti orðið raunin dró
hún, með bókhaldsbrellum, sér fé frá vinnuveitanda sínum, Electrolux. Upp úr
krafsinu hafði hún andvirði rúmlega 25 milljóna króna. Upp komast svik um
síðir og fyrstu ár hjónabandsins verða sennilega ekki draumi líkust.Sakamál
ForSmáður Fauti
Stephen greip til óyndisúrræða þegar Rana rak hann á dyr
S
tephen Griffiths, Breta um
fertugt, var ekki skemmt
þegar 35 ára sambýliskona
hans, Rana Faruqui, sagðist
vera búinn að fá nóg af ofbeldis-
fullu lundarfari hans og sagði hon-
um að hirða sitt hafurtask og láta
sig hverfa. Þau höfðu hist í október
2002, fellt hugi saman og Stephen
flutt inn til Rönu, í þorpinu Farn-
ham Common í Buckinghamskíri,
skömmu síðar.
Í apríl 2003 stóð sambandið
sem sagt á brauðfótum og Rana
gaf Stephen reisupassann. Steph-
en fullyrti að hann ætti húsið og
þurfti að fá lögreglu til að taka af
honum lyklana. Í ljós kom að hann
átti aukasett því hann sást í það
minnsta fjórum sinnum fara inn í
húsið eftir það.
Áreitni og njósnir
Stephen tók þann pól í hæðina
að áreita Rönu í tíma og ótíma og
njósna um ferðir hennar. Hann
rannsakaði innihald ruslatunnu
hennar og tók myndir af henni og
bíl hennar.
Til að fá aðgang að Royal
Windsor-hestasýningunni, tamn-
ingakeppni sem Rana tók þátt í,
þóttist hann vera ljósmyndari.
Stephen reyndi jafnvel að fá móð-
ur Rönu í lið með sér og sýndi
henni kynningu í fartölvu sinni;
kynningin var hluti af áætlun
Stephens til að fá Rönu á ný.
Tilraunir Stephens báru lítinn
árangur og skyldi engan undra.
Bremsurör klippt
Rana hafði um sex mánaða skeið
ítrekað haft samband við lögreglu
vegna ofsókna Stephens. Í síðasta
skiptið, 18. júlí 2003, hafði Rana
samband við lögregluna og lét
vita að bremsurör BMW-bifreiðar
hennar hefði verið klippt í sundur.
Lögreglan aðhafðist ekkert vegna
þess erindis og hálfum mánuði
síðar, 2. ágúst, stakk Stephen Rönu
til bana á Jennings Farm í Burn-
ham, þar sem hún hafði hest sinn
Toby á húsi.
Rana myrt
Rana var að tjóðra hestinn þegar
hún sá Stephen nálgast. Um-
svifalaust hafði hún samband við
Neyðarlínuna og heyrði sá sem
svaraði Rönu kalla: „Þér er ekki
heimilt að nálgast mig á nokkurn
hátt, Steve … Steve láttu mig í friði,
láttu mig í friði …“
Skömmu síðar heyrðust
örvæntingarfull óp Rönu sem
barðist fyrir lífi sínu.
Líkið af Rönu fannst síðar í
hrossarétt á Jennings Farm, liggj-
andi við fætur Tobys.
Leitar til læknis
Fimm dögum eftir morðið leit-
aði Stephen á náðir lækna. Hann
hringdi á sjúkrabíl vegna áverka
á úlnliðum og hægri fótlegg. Á
sjúkrahúsi í Oxford var blóð sem
var á buxum hans sent í rannsókn
og niðurstaðan var að það væri úr
honum og Rönu. Hann var hand-
tekinn á sjúkrahús-
inu.
Réttað var yfir Stephen undir
lok árs 2004 og sagði hann að
hann hefði viljað „að hún fyndi
til sársauka eins og ég“. Ekki var
Stephen að ýkja því hann stakk
Rönu tólf sinnum; í fótleggi, bak,
rasskinnar og hjarta.
Útbúnaður fyrir hrelli
Í kjölfar handtökunnar rannsakaði
lögreglan híbýli Stephens á tjald-
stæði þar sem hann hafði haldið
til. Þar fundust þrír hnífar, sjón-
auki, sprautur, rottueitur, eitur-
sódi og barefli.
Tvær bækur fundust einnig,
The Stalker og Unnatural Death,
og teygjubyssa, kúbein, tvær sagir,
vinnuvettlingar, öxi og reipi.
Stephen játaði sig sekan um
morðið á Rönu og 13. desember,
2004, fékk hann lífstíðardóm og
úrskurðað að hann skyldi afplána
minnst 12 ár og hálfu betur. Ör-
fáum vikum síðar var dómur-
inn þyngdur; lágmarksafplánun
skyldi verða 16 og hálft ár. n
„Sagði hann að
hann hefði viljað
„að hún fyndi til sársauka
eins og ég“.
A
lfred Packer hét maður frá
Allegheny-sýslu í Penn-
sylvaníu í Bandaríkjun-
um. Alfred fæddist árið
1842 og varð síðar á lífsleiðinni
þekktur sem hvort tveggja Alfred
og Alferd. Síðara nafnið var til-
komið vegna misritaðs húðflúrs
sem hann bar.
Nú Alferd þessi barðist með
sambandssinnum í borgarastyrj-
öldinni, oft nefnd þrælastríðið,
í Norður-Ameríku sem geisaði
1861–1865. Síðar gerðist Alferd
gullleitarmaður og 9. febrúar,
1874, lagði hann upp í leiðangur
við sjötta mann.
Hrepptu slæmt veður
Ferðafélagar Alferds voru Shann-
on Wilson Bell, James Humphrey,
Frank „Reddy“ Miller, George
„California“ Noon og Israel Swan.
Þrátt fyrir viðvaranir um að vænta
væri vályndra veðra settu þeir
stefnuna á Klettafjöll í Colorado.
Það var eins og við manninn mælt
að í Klettafjöllum, nánar tiltek-
ið á San Juan-fjallgarðinum, urðu
þeir félagar að láta staðar numið
vegna gríðarlegs fannfergis.
Frásögn Alferds
Áður en langt um leið fór að ganga
verulega á birgðir sexmenning-
anna og, að eigin sögn, lagði Al-
ferd land undir fót í von um að
finna eitthvað matarkyns.
Þegar hann kom aftur til búð-
anna greip hann, aftur að eigin
sögn, Shannon Wilson glóðvolgan
þar sem hann sat að snæðingi.
Uppistaða máltíðarinnar var einn
af félögunum.
Þegar Shannon Wilson varð
Alferds var réðst hann á Alferd
með öxi. Alferd sagðist ekki hafa
átt annan kost í stöðunni en að
skjóta Shannon Wilson til bana.
Og þá var eftir einn
Alferd kom til byggða 16. apr-
íl og sagði farir sínar ekki sléttar;
að Shannon Wilson hefði sturlast
og ráðið hinum bana. Síðar viður-
kenndi hann að þegar sá elsti
þeirra félaga, Israel Swan, sálaðist
þá hefðu hinir, sökum slæms að-
búnaðar neyðst til að leggja hann
sér til munns.
Fjórum eða fimm dögum síðar
hefði James Humphrey skilið við
og „var einnig etinn“. Sömu sögu
var að segja af Frank Miller, sem
dó af „slysförum“, banamein hans
mun reyndar hafa verið skóflublað
í höfuðið, og George Noon. Al-
ferd sagðist, að lokum, hafa banað
Shannon Wilson „í sjálfsvörn“.
Játning Alferds
Nú leið tíminn og var fátt frétta af
Alferd karlinum. Dró heldur betur
til tíðinda 5. ágúst, þetta sama ár,
þegar hann viðurkenndi að hafa
drepið ferðafélaga sína, alla fimm.
Það gerði hann eftir að líkamsleif-
ar félaga hans höfðu fundist og
ástand þeirra stangaðist á við frá-
sögn hans.
Sagan segir að dómarinn í
máli Alferds hafi sagt: „Bölvað-
ur sértu, Alferd Packer! Það voru
sjö „dimmycrats“ (demókratar)
í Hinsdale-sýslu og þú hefur etið
fimm þeirra.“
Hið snarasta var Alferd stung-
ið í steininn en tókst að sleppa og
fór í felur.
Dauðadómur og náðun
Hinn 11. mars, 1883, var
hulunni svipt af Alferd Packer
í Cheyenne í Wyoming. Alferd,
sem hafði gengið undir nafninu
John Schwartze, var handtekinn
fyrir morð.
Sex manns lögðu upp í gullleitarleiðangur, en aðeins einn sneri til baka
Alferd/Alfred Packer Andaðist frjáls
maður árið 1907.
Rana Faruqui Var myrt af fyrrverandi sambýlismanni sínum.
Lét sér ekki segjast Stephen Griffiths fékk fjölda
viðvarana frá lögreglunni.